ନୁଆଦିଲ୍ଲୀ ୧୦।୦୮; ଦୀର୍ଘ ଆଇନଗତ ଲଢ଼େଇ ପରେ ଉଦୟପୁର ଫାଇଲ୍ସ ଶେଷରେ ସିନେମା ହଲରେ ମୁକ୍ତିଲାଭ କରିଛି। ଦିଲ୍ଲୀ ହାଇକୋର୍ଟ ଏହାର ମୁକ୍ତିଲାଭ ଉପରେ ରୋକ ଲଗାଇବାକୁ ମନା କରିବା ପରେ ଶୁକ୍ରବାର ଦିନ ସାରା ଦେଶରେ ଉଦୟପୁର ଫାଇଲ୍ସ ମୁକ୍ତିଲାଭ କରିଛି। ଚଳଚ୍ଚିତ୍ରର ପ୍ରଯୋଜକ ଅମିତ ଜାନି କହିଛନ୍ତି ଯେ ତାଙ୍କୁ ଚଳଚ୍ଚିତ୍ର ପାଇଁ ହତ୍ୟା ଧମକ ମିଳୁଛି।

୨୦୨୨ ମସିହାରେ କହ୍ନୈୟା ଲାଲଙ୍କ ବାସ୍ତବ ଜୀବନ ହତ୍ୟା ଉପରେ ଆଧାରିତ। ଏହି ବିବାଦୀୟ ଚଳଚ୍ଚିତ୍ରଟି ସେନ୍ସର ପ୍ରମାଣପତ୍ରରେ ବିଳମ୍ବ ଏବଂ ଏକ ଆଇନଗତ ମାମଲା ସହିତ ଜଡିତ ଥିଲା। ବିରୋଧୀମାନେ ଏହାକୁ ସାମ୍ପ୍ରଦାୟିକ ପ୍ରଚାର ବୋଲି ଅଭିଯୋଗ କରିଥିଲେ। ଜୁଲାଇ ୧୧ରେ ମୁକ୍ତିଲାଭ ପାଇଁ ଧାର୍ଯ୍ୟ ହୋଇଥିବା 'ଉଦୟପୁର ଫାଇଲ୍ସ' ଆଇନଗତ ଏବଂ ସେନ୍ସରସିପ୍ ଚ୍ୟାଲେଞ୍ଜ ଦ୍ୱାରା ଅଟକି ରହିଥିଲା। ଶେଷରେ ଅଗଷ୍ଟ ରିଲିଜ୍ ପାଇଁ ଦିଲ୍ଲୀ ହାଇକୋର୍ଟ ଏହାକୁ ଅନୁମତି ଦେଇଥିଲେ। 'ଉଦୟପୁର ଫାଇଲ୍ସ'ର ପ୍ରଯୋଜକ ଅମିତ ଜାନି ଏବେ ଅଭିଯୋଗ କରିଛନ୍ତି ଯେ ଫିଲ୍ମଟି ସାରା ଦେଶରେ ରିଲିଜ ହେବା ପରେ ତାଙ୍କୁ " ହତ୍ୟା ଧମକ" ମିଳୁଛି। ସେନ୍ସରସିପ୍ ସମସ୍ୟା ପାଇଁ ବିଳମ୍ବ ହେବା ପରେ ଶେଷରେ ଅଗଷ୍ଟ ୮ ତାରିଖରେ ସିନେମା ହଲ୍ ରେ ମୁକ୍ତିଲାଭ କରିଥିବା ଏହି ଫିଲ୍ମରେ ବିଜୟ ରାଜ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହାର ନିର୍ଦ୍ଦେଶନା ଦେଇଛନ୍ତି ଭରତ ଏସ ଶ୍ରୀନାତ ଏବଂ ଜୟନ୍ତ ସିହ୍ନା।

ଅଗଷ୍ଟ ୯ ତାରିଖରେ ସେୟାର କରାଯାଇଥିବା ଏକ ସୋସିଆଲ ମିଡିଆ ପୋଷ୍ଟରେ ଜାନି ଦାବି କରିଛନ୍ତି ଯେ ତାଙ୍କୁ "ଏକ ଅଜଣା ନମ୍ବରରୁ ବାରମ୍ବାର କଲ୍ ଆସୁଛି, ଯେଉଁଥିରେ କଲର ତାଙ୍କୁ ବୋମା ପକାଇ ହତ୍ୟା କରିବା କିମ୍ବା ଗୁଳି କରିଦେବାକୁ ଧମକ ଦେଉଛି"। ସେ ଏହି ଘଟଣାର ତଦନ୍ତ କରିବାକୁ କର୍ତ୍ତୃପକ୍ଷଙ୍କୁ ଅନୁରୋଧ କରିଛନ୍ତି।  ତାଙ୍କ ବିରୁଦ୍ଧରେ ଏକ ମାମଲା ରୁଜୁ କରାଯିବା ଉଚିତ ଏବଂ ତାଙ୍କୁ ଗିରଫ କରାଯିବା ଉଚିତ। ପୂର୍ବରୁ ଅମିତ ଜାନି ଧମକ ମିଳୁଥିବାରୁ କେନ୍ଦ୍ର ସରକାର ଦିଲ୍ଲୀ ଏବଂ ଉତ୍ତର ପ୍ରଦେଶରେ ତାଙ୍କୁ ସୁରକ୍ଷା ପାଇଁ 'Y'-ବର୍ଗର ସୁରକ୍ଷା ପ୍ରଦାନ କରିଥିଲେ।