ଭୁବନେଶ୍ଵର:  ଉତ୍କର୍ଷ ଓଡ଼ିଶା କନକ୍ଲେଭରେ ୧୦ ଲକ୍ଷ କୋଟିର ପୁଞ୍ଜି ନିବେଶ ପ୍ରତିଶ୍ରୁତି ଆସିଛି । ଓଡିଶାରେ ପୁଞ୍ଜି ନିବେଶ ପାଇଂ ବଡବଡ ଶିଳ୍ପ ପତିଙ୍କ ଲମ୍ବା ଲାଇନ୍ ଲାଗିଥିବା ବେଳେ ଏଥିରେ ସୁମା ରିଅଲ ମିଡିଆ ନିଜର ଉପସ୍ଥିତି ଜାହିର କରିଛି। ଉତ୍କର୍ଷ ଓଡ଼ିଶା – ମେକ ଇନ ଓଡିଶା କାର୍ଯ୍ୟକ୍ରମରେ ଯୋଗଦେଇ ଓଡିଶାର ସ୍ଵାସ୍ଥ୍ୟ କ୍ଷେତ୍ରରେ ୧୦୦୦ କୋଟି ଟଙ୍କା ନିବେଶ କରିବ ସୁମା ରିଅଲ ମିଡ଼ିଆ। ଏ ନେଇ ରାଜ୍ୟ ସରକାରଙ୍କ ସହ ସୁମା ରିଅଲ ମିଡିଆ ଏମଓୟୁ ସ୍ଵାକ୍ଷର କରିଛି। ମଙ୍ଗଳବାର ଏ ନେଇ ସୂଚନା ଦେଇଛନ୍ତି ସ୍ଵାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ। ଏହିପରି ଓଡ଼ିଶାର ସ୍ଵାସ୍ଥ୍ୟ କ୍ଷେତ୍ରକୁ ଏକ ନୂତନ ଶିଖରରେ ପହଞ୍ଚାଇବା ପାଇଁ ସୁମା ରିଅଲ ମିଡିଆ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିବାକୁ ଯାଉଛି।

ସ୍ଵାସ୍ଥ୍ୟ ମନ୍ତ୍ରୀ କହିଛନ୍ତି ଉତ୍କର୍ଷ ଓଡ଼ିଶା କନକ୍ଲେଭରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ଵ ପ୍ରତି ଆସ୍ଥା ପ୍ରକଟ୍ କରି ନଅ ଜଣ ପ୍ରମୋଟର ଓଡ଼ିଶାର ସ୍ଵାସ୍ଥ୍ୟ କ୍ଷେତ୍ରରେ ନିବେଶ କରିବାକୁ ଯାଉଛନ୍ତି। ସେମାନେ ମୋଟ୍ ୪୩୬୯ କୋଟି ଟଙ୍କାର ନିବେଶ ହେବ। ଏଥିରେ ସୁମା ରିଅଲ ମିଡିଆ ୧୦୦୦ନ କୋଟି ଟଙ୍କାର ନିବେଶ କରିବ। ଏହି ଅବସରରେ ପ୍ରମୋଟରଙ୍କୁ ଧନ୍ୟବାଦ ଜଣାଇଛନ୍ତି ସ୍ଵାସ୍ଥ୍ୟ ମନ୍ତ୍ରୀ।

Also read: ଉତ୍କର୍ଷ ଓଡ଼ିଶା କନକ୍ଲେଭରେ ୧୦ ଲକ୍ଷ କୋଟିର ପୁଞ୍ଜି ନିବେଶ ପ୍ରତିଶ୍ରୁତି: ଶିଳ୍ପ ସଚିବ

ସୂଚନାଯୋଗ୍ୟ, ଦୁଇ ଦିନରେ ପାଖାପାଖି ୯୦ କମ୍ପାନୀଙ୍କ ସହ MOU ସ୍ବାକ୍ଷର କରିଛନ୍ତି ସରକାର । ଯେଉଁଥିରେ ୧୦ ଲକ୍ଷ କୋଟି ଟଙ୍କାର ପୁଞ୍ଜି ନିବେଶ ପାଇଂ ପ୍ରତିଶ୍ରୁତି ମିଳିଛି । ମେଟାଲ ଓ ଷ୍ଟିଲ କ୍ଷେତ୍ରରେ ସବୁଠୁ ଅଧିକ ପୁଞ୍ଜି ନିବେଶ ପ୍ରତିଶ୍ରୁତି ମିଳିଛି । ଏହା ତଳକୁ ରହିଛି କେମିକାଲ ଓ ପେଟ୍ରୋ କେମିକାଲ । ସେହିପରି ତିନି ନମ୍ବର ରେ ରହିଛି ସୌର ଶକ୍ତି, ପବନ ଶକ୍ତି ବା ଅକ୍ଷୟ ଶକ୍ତି କ୍ଷେତ୍ର । ନୂଆ ସେକ୍ଟର ଭାବେ ଫାର୍ମା କ୍ଷେତ୍ରରେ ପୁଞ୍ଜି ନିବେଶ ପାଇଁ ବି ଆଗ୍ରହ ଦେଖାଇ ଛନ୍ତି ବିଭିନ୍ନ କମ୍ପାନୀ । ଟେକ୍ସଟାଇଲ ଓ ଆପାରେଲ କ୍ଷେତ୍ରରେ ବି ପୁଞ୍ଜି ନିବେଶ ପାଇଁ ଅନେକ ଆଗ୍ରହୀ ହୋଇଛନ୍ତି । ଯେଉଁ କମ୍ପାନୀ କେବେ ଓଡ଼ିଶା କୁ ଆସିବାକୁ ଇଛା କରୁ ନଥିଲେ ସେମାନେ ଏଥର ଓଡ଼ିଶା ଆସିଛନ୍ତି ପୁଞ୍ଜି ନିବେଶ ପାଇଁ ବୋଲି କହିଛନ୍ତି ଶିଳ୍ପ ସଚିବ ।