'ପତି ପତ୍ନୀ ଔର ୱୋ ୨'ର ସେଟ୍‌ରେ ହଙ୍ଗାମା, ଫିଲ୍ମ ନିର୍ଦ୍ଦେଶକ-କ୍ରୁ ମେମ୍ଵରଙ୍କୁ ମାଡ ମାରିଲେ ସ୍ଥାନୀୟ ଲୋକେ

Published By : Prameya-News7 Bureau | August 29, 2025 IST

ନୂଆଦିଲ୍ଲୀ ୨୯।୦୮; ବଲିଉଡ୍ ଷ୍ଟାର ଆୟୁଷ୍ମାନ ଖୁରାନା ଏବଂ ସାରା ଅଲି ଖାନ। ଦୁହେଁ ତାଙ୍କର ଅପକମିଂ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । ଉତ୍ତର ପ୍ରଦେଶର ପ୍ରୟାଗରାଜରେ ଫିଲ୍ମ 'ପତି ପତ୍ନୀ ଔର ୱୋ ୨'ର ସୁଟିଂ କରୁଛନ୍ତି। ହେଲେ ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଫିଲ୍ମ ଟିମ୍ ଏବଂ କିଛି ସ୍ଥାନୀୟ ଲୋକଙ୍କ ମଧ୍ୟରେ ଝଗଡ଼ା ଦେଖିବାକୁ ମିଳୁଛି। ଏହି ଘଟଣା ପରେ ସୁଟିଂ ସ୍ଥାନରେ ଗଣ୍ଡଗୋଳ ସୃଷ୍ଟି ହୋଇଥିଲା।

'ପତି ପତ୍ନୀ ଔର ୱୋଃ ୨'ର ସୁଟିଂ ପ୍ରୟାଗରାଜରେ ଆରମ୍ଭ ହୋଇଥିଲା। ଭାଇରାଲ୍ ଭିଡିଓ ଅନୁଯାୟୀ, କିଛି ଲୋକ ଫିଲ୍ମ କ୍ରୁ ସଦସ୍ୟଙ୍କୁ ମାଡ ମାରୁଥିବା ଦେଖାଯାଉଛି। ଯାହା ପରେ ପୋଲିସ ପରିସ୍ଥିତି ନିୟନ୍ତ୍ରଣ କରିବାକୁ ଘଟଣାସ୍ଥଳରେ ପହଞ୍ଚିଥିଲା। ବର୍ତ୍ତମାନ ଅନଲାଇନରେ ସେୟାର ହେଉଥିବା ଏହି କ୍ଲିପ୍ କଳାକାର ଏବଂ କ୍ରୁଙ୍କ ସୁରକ୍ଷା ନେଇ ଚିନ୍ତା ସୃଷ୍ଟି କରିଛି। ଫୁଟେଜରେ ଝଗଡା-ମାଡ ସ୍ପଷ୍ଟ ଭାବରେ ଦେଖାଯାଉଛି। କିନ୍ତୁ ଝଗଡ଼ାର ପ୍ରକୃତ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

କିଛି ଭିଡିଓରେ ଏହା ମଧ୍ୟ ଦାବି କରାଯାଇଛି ଯେ ଯାହାକୁ ମାଡ଼ ଦିଆଯାଉଥିଲା ସେ ଫିଲ୍ମର ନିର୍ଦ୍ଦେଶକ ଥିଲେ। ସ୍ଥାନୀୟ ଲୋକ ସେମାନଙ୍କୁ ଶାନ୍ତ କରିବାକୁ ଚେଷ୍ଟା କରିଥିଲେ, କିନ୍ତୁ ପରିସ୍ଥିତି ଶାନ୍ତ ହେବା ବ୍ୟତୀତ ଲୋକ ଝଗଡ଼ାରେ ସାମିଲ ହୋଇଥିଲେ। ହେଲେ ଏପର୍ଯ୍ୟନ୍ତ, ନିର୍ମାତା କିମ୍ବା "ପତି ପତ୍ନୀ ଔର ୱୋଃ ୨" ର କାଷ୍ଟମାନେ ଏହି ଘଟଣା ବିଷୟରେ କୌଣସି ଅଫିସିଆଲି ସୂଚନା ଜାରି କରିନାହାଁନ୍ତି। 

'ପତି ପତ୍ନୀ ଔର ୱୋହ 2' ରେ ଆୟୁଷ୍ମାନ, ରାକୁଲ ପ୍ରୀତ ସିଂହ ଏବଂ ସାରା ଅଲି ଖାନ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ମିଡିଆ ରିପୋର୍ଟ ଅନୁଯାୟୀ, ଫିଲ୍ମରେ ଭାମିକା ଗବ୍ବି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିବେ। ଏହି କମେଡି ଫିଲ୍ମଟି ମୁଦାସର ଅଜିଜ୍ ନିର୍ଦ୍ଦେଶିତ। ଏହାର ପ୍ରଯୋଜକ ହେଉଛନ୍ତି ଭୂଷଣ କୁମାର ଏବଂ ଜୁନୋ ଚୋପ୍ରା। ଏହା ୨୦୨୬ରେ ବଡ଼ ପରଦାକୁ ଆସିବ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.