ନୂଆଦିଲ୍ଲୀ ୩୦।୦୮; ଅଲ୍ଲୁ ଅର୍ଜୁନଙ୍କ ପରିବାରରେ ଶୋକର ବାତାବରଣ। ଅଭିନେତାଙ୍କ ଜେଜେମାଆ କନକରତ୍ନମଙ୍କ ଦେହାନ୍ତ ହୋଇଛି। ଶନିବାର ଭୋର ସମୟରେ ତାଙ୍କ ବାସଭବନରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୯୪ ବର୍ଷ ହୋଇଥିଲା । କନକରତ୍ନମ ଅଲ୍ଲୁ ଅର୍ଜୁନଙ୍କ ବାପାଙ୍କ ମାଆ ଓ ରାମ ଚରଣଙ୍କ ମାଆଙ୍କ ମାଆ ଅଟନ୍ତି । ତେବେ ତାଙ୍କ ଦେହାନ୍ତରେ ଉଭୟ ପରିବାରରେ ଶୋକର ଛାୟା ଖେଳିଯାଇଛି ।
ସୂଚନା ଅନୁସାରେ, ବୟସ ଜନିତ ରୋଗରେ ପୀଡ଼ିତ ଥିବା ବେଳେ ଚଳିତ ମାର୍ଚ୍ଚ ମାସରେ କନକରତ୍ନମଙ୍କୁ ହାଇଦ୍ରାବାଦରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ସେ ନିଜ ଘରେ ଦୁନିଆକୁ ଅଲବିଦା କହିଛନ୍ତି । କହିବାକୁ ଗଲେ ଦୁଇ ବର୍ଷ ପୂର୍ବେ, ଅଲ୍ଲୁ ରାମଲିଙ୍ଗାୟଙ୍କ ୧୦୦ ବର୍ଷର ଐତିହ୍ୟକୁ ସ୍ମରଣ କରିବା ପାଇଁ ଏକ କାର୍ଯ୍ୟକ୍ରମରେ, ତାଙ୍କୁ ହ୍ୱିଲଚେୟାରରେ ବସି ମଞ୍ଚ ଉପରକୁ ଅଣାଯାଉଥିବାର ଦେଖାଯାଇଥିଲା । ଯାହାର ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଥିଲା ।
మా అత్తయ్య గారు.. కీ.శే అల్లు రామలింగయ్య గారి సతీమణి కనకరత్నమ్మ గారు శివైక్యం చెందటం ఎంతో బాధాకరం.
— Chiranjeevi Konidela (@KChiruTweets) August 30, 2025
మా కుటుంబాలకు ఆమె చూపిన ప్రేమ, ధైర్యం, జీవిత విలువలు ఎప్పటికీ మాకు ఆదర్శం.
వారి పవిత్ర ఆత్మకు శాంతి చేకూరాలని దేవుడిని ప్రార్థిస్తున్నాను.
ఓం శాంతిః 🙏
ତାଙ୍କର ଅନ୍ତିମ ସଂସ୍କାର ଶନିବାର ଅପରାହ୍ନରେ କୋକାପେଟରେ କରାଯିବ । କନକରତ୍ନମଙ୍କ ଦେହାନ୍ତ ଖବର ଆସିବା ହେବା ମାତ୍ରେ, ଅଲ୍ଲୁ ଅର୍ଜୁନଙ୍କ ମାମୁଁ ଚିରଞ୍ଜିବୀଙ୍କ ସମେତ ଅନ୍ୟ କଳାକାର ସଦସ୍ୟମାନେ ଅଲ୍ଲୁଙ୍କ ଘରେ ପହଞ୍ଚିଛନ୍ତି । ସେପଟେ ଅଭିନେତା ଅଲ୍ଲୁ ଅର୍ଜୁନ ଏବଂ ରାମ ଚରଣ ଉଭୟେ ନିଜ ପରିବାର ସହ ରହିବା ପାଇଁ ସେମାନଙ୍କର ଫିଲ୍ମ ସୁଟିଂକୁ ବନ୍ଦ ରଖିଛନ୍ତି । ଅଲ୍ଲୁ ମୁମ୍ବାଇରୁ ଆସି ପହଞ୍ଚିଥିବା ବେଳେ ରାମ ଚରଣ ଘରକୁ ଫେରିବା ପାଇଁ ମୈସୁରରେ ତାଙ୍କର ସୁଟିଂ କ୍ୟାନସଲ୍ କରିଛନ୍ତି । କୁହାଯାଉଛି ଯେ ପବନ କଲ୍ୟାଣ ଏବଂ ନାଗାବାବୁ ଏକ ମିଟିଂ ପାଇଁ ବାହାରେ ଅଛନ୍ତି। ସେମାନେ ଆସନ୍ତାକାଲି ଅଲ୍ଲୁଙ୍କ ପରିବାରକୁ ଭେଟିବାକୁ ଯିବେ।
