ଭୁବନେଶ୍ଵର: ଏ ବର୍ଷ ହେବନି କି କଲେଜ ଇଲେକ୍ସନ ? ଏପ୍ରଶ୍ନ ଏଇଥି ପାଇଁ ଉଠିଛି କାହିଁକି ନା’ ଲିଙ୍ଗଡୋ କମିଶନ ସୁପାରିଣ ଆଧାରରେ ଛାତ୍ର ସଂସଦ ନିର୍ବାଚନ ପ୍ରକ୍ରିୟା ଶିକ୍ଷା ବର୍ଷ ଆରମ୍ଭର ଦୁଇ ମାସ ଭିତରେ ହେବା କଥା । ଏମିତିରେ ୨୦୧୭ କଲେଜ ନିର୍ବାଚନକୁ ଦେଖିଲେ ନିର୍ବାଚନର ହେବାର ମାସକ ପୂର୍ବରୁ କଲେଜ ନିର୍ବାଚନ ପାଇଁ ସରକାର ବିଜ୍ଞପ୍ତି ପ୍ରକାଶ କରିବା କଥା । କିନ୍ତୁ ଏପର୍ଯ୍ୟନ୍ତ ଉଚ୍ଚ ଶିକ୍ଷା ବିଭାଗ ପକ୍ଷରୁ କଲେଜ ଛାତ୍ର ସଂସଦ ନିର୍ବାଚନ ନେଇ କୌଣସି ବିଜ୍ଞପ୍ତି ପ୍ରକାଶ ପାଇନି । ତେଣୁ ଚଳିତ ବର୍ଷ କଲେଜ ଇଲେକ୍ସନ ନେଇ ସୃଷ୍ଟି ହୋଇଛି ଆଶଙ୍କା ।
Also read: ନୂତନ ଓଡ଼ିଶା ଗଠନ ପାଇଁ ତାଙ୍କ ଅବଦାନ ଲୋକଙ୍କର ଜୀବନସାରା ମନେ ରହିବ
ଏଥର ହେବନି କି କଲେଜ ନିର୍ବାଚନ ? ପୁଣି ମଉଳିବ କି ଛାତ୍ର ସଂସଦ ନିର୍ବାଚନ ଆଶା ? ୭ ବର୍ଷ ପରେ ଛାତ୍ର ସଂସଦ ନିର୍ବାଚନକୁ ନେଇ ସରଗରମ ହୋଇଥିଲା କଲେଜ କ୍ୟାମ୍ପସ । ନିର୍ବାଚନକୁ ନେଇ ଅନେକ ଆଶା ବାନ୍ଧିଥିଲେ ଛାତ୍ରଛାତ୍ରୀ । ହେଲେ ଏଯାଏ କଲେଜ ନିର୍ବାଚନକୁ ନେଇ ବିଜ୍ଞପ୍ତି ପ୍ରକାଶ ପାଇନଥିବାରୁ ଏହାକୁ ନେଇ ସୃଷ୍ଟି ହୋଇଛି ଦ୍ବନ୍ଦ୍ବ । ଲିଙ୍ଗଡୋ କମିଶନ ସୁପାରିଣ ଆଧାରରେ ଛାତ୍ର ସଂସଦ ନିର୍ବାଚନ ପ୍ରକ୍ରିୟ ଶିକ୍ଷା ବର୍ଷ ଆରମ୍ଭର ଦୁଇ ମାସ ଭିତରେ ହେବା କଥା ।
ଏମିତିରେ ୨୦୧୭ କଲେଜ ନିର୍ବାଚନକୁ ଦେଖିଲେ ନିର୍ବାଚନର ମାସକ ପୂର୍ବରୁ କଲେଜ ନିର୍ବାଚନ ପାଇଁ ସରକାର ବିଜ୍ଞପ୍ତି ପ୍ରକାଶ କରିବା କଥା । କିନ୍ତୁ ଏପର୍ଯ୍ୟନ୍ତ ଉଚ୍ଚ ଶିକ୍ଷା ବିଭାଗ ପକ୍ଷରୁ କଲେଜ ଛାତ୍ର ସଂସଦ ନିର୍ବାଚନ ନେଇ ବିଜ୍ଞପ୍ତି ପ୍ରକାଶ ପାଇନି। ଦ୍ବିତୀୟରେ ଉଚ୍ଚ ଶିକ୍ଷା ବିଭାଗ ପକ୍ଷରୁ ଚଳିତ ଶିକ୍ଷା ବର୍ଷର କଲେଜ କ୍ୟାଲେଣ୍ଡର ମଧ୍ୟ ପ୍ରକାଶ ହୋଇନି । ଏମିତିରେ ଚଳିତ ବର୍ଷ ସରକାର କଲେଜର ଛାତ୍ର ସଂସଦ ନିର୍ବାଚନ କରିବା ମୁଡରେ ବୋଧହୁଏ ନାହାନ୍ତି ବୋଲି ଚର୍ଚ୍ଚା ହେଉଛି । କାରଣ ୨୭ ସେପ୍ଟେମ୍ବରରେ କଲେଜରେ ପୂଜା ଛୁଟି ହୋଇଯିବ । ୨୫ ତାରିଖରେ ନିର୍ବାଚନ ହେବ କଥା । ୨୬ ତାରିଖରେ ନିର୍ବାଚିତ ପ୍ରତିନିଧିମାନେ ଶପଥ ଗ୍ରହଣ କରିବା କଥା। କିନ୍ତୁ ବର୍ତମାନ ସୁଦ୍ଧା ସରକାରଙ୍କ ପକ୍ଷରୁ କୌଣସି ପ୍ରକାର ପଦକ୍ଷେପ ନିଆ ଯାଇନାହିଁ ।
ଏପଟେ କଲେଜ ନିର୍ବାଚନକୁ ନେଇ ଦ୍ବନ୍ଦ୍ବରେ ଥିବା ଛାତ୍ର ସଂଗଠନ ଏବେ ସରକାରଙ୍କୁ ଘେରିଛନ୍ତି । ବିଜେଡି କହିଛି ସରକାର ଭୟରେ କଲେଜ ନିର୍ବାଚନ କରାଉନାହାନ୍ତି । କଂଗ୍ରେସ କହିଛି ସରକାର ବର୍ତ୍ତମାନ ପର୍ଯ୍ୟନ୍ତ କଲେଜ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ କରିନାହାନ୍ତି । ଏଥରୁ ସ୍ପଷ୍ଟ ଯେ କଲେଜ ନିର୍ବାଚନ ହେବ ନାହି । ସରକାର ଛାତ୍ରନେତା ସୃଷ୍ଟି କରିବାକୁ ଚାହୁଁନାହାନ୍ତି।
ଏପଟେ କିନ୍ତୁ ABVP ସମ୍ମିଳନୀରେ ମୁଖ୍ୟମନ୍ତ୍ରୀ କଲେଜ ନିର୍ବାଚନ ହେବ ବୋଲି କହିଥିଲେ, ସେଥିପାଇଁ ଏବେ ବି ABVP ଛାତ୍ର ସଂସଦ ନିର୍ବାଚନ ନେଇ ଆଶା ରଖି କ୍ୟାମ୍ପସରେ ସାଂଗଠନିକ କାର୍ଯ୍ୟ ଚଳାଇଛି । ୨୦୧୭ରେ ଶେଷ ଥର ପାଇଁ ଛାତ୍ର ସଂସଦ ନିର୍ବାଚନ ହୋଇଥିଲା । ୨୦୧୮ରେ କୋଭିଡର ଆଳ ଦେଖାଇ ପୂର୍ବ ସରକାର ଛାତ୍ର ସଂସଦ ନିର୍ବାଚନ କରିନଥିଲେ । ଆଉ ସେବେଠୁ ୭ବର୍ଷ ହେଲା କଲେଜ ଇଲେକ୍ସନ ହୋଇନାହିଁ ।
