ନୂଆଦିଲ୍ଲୀ: ଋଷ୍ ଓ ୟୁକ୍ରେନ ମଧ୍ୟରେ ଜାରି ରହିଥିବା ଯୁଦ୍ଧରେ ଲାଗିବ ବ୍ରେକ୍ । ଦୁଇ ଦେଶ ମଧ୍ୟରେ ୩୦ ଦିନିଆ ପୂର୍ଣ୍ଣ ଯୁଦ୍ଧବିରତି ପାଇଁ ସହମତି ପ୍ରକାଶ ପାଇଛି । ଏହି ଅସ୍ତ୍ରବିରମ ପାଇଁ କୌଣସି ପ୍ରକାରର ସର୍ତ୍ତ ନାହିଁ । ଆସନ୍ତା ସୋମବାର ଠାରୁ ୟୁକ୍ରେନ ଓ ଋଷ୍ ମଧ୍ୟରେ ଯୁଦ୍ଧବିରାମ ଆରମ୍ଭ ହୋଇପାରେ ବୋଲି ୟୁକ୍ରେନ ବିଦେଶ ମନ୍ତ୍ରୀ ସୂଚନା ଦେଇଛନ୍ତି ।
ଶନିବାର ୟୁକ୍ରେନ ବିଦେଶ ମନ୍ତ୍ରୀ ଆନ୍ଧ୍ରେଈ ସିବାହା କହିଛନ୍ତି, ୟୁକ୍ରେନ ଓ ସହଯୋଗୀ ଋଷ୍ ସୋମବାର ଠାରୁ ସର୍ବନିମ୍ନ ୩୦ ଦିନ ପାଇଁ ପୂର୍ଣ୍ଣ ଓ ନିଃସର୍ତ୍ତରେ ଅସ୍ତ୍ରବିରତି ପାଇଁ ରାଜି ହୋଇଛନ୍ତି । ସୂଚନା ଅନୁଯାୟୀ, ଶନିବାର ଏକ ବୈଠକ ହୋଇଥିଲା, ଏଥିରେ ୪ ଦେଶ ଫ୍ରାନ୍ସ, ବ୍ରିଟେନ, ଜର୍ମାନୀ ଓ ପୋଲାଣ୍ଡର ନେତା ଉପସ୍ଥିତ ଥିଲେ । ଏହି ମିଟିଂରେ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ୍, ଜର୍ମାନୀର ଚାନ୍ସେଲର ଫ୍ରିଡରିକ ମାର୍ଜ, ପୋଲାଣ୍ଡର ପ୍ରଧାନମନ୍ତ୍ରୀ ଡୋନାଲ୍ଡ ଟସ୍କ ଓ ବ୍ରିଟେନର ପ୍ରଧାନମନ୍ତ୍ରୀ କିର୍ ଷ୍ଟାରମର ସାମିଲ୍ ରହିଥିଲେ । ସମସ୍ତ ନେତା ଋଷ୍ ରାଷ୍ଟ୍ରପତି ଭୋଲଡିମିର ଜେଲେନସ୍କିଙ୍କୁ ସାକ୍ଷାତ କରିବା ସହ ଋଷ୍ ଉପରେ ଚାପ ପକାଇ ଯୁଦ୍ଧ ରୋକିବାକୁ ପ୍ରୟାସ କରାଯିବ ବୋଲି କହିଛନ୍ତି ।
ରାଷ୍ଟ୍ରପତି ଭୋଲଡିମିର ଜେଲେନସ୍କିଙ୍କୁ ଭେଟ କରିବା ପୂର୍ବରୁ ୟୁରୋପୀୟ ନେତାଙ୍କର ଏକ ସଂଯୁକ୍ତ ବୟାନ ସାମ୍ନାକୁ ଆସିଥିଲା । ଏଥିରେ ସେମାନେ କହିଥିଲେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହିତ ଭେଟ କରି ଋଷ୍ ସହ ୩୦ ଦିନିଆ ପୂର୍ଣ୍ଣ ଓ ବିନା ସର୍ତ୍ତରେ ଯୁଦ୍ଧବିରାମ ପାଇଁ ଅପିଲ୍ କରାଯିବ । ଯାହାଦ୍ବାରା ଏକ ନ୍ୟାୟପୂର୍ଣ୍ଣ ସ୍ଥାୟୀ ଶାନ୍ତି ଦିଗରେ ଆଲୋଚନା ହୋଇପାରିବ । ଆହୁରି ମଧ୍ୟ କହିଛନ୍ତି, ଋଷ୍ ଉପରେ ଚାପ ପକାଇ ୟୁକ୍ରେନ ଯଥା ସମ୍ଭବ ସହଯୋଗ କରାଯିବ ।
ଋଷ୍ ଓ ୟୁକ୍ରେନ ମଧ୍ୟରେ ତିନି ବର୍ଷରୁ ଅଧିକ ସମୟ ଧରି ଯୁଦ୍ଧ ଜାରି ରହିଛି । ଆମେରିକା ଲଗାତାର ଋଷ୍ ଓ ୟୁକ୍ରେନ ଯୁଦ୍ଧକୁ ରୋକିବାକୁ ଚାପ ପକାଉଛି । ମାର୍ଚ୍ଚ ମାସରେ ଯୁକ୍ତରାଷ୍ଟ୍ର ଆମେରିକା ତତ୍କାଳ ୩୦ ଦିନିଆ ଯୁଦ୍ଧବିରାମର ପ୍ରସ୍ତାବ ଦେଇଥିଲା , ଯାହାକୁ ୟୁକ୍ରେନ ସ୍ବୀକାର କରିଥିଲା, ମାତ୍ର ଋଷ୍ ନିଜର ସର୍ତ୍ତ ରଖିଥିଲା ।...
