ଭୁବନେଶ୍ଵର ୩୦।୦୮ : ଚାଲିଥିଲା ରଙ୍ଗାରଙ୍ଗ ମେଲୋଡ଼ି। ଆଇଟମ୍ ଗାର୍ଲ ନିଶା ମହାରଣାଙ୍କ ଡାନ୍ସରେ ମତୁଆଲା ଥିଲେ ଦର୍ଶକ। ଠିକ୍ ଏତିକି ବେଳେ ପେଣ୍ଡାଲ ଉପରକୁ ଉଡ଼ିଲା ଚେୟାର। ଆଗ ଧାଡ଼ିରେ ବସିଥିବା ଜଣେ ଯୁବକ ଠିଆ ହୋଇ ନିଶା ମହାରଣାଙ୍କ ଉପରକୁ ଚେୟାର ଫିଙ୍ଗିଥିଲେ। ଏହି ଚେୟାର ମାଡ଼ରେ ନିଶାଙ୍କ ଦେହରେ ଆଘାତ ଲାଗିନଥିବା ଜଣାପଡ଼ିଛି।
ଜଟଣୀ ଥାନା ଛକରେ ପଡିଥିଲା ପାର୍ବତୀ ଗଣନାନ୍ୟ । ଆଉ ଚାଲିଥିଲା ଅପେରା । ଠିକ୍ ଏହି ସମୟରେ ଆଇଟମ୍ ଗାର୍ଲ ନିଶା ମହାରଣାଙ୍କୁ ଚେୟାର ମାଡ଼ ହୋଇଛି। ଯାତ୍ରା ବହି ଆରମ୍ଭ ପୂର୍ବରୁ ନିଶା ମହାରଣା ଅଶ୍ଳୀଳ ନୃତ୍ୟ କରୁଥିବା ବେଳେ ଜଣେ ଦର୍ଶକ ତାଙ୍କ ଉପରକୁ ଚେୟାର ଫିଙ୍ଗିଥିଲେ। ତେବେ ଚେୟାରଟି ନିଶାଙ୍କ ଦେହରେ ବାଜି ନଥିଲା। ନିକଟରେ ଥିବା ଅନ୍ୟ କିଛି ଯୁବକ ଚେୟାର ଫିଙ୍ଗିଥିବା ଯୁବକଙ୍କୁ ନିସ୍ତୁକ ମାଡ଼ ମାରିଥିଲେ। ତେବେ ଚେୟାର ଫୋପାଡିଥିବା ଯୁବକ ଜଣକ ଖୋର୍ଦ୍ଧାର ବୋଲି ଜଣାପଡ଼ିଛି। ଦୁର୍ବୃତ୍ତମାନେ ପେଣ୍ଡାଲ ବାହାରେ ଥିବା ଯୁବକଙ୍କ କାର୍ର ଆଗ କାଚ ଭାଙ୍ଗି ଚୁରମାର୍ କରି ଦେଇଛନ୍ତି।
