ସ୍ମୃତିଙ୍କ ବାପାଙ୍କ ପରେ ବିଗିଡିଲା ପଲାଶଙ୍କ ସ୍ଵାସ୍ଥ୍ୟବସ୍ଥା, ହସ୍ପିଟାଲରେ ହେଲେ ଭର୍ତ୍ତି

ନୂଆଦିଲ୍ଲୀ ୨୪।୧୧; ବିବାହର ଥିଲା ମାହୋଲ୍.. ହଳଦୀ , ମେହେନ୍ଦି ସବୁ ସରିଥିଲା ବାକି ଥିଲା ସାତଜନ୍ମର ସାଥି ହେବାର ସଂକଳ୍ପ । କିନ୍ତୁ ବିବାହର କେଇ ଘଣ୍ଟା ପୂର୍ବରୁ ହିଁ ସ୍ମୃତି ମନ୍ଧାନାଙ୍କ ପିତାଙ୍କ ସ୍ଵାସ୍ଥ୍ୟାବସ୍ଥା ବିଗିଡି ଯାଇଥିଲା। ଯେଉଁଥିପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଯାହା ବର୍ତ୍ତମାନ ପୋଷ୍ଟପୋନ୍ ହୋଇଯାଇଛି। କିନ୍ତୁ, ଏବେ କେବଳ ତାଙ୍କ ପିତା ନୁହେଁ, ବରଂ ସ୍ମୃତିଙ୍କ ଭାବିସ୍ଵାମୀ ପଲାଶଙ୍କ ମଧ୍ୟ ବିବାହ ପୂର୍ବରୁ ହଠାତ୍ ଅସୁସ୍ଥ ହୋଇଯାଇଛନ୍ତି। ଯାହା ଫଳରେ ତାଙ୍କୁ ଡାକ୍ତରଙ୍କ ଦ୍ୱାରା ପରୀକ୍ଷା କରିବାକୁ ପଡିଲା।

ରିପୋର୍ଟ ଅନୁସାରେ, ପଲାଶ ଭାଇରାଲ୍ ସଂକ୍ରମଣ ଏବଂ ଏସିଡିଟିର ଶିକାର ହୋଇଥିଲେ ଏବଂ ସତର୍କତା ସ୍ୱରୂପ ତାଙ୍କୁ ତୁରନ୍ତ ଡାକ୍ତରଖାନାକୁ ନିଆଯାଇଥିଲା। ଏହା ଏକ ଆଶ୍ୱସ୍ତିର କଥା ଯେ ପଳାଶଙ୍କ ଅବସ୍ଥା ଗୁରୁତର ନଥିଲା ଏବଂ ତାଙ୍କୁ ହସ୍ପିଟାଲରେ ଚିକିତ୍ସା ପରେ ଡିସଚାର୍ଜ କରାଯାଇଛି ଏବଂ ସେ ତାଙ୍କ ହୋଟେଲକୁ ଫେରି ଆସିଥିଲେ। ବର୍ତ୍ତମାନ, ତାଙ୍କ ସ୍ୱାସ୍ଥ୍ୟରେ ଉନ୍ନତି ହେଉଥିବା ନେଇ ରିପୋର୍ଟ କରାଯାଇଛି। ସ୍ମୃତି ନିଶ୍ଚିତ ଭାବରେ ସେହି ଦିନ ତାଙ୍କ ପିତା ଏବଂ ଭବିଷ୍ୟତ ସ୍ୱାମୀଙ୍କ ସ୍ୱାସ୍ଥ୍ୟାବସ୍ଥାରେ ଅବନତି ଯୋଗୁଁ ଗଭୀର ଝଟକା ଲାଗିଛି।

ଏହି ସମୟରେ, ସାଙ୍ଗଲିର ହସ୍ପିଟାଲର ଡାକ୍ତର କହିଛନ୍ତି ସ୍ମୃତିଙ୍କ ପିତାଙ୍କ ଅବସ୍ଥା ବିଷୟରେ ସୂଚନା ପ୍ରଦାନ କରିଥିଲେ। ସେ କହିଥିଲେ ଯେ ଶ୍ରୀନିବାସ ମନ୍ଧାନାଙ୍କ ଛାତିର ବାମ ପାର୍ଶ୍ୱରେ ଯନ୍ତ୍ରଣା ଅନୁଭବ କରିବା ପରେ ଅପରାହ୍ନ ପ୍ରାୟ ୧:୩୦ ସମୟରେ ତାଙ୍କୁ ହସ୍ପିଟାଲକୁ ଅଣାଯାଇଥିଲା। ତାଙ୍କର ପରୀକ୍ଷା କରାଯାଇଥିଲା ଏବଂ ହୃଦଘାତର ଲକ୍ଷଣ ଚିହ୍ନଟ ହୋଇଥିଲା। ସେ କହିଥିଲେ ଯେ ଜଣେ ହୃଦରୋଗ ବିଶେଷଜ୍ଞ ଏବଂ ଅନ୍ୟ ଡାକ୍ତରଙ୍କ ଟିମ୍ ସେବେଠାରୁ ତାଙ୍କ ଉପରେ ନିରନ୍ତର ନଜର ରଖିଛନ୍ତି, ଏବଂ ତାଙ୍କୁ କିଛି ଦିନ ପାଇଁ ହସ୍ପିଟାଲରେ ରହିବାକୁ ପଡିବ। ସେ ଏହା ମଧ୍ୟ କହିଥିଲେ ଯେ ବିବାହ ପରିବେଶର ଗହଳି, ଥକ୍କାପଣ କିମ୍ବା ମାନସିକ ଚାପ ଯୋଗୁଁ ଏହି ଆକ୍ରମଣ ହୋଇଥାଇପାରେ।