Byju’s ମାଲିକଙ୍କୁ ଆମେରିକାରେ ଝଟକା, ପୈଠ କରିବାକୁ ହେବ 1 ବିଲିୟନ ଡଲାରରୁ ଅଧିକ

ଡିଲାୱେର ୨୨।୧୧: ଏକ ଆମେରିକୀୟ ବ୍ୟାଙ୍କରପସି କୋର୍ଟ ଡିଫଲ୍ଟ ଆଦେଶରେ ‘ବାୟଜୁସ୍’ ସଂସ୍ଥାପକଙ୍କୁ ୧ ବିଲିୟନ ଡଲାରରୁ ଅଧିକ ପୈଠ କରିବାକୁ କହିଛନ୍ତି। ଏହି ଆଦେଶ ଭାରତର ସବୁଠୁ ବଡ଼ ଷ୍ଟାର୍ଟଅପ ବାୟଜୁସ ଓ ଏହାର କ୍ରେଡିଟର୍ସଙ୍କ ମଧ୍ୟରେ ଚାଲିଥିବା ଆଇନଗତ ଲଢେଇର ଶେଷ ପର୍ଯ୍ୟାୟରେ ଦିଆଯାଇଛି। ଡିଫଲ୍ଟ ଜଜମେଣ୍ଟ ଏକ ଏପରି ରାୟ ଯାହା ପାର୍ଟି ମକଦ୍ଦମାରେ ଅଂଶଗ୍ରହଣ ନ କରିବା ବା କୋର୍ଟଙ୍କ ଆଦେଶକୁ ଟାଳିଯିବାରେ ଦିଆଯାଏ। ଏଥିରେ କୋର୍ଟ ଏକତରଫା ଭାବେ ରାୟ ଦେଇଥାନ୍ତି।

ବାୟଜୁ ରବିନ୍ଦ୍ରନ ଯିଏ ଜଣେ ପୂର୍ବତନ କର୍ପୋରେଟ ଷ୍ଟାର ଓ ଅତୀତରେ ଏହିନାମରେ ଆଡଟେକ୍ ଓ ଟ୍ୟୁଟରିଂ କମ୍ପାନୀ ଆରମ୍ଭ କରିଥିଲେ। ବାୟଜୁ ରବିନ୍ଦ୍ରନଙ୍କ ବିରୋଧରେ କୋର୍ଟଙ୍କ ଡିଫଲ୍ଟ ରାୟ ସେତେବେଳେ ଆସିଲା ଯେତେବେଳେ ତାଙ୍କ ଲେଣ୍ଡର୍ସ ୨୦୨୧ରେ ଦେଇଥିବା ୧.୨ ବିଲିୟନ ଡଲାର ୟୁଏସ ଟର୍ମ ଲୋନ ସୁଝିବାରେ ବିଫଳ ହୋଇଥିଲେ। ଡିଲାୱେର କୋର୍ଟରେ ଚାଲିଥିବା ଏହି ମାମଲାରେ କୋର୍ଟ କହିଛନ୍ତି ଯେ ଦୁବାଇରେ ରହୁଥିବା ରବିନ୍ଦ୍ରନ ଆଇନଗତ ତଦନ୍ତକୁ ଅସ୍ୱୀକାର କରିଦେଇଥିଲେ ଓ ବାରମ୍ବାର ଶୁଣାଣିରେ ଯୋଗ ଦେଇ ନଥିଲେ।

ଚଳିତବର୍ଷ ପ୍ରାରମ୍ଭରେ କୋର୍ଟ ତାଙ୍କୁ ଅଦାଲତ ଅବମାନନାରେ ଦୋଷୀ କରିଥିଲେ ଓ ଏଥି ପାଇଁ ଦୈନିକ ୧୦ହଜାର ଡଲାର ଜରିମନା କରିଥିଲେ। ଏହି ଜରିମନା ରାଶି ସେବେଠାରୁ ଏପର୍ଯ୍ୟନ୍ତ ଲକ୍ଷେ ଡଲାରରୁ ଅଧିକ ହୋଇଥିବା ଜଣାପଡିଛି। କୋର୍ଟ ରବିନ୍ଦ୍ରନଙ୍କୁ ‘ଆଲଫ ଫଣ୍ଡସ୍’ ଓ ଏହା ପରେ ହୋଇଥିବା ଟ୍ରାଞ୍ଜାକ୍ସନରୁ ହୋଇଥିବା ଆୟର ପୁରା ହିସାବ କିତାବ ଦେବାକୁ କହିଥିଲେ। ଜଜ୍ ବ୍ରେଣ୍ଡନ ସ୍ୟାନନ କହିଛନ୍ତି ଯେ ଦିଆଯାଇଥିବା ଆଶ୍ୱସ୍ତି ଏକ ବଡ଼ ଆଶ୍ୱସ୍ତି ଥିଲା କିନ୍ତୁ ଉଚିତ ଥିଲା।

ଆଦେଶରେ ଅନେକବାର ଡେଡ ଲାଇନ ମିସ୍ ହେବା, ଅଧା ଅଧୁରା ଫାଇଲିଂ, ହାଜର ନହେବା ଓ ପୂର୍ବର ବ୍ୟାନ ପେମେଣ୍ଟ ନ କରିବାର ଅଭିଯୋଗ ରହିଛି। ଏଥିରେ ଜୁଲାଇରୁ ଲାଗୁ ହୋଇଥିବା ସିଭିଲ କଣ୍ଟେପ୍ଟ ଲାଗି ଦୈନିକ ୧୦ ହଜାର ଡଲାର ଜରିମନା ମଧ୍ୟ ସାମିଲ ରହିଛି। ଚଳିତ ବର୍ଷ ପ୍ରାରମ୍ଭରେ ବାୟଜୁସ୍ କ୍ରେଡିଟର୍ସ ସିଧା ରବିନ୍ଦ୍ରନଙ୍କ ବିରୋଧରେ କେସ ରୁଜୁ କରିଥିଲେ। ତାଙ୍କ ଉପରେ ୫୩୩ ନିୟୁତ ଡଲାର ଋଣ ରାଶି ଥିବା ଅଭିଯୋଗ କରିଥିଲେ। ବାୟଜୁସ୍ ସଂସ୍ଥାପକ ପ୍ରଥମେ ଅଭିଯୋଗକୁ ଭିତ୍ତିହୀନ ଓ ମିଥ୍ୟା ବୋଲି କହିଥିଲେ।

ରବିନ୍ଦ୍ରନ ନୂଆ ରାୟ ଉପରେ କମେଣ୍ଟ କରିବା ଲାଗି ରିକ୍ୱେଷ୍ଟର ତୁରନ୍ତ ଜବାବ ଦେଇ ନାହାନ୍ତି। ଏକଦା ୨୨ ବିଲିୟନ ଡଲାର ମୂଲ୍ୟର ବାୟଜୁସ୍ ବ୍ଲାକ୍ ରକ୍ ଓ ପୋରୋସସ ଭଳି କମ୍ପାନୀଙ୍କ ଭଳି ଲୋକଙ୍କୁ ବେଶ୍ ଆକୃଷ୍ଟ କରିଥିଲା ଓ ଇନଭେଷ୍ଟମେଣ୍ଟ ହାସଲ କରିଥିଲା। ତେବେ କମ୍ପାନୀ ସଂଗ୍ରହ କରିଥିବା ପାଣ୍ଠିକୁ ସାରା ବିଶ୍ୱରେ ସମ୍ପ୍ରସାରଣ ପାଇଁ ବ୍ୟୟ କରିଥିଲା। ଏହି କମ୍ପାନୀ କତାରର ଫିଫା ୱାର୍ଲଡ କପ ଓ ଭାରତୀୟ କ୍ରିକେଟ ଟିମ୍ ର ମଧ୍ୟ ପ୍ରାୟୋଜକ ଥିଲା।