ମୋହନା ୨୬।୪: ଗଜପତି ଜିଲ୍ଲା ମୋହନା ଅଞ୍ଚଳରେ କାଳବୈଶାଖୀ ପ୍ରଭାବରେ ବଜ୍ରପାତ ଯୋଗୁଁ ଦୁଇ ଜଣ ଯୁବକ ଗୁରୁତର ହୋଇଛନ୍ତି l ଯୁବକ ଦୁଇ ଜଣ ହେଲେ ପ୍ରତାପପୁର ଗାଁର କାଳୁଚରଣ ପାଇକ ଓ ଅଶୋକ ଗାଁର ଟିଟୁ ମଲିକ l ମୋହନା ଥାନା ଝାଟିକାସାହି ଗାଁରେ ଏଭଳି ଘଟଣା ଘଟିଛି l ଗୁରୁତର ଦୁଇ ଯୁବକଙ୍କୁ ଗାଁ ଲୋକେ ଉଦ୍ଧାର କରି ମୋହନା ମେଡିକାଲରେ ଭର୍ତ୍ତି କରିଛନ୍ତି l
ସୂଚନାଯୋଗ୍ୟ ଯେ, ଶୁକ୍ରବାର ଅପରାହ୍ନ ପ୍ରାୟ ୫ଟାରେ ହଠାତ ଘଡଘଡି ସହ ବର୍ଷା ହୋଇଥିଲା l ଝାଟିକାସାହି ଗାଁ ଛକର ଦୋକାନ ପାଖରେ ଥିବା ଏକ ଗଛକୁ ବଜ୍ରପାତ ହୋଇଥିଲା l ତେବେ ଦୋକାନରେ ଥିବା କାଳୁ ଓ ଟିଟୁ ଉପରେ ବଜ୍ରପାତ ପ୍ରଭାବ ଯୋଗୁଁ ପଡିଯିବାରୁ ଉଭୟ ଗୁରୁତର ଆହତ ହୋଇ ତଳେ ପଡି ଛଟପଟ ହେଉଥିଲେ l ଗାଁ ଲୋକେ ଉଭୟଙ୍କୁ ତୁରନ୍ତ ଉଦ୍ଧାର କରି ଚିକିତ୍ସା ପାଇଁ ମୋହନା ମେଡିକାଲରେ ଭର୍ତ୍ତି କରିଛନ୍ତି l
You Can Read :
ଡିଭାଇଡରରେ ପିଟିହୋଇ ଓଲଟିଲା କାର୍ : ମହିଳା ମୃତ, ବର୍ତ୍ତିଗଲେ ୨ ବର୍ଷର ଶିଶୁ ପୁତ୍ର