ଆରବିଆଇର ବଡ଼ ଘୋଷଣା: ସୁନା ବଦଳରେ ଏଣିକି ରୂପା ଉପରେ ବି ମିଳିବ ଋଣ

ନୂଆଦିଲ୍ଲୀ ୧୫/୧୧: ଭାରତୀୟ ରିଜର୍ଭ ବ୍ୟାଙ୍କ (RBI) ନେଇଛି ବଡ଼ ନିଷ୍ପତ୍ତି । ନିଷ୍ପତ୍ତି ଅନୁଯାୟୀ ସୁନା ପରି ରୂପା ଉପରେ ବି ମିଳିବ ଋଣ । ଆଉ RBI ସୁନା ଓ ରୂପା (ଋଣ) ନିର୍ଦ୍ଦେଶାବଳୀ, ୨୦୨୫ ଜାରି କରିଛି । ଯାହା ୧ ଏପ୍ରିଲ, ୨୦୨୬ରୁ କାର୍ଯ୍ୟକାରୀ ହେବ । ନୂତନ ନିର୍ଦ୍ଦେଶାବଳୀରେ କିଏ ଋଣ ପ୍ରଦାନ କରିବ । କେତେ ରୂପା କିମ୍ବା ସୁନା ବନ୍ଧକ ରଖାଯାଇପାରିବ । ସର୍ବାଧିକ ଋଣ ସୀମା ନିର୍ଦ୍ଦିଷ୍ଟ କରାଯାଇଛି ।

ଏହି ପଦକ୍ଷେପକୁ ଗ୍ରାମୀଣ ଓ ମଧ୍ୟବିତ୍ତ ବର୍ଗଙ୍କ ପାଇଁ ଏକ ବଡ଼ ଆଶ୍ୱସ୍ତି ଭାବରେ ବିବେଚନା କରାଯାଉଛି।ଏହାସହ ଲକ୍ଷ ଲକ୍ଷ ଗ୍ରାମୀଣ ଏବଂ ସହରାଞ୍ଚଳ ଗ୍ରାହକଙ୍କୁ ବି ଲାଭ ମିଳିବ । ଯେଉଁମାନେ ଏବେ ସେମାନଙ୍କର ଆର୍ଥିକ ଆବଶ୍ୟକତା ପୂରଣ କରିବା ପାଇଁ ସେମାନଙ୍କର ରୂପା ବ୍ୟବହାର କରିପାରିବେ।ନୂତନ ନିର୍ଦ୍ଦେଶାବଳୀ ଅନୁଯାୟୀ, ଜଣେ ଗ୍ରାହକ ସର୍ବାଧିକ ୧୦ କିଲୋଗ୍ରାମ କିମ୍ବା ସର୍ବନିମ୍ନ ୫୦୦ ଗ୍ରାମ ରୂପା ଅଳଙ୍କାର ପାଇଁ ଋଣ ପାଇପାରିବେ । ଏହି ସୀମା ଅତିକ୍ରମ କରିବାକୁ ଅନୁମତି ଦିଆଯିବ ନାହିଁ ।

ଏହି ସୁବିଧା ସମସ୍ତ ବ୍ୟାଙ୍କ, ସମବାୟ ବ୍ୟାଙ୍କ ଏବଂ ଅଣ-ବ୍ୟାଙ୍କିଙ୍ଗ ଆର୍ଥିକ ପ୍ରତିଷ୍ଠାନ ବା NBFC ପାଇଁ ଉପଲବ୍ଧ ହେବ । ରୂପା ବିରୁଦ୍ଧରେ ଋଣ ସାତ ବର୍ଷ ମଧ୍ୟରେ ପରିଶୋଧ କରାଯାଇପାରିବ । ସୁଧ ହାର ବ୍ୟାଙ୍କଗୁଡ଼ିକ ଦ୍ୱାରା ନିର୍ଣ୍ଣୟ କରାଯିବ ଏବଂ ବର୍ତ୍ତମାନର ବଜାର ପରିସ୍ଥିତି ଉପରେ ଆଧାରିତ ହେବ । ଏହାର ଅର୍ଥ ହେଉଛି ଯେପରି ସୁନା ଋଣ ଉପରେ ସୁଧ ଆଦାୟ କରାଯାଏ ।

ସେହିପରି ଗ୍ରାହକ ଯଦି ସମୟସୀମାରେ ଋଣ ପରିଶୋଧ କରିବାରେ ବିଫଳ ହୁଅନ୍ତି ତେବେ ରୂପା ଋଣ ଉପରେ ମଧ୍ୟ ସେହିପରି ପ୍ରଯୁଜ୍ୟ ହେବ।ଆରବିଆଇ ବ୍ୟାଙ୍କଗୁଡ଼ିକୁ ସୁନା ପରି ଏକ ସ୍ୱଚ୍ଛ ପ୍ରକ୍ରିୟା ଅନୁସରଣ କରିବାକୁ ନିର୍ଦ୍ଦେଶ ଦେଇଛି, ବନ୍ଧକ ରୂପାର ସଠିକ୍ ମୂଲ୍ୟାଙ୍କନ ସୁନିଶ୍ଚିତ କରିବା, ସୁରକ୍ଷା ମାନଦଣ୍ଡ ପୂରଣ କରିବା ଏବଂ ସମସ୍ତ ନିୟମାବଳୀ ବିଷୟରେ ଗ୍ରାହକମାନଙ୍କୁ ଅବଗତ କରାଇବା। ଏହି ଯୋଜନା ମଧ୍ୟବିତ ପରିବାର, ଚାଷୀ ଏବଂ ଗୃହିଣୀମାନଙ୍କୁ ଆଶ୍ୱସ୍ତି ପ୍ରଦାନ କରିବ ।