ଏହି ଦେଶରେ ଅଧିକ ଅଛନ୍ତି ୧୦୦ ବର୍ଷରୁ ଅଧିକ ବୟସର ଲୋକ, ସମସ୍ତେ ପୂରା ସୁସ୍ଥ ଓ ସକ୍ରିୟ

ଟୋକିଓ – ପ୍ରାୟତଃ ଏହା ବିଶ୍ୱାସ କରାଯାଏ ଯେ, ବୟସ ବଢିବା ସହ ଲୋକଙ୍କ ଅକ୍ଷମତା ବି ବଢିବାକୁ ଲାଗେ। କିନ୍ତୁ ଜାପାନରେ ଏହି କଥା ସଂପୂର୍ଣ୍ଣ ରୂପେ ଲାଗୁ ହୁଏ ନାହିଁ। ଏଠାରେ ୧୦୦ ବର୍ଷରୁ ଅଧିକ ବୟସର ଲୋକଙ୍କ ଜନସଂଖ୍ୟା ସବୁଠୁ ଅଧିକ। କିନ୍ତୁ ଏହାର ଏହି ଅର୍ଥନୁହେଁ ଯେ, ଏଠାରେ ସବୁ ଲୋକେ ଅକ୍ଷମ। ଏଠାରେ ସବୁ ଲୋକ ସଂପୂର୍ଣ୍ଣ ରୂପେ ଫିଟ୍‌ ଓ ସୁସ୍ଥ। କେବଳ ଏତିକି ନୁହେଁ, ଏଠାରେ ବଡ଼ ସହଜରେ ନିଜର ଦୈନିକ ଜୀବନର କାର୍ଯ୍ୟକୁ ସୁଚାରୂପେ କରିଥାନ୍ତି। ହେକ୍ଟର ଗର୍ସିଆ ଓ ଫ୍ରାନ୍ସେକ୍‌ ମିରାଲେସଙ୍କ ଦ୍ୱାରା ଲେଖିତ ପୁସ୍ତକ , ଇକିଗାଇରେ ଜାପାନୀ ଲୋକଙ୍କ ଦୀର୍ଘ ଓ ସୁସ୍ଥ ଜୀବନର ରହସ୍ୟ ବିଷୟରେ କୁହାଯାଇଛି।

ଇକିଗାଇ ପୁସ୍ତକର ଦୁଇ ଲେଖକ ଜାପାନରେ ଦୀର୍ଘ ଓ ସୁଖିର ଜୀବନର ରହସ୍ୟ ଜାଣିବା ପାଇଁ ସେଠାରେ ଅନେକ ସମୟ ବିତେଇ ଥିଲେ। ଏହି ସମୟରେ ଏହି ଦୁହେଁ ଜାପାନରେ ସେହି ସ୍ଥାନକୁ ଯାଇଥିଲେ, ଯେଉଁଠି ଅଧିକ ବୟସର ଜନସଂଖ୍ୟା ଅଧିକ ଥିଲା। ଏହି କ୍ରମରେ ଗୋଟିଏ ରାଜ୍ୟ ଓକିନାୱା। ଦୁଇ ଲେଖକ ଓକିନାୱାର ଓଗିମି ଟାଉନରେ ପହଞ୍ଚି ଥିଲେ,ଯେଉଁଠି ପ୍ରାୟ ୩୨୦୦ ଜଣ ଲୋକ ରୁହନ୍ତି। ଏହି ସମସ୍ତଙ୍କ ଆୟୁଷ ପାଖାପାଖି ୧୦୦ ବର୍ଷ। ସବୁଠୁ ହୃଦୟସ୍ପର୍ଶୀ କଥା ଏହା ଦେଖିବାକୁ ମିଳିଛି ଯେ, ଏହି ସବୁ ସଂପୂର୍ଣ୍ଣ ରୂପେ ସକ୍ଷମ ଦେଖିଲେ । ଜଣେ ୮୮ ବର୍ଷିୟ ବ୍ୟକ୍ତି ନିଜେ କାର ଡ୍ରାଇଭ୍‌ କରି ଦୁଇ ଲେଖକଙ୍କୁ ଭୋଜନ ପାଇଁ ନେଇଗଲେ। ସେଠାରେ , ଏହି ବ୍ୟକ୍ତିଙ୍କ ସହାୟକଙ୍କ ବୟସ ୯୯ ବର୍ଷ ଥିଲା।

ଏହିସବୁ ବୟସ୍କ ଲୋକଙ୍କୁ ଭେଟିବା ପରେ ଲେଖକ ଦୁହେଁ ଜାଣିବାକୁ ପାଇଲେ ଯେ, ଏହି ବୟସରେ ମଧ୍ୟ ସେ ସକ୍ରିୟ। ପାଖାପାଖି ସବୁ ଲୋକ ନିଜ ନିଜର କାମ ନିଜେ କରୁଥିଲେ। ଏହା ବ୍ୟତୀତ ସେ ନିଜକୁ ସଂପୂର୍ଣ୍ଣ ରୂପେ ବର୍ତ୍ତମାନରେ ରଖି ଚାଲୁ ଥିଲେ। ତାଙ୍କୁ ନା ଗତକାଲିର ଚିନ୍ତା ଥିଲା ନା ହିଁ ଆଗାମୀ କାଲିର ଚିନ୍ତା। ସେ କୌଣସି ପ୍ରକାରରେ ଧାଁ ଦୌଡ଼ ଓ ତରବରିଆ ଜୀବନ ଠାରୁ ଦୂରରେ ଥିଲେ। ଏହା ବ୍ୟତୀତ ସେହି ଲୋକେ କିଛି ନିୟମ ତିଆରି କରିଥିଲେ। ଉଦାହରଣ ସ୍ୱରୂପ , ବୟସ ଯେତେ ବି ବଢି ଯାଉ , ସେମାନେ ନିଜ ପିଲାଙ୍କ ଉପରେ ନିର୍ଭରଶୀଳ ହୁଅନ୍ତି ନାହିଁ। ମନରେ ସଦା ଯୁବସୁଲଭ ରହୁଥିଲେ। ଲୋକଙ୍କ ସହ ବୁଲାବୁଲି କରି ଓ ହସଖୁସିରେ ରହୁଥିଲେ।

ଲାଇଫ୍‌ଷ୍ଟାଇଲ୍‌ -

ଜାପାନରେ ଲମ୍ୱା ଆୟୁଷର ଲୋକଙ୍କ ସହ ସାକ୍ଷାତ ବେଳେ ଇକିଗାଇର ଲେଖକ ସେମାନଙ୍କ ସହ କଥା ମଧ୍ୟ ହୋଇଥିଲେ। ସେମାନେ ତାଙ୍କର ଲାଇଫଷ୍ଟାଇଲ୍‌ ବିଷୟରେ ପଚାରି ବୁଝି ଥିଲେ। ସେଠାରେ ସବୁ ଲୋକ ରାତିରେ ଶୀଘ୍ର ଶୋଇ ଯାନ୍ତି ଏବଂ ସକାଳେ ଶୀଘ୍ର ଉଠିବାକୁ ପ୍ରାଥମିକତା ଦିଅନ୍ତି। ନିଜର ବଗିଚା ପ୍ରସ୍ତୁତ କରିବା , ଏଥିରେ ପରିବା ଉତ୍ପାଦନ କରିବା ଓ ଏହାର ତଦାରଖ କରିବା। ଏହା ବ୍ୟତୀତ ହାଲୁକା ବ୍ୟାୟାମ ଓ ବୁଲିବା ମଧ୍ୟ ତାଙ୍କର ରୁଟିନରେ ସାମିଲ ଅଛି। ଏହି ଲୋକେ ନିଜର ବନ୍ଧୁଙ୍କୁ ଖୁବ୍‌ ପ୍ରାଧ୍ୟାନ୍ୟ ଦେଇଥାନ୍ତି। ନିଜକୁ ସର୍ବଦା ବ୍ୟସ୍ତ ରଖିବି ଏହି ଆରାମଦାୟକ ଜୀବନ ଜିଇଁବାର କଳାରେ ପାରଙ୍ଗମ ହୋଇ ସାରିଛନ୍ତି।

କେମିତିକା ଖାଦ୍ୟପେୟ -

ଜାପାନରେ ଲୋକେ ଦୀର୍ଘ ଜୀବନର ବଡ଼ ରହସ୍ୟ ତାଙ୍କର ଖାଦ୍ୟପେୟ ବି ଲୁଚି ରହିଛି। ୮୦ ପ୍ରତିଶତ ଯାଏ ପେଟ ଭରିବା ପରେ ଏହି ଲୋକେ ଭୋଜନ ବନ୍ଦ କରି ଦିଅନ୍ତି। ଏମାନଙ୍କର ଭୋଜନ ଖୁବ୍‌ ବିବିଧତାପୂର୍ଣ୍ଣ ହୋଇଥାଏ, ଯେଉଁଥିରେ ପରିବାର ମାତ୍ରା ଖୁବ୍‌ ଅଧିକ ହୋଇଥାଏ। ପ୍ରତିଦିନ ତାଙ୍କର ଭୋଜନରେ ପାଖାପାଖି ୧୮ ପ୍ରକାରର ପଦାର୍ଥ ସାମିଲ ହୋଇଥାଏ। ଏହି ଲୋକେ ଦିନ ସାରା ପାଖାପାଖି ପାଞ୍ଚ ପ୍ରକାରର ଫଳ ଓ ପରିବା ଖାଇଥାନ୍ତି। ଉଦାହରଣ ଭାବେ , ସେମାନେ କାପ୍ସିକମ୍‌ , କ୍ୟାରୋଟ୍ , ସ୍ପାଇନାକ୍‌ , କ୍ୟାବେଜ୍‌ ଓ ବ୍ରିଞ୍ଜାଲ ଆଦି ଖାଇଥାନ୍ତି।