କିମ୍ ଜଙ୍ଗ୍ ଉନଙ୍କ 'ପ୍ଲେଜର୍ ସ୍କ୍ୱାଡ୍' : କୁମାରୀତ୍ୱ ପରୀକ୍ଷୀ ପରେ କିଶୋରୀଙ୍କୁ ନେତାଙ୍କ ଶେଯକୁ ପଠାଯାଏ...ବର୍ଷ ବର୍ଷର ଭୟଙ୍କର ନିର୍ଯାତନା

ନୂଆଦିଲ୍ଲୀ, ୨୫/୦୨: ସେ ବିଶ୍ୱର ଏକଛତ୍ରବାଦୀ ନେତା । କଥା କଥାକେ ପରମାଣୁ ବୋମା ଧମକ ଦିଅନ୍ତି । ଆମେରିକା-ଜାପାନ ଭଳି ଦେଶକୁ ଦିଅନ୍ତି ଖୁଲମ ଖୁଲା ଚେତାବନୀ । ତାଙ୍କ ମିସାଇଲ ପରୀକ୍ଷଣରେ ଥରି ଉଠେ ବିଶ୍ୱ । ବାହାରୁ ଜଣାପଡନ୍ତି ପୁରା ଶକ୍ତ । କେହି କିଛି ଦୋଷ କଲେ ସିଧାସଳଖ ମୃତ୍ୟୁ ଦଣ୍ଡ । କିନ୍ତୁ ପ୍ରକୃତରେ କାମନା ଏବଂ ବାସନାରେ ଭର୍ତ୍ତି ଉତ୍ତର କୋରିଆ ରାଷ୍ଟ୍ରପତି କିମ୍ ଜଙ୍ଗ୍ ଉନ୍ । ଦେହର ଭୋକକୁ ପୂରା କରିବାକୁ ତାଙ୍କୁ ଦରକାର ସୁନ୍ଦରୀ ତରୁଣୀ । ଖାଲି ତରୁଣୀ ନୁହେଁ ବରଂ କୁଆଁରୀ । ଯେଉଁମାନଙ୍କୁ ପରୀକ୍ଷା କରାଯାଇ କିମ୍ ଙ୍କ ନିକଟକୁ ଉପଭୋଗ କରିବା ପାଇଁ ପଠାଯାଏ । କିମ୍ ଙ୍କ ନର୍କରୁ ଖସି ଆସିଥିବା ଜଣେ ଯୁବତୀଙ୍କ କଥାକୁ ନେଇ ଏବେ ସବୁଠି ଚର୍ଚ୍ଚା ।

ନର୍କରୁ ଖସି ଆସିଥିବା ଯୁବତୀଙ୍କ ଅକୁହା କାହାଣୀ

କିମ୍ ଙ୍କ କବଳରୁ ଖସି ଆସିଥିଲେ ୟେନମୀ ପାର୍କ୍ । ତାଙ୍କର କହିବାନୁସାରେ, ପ୍ରତିବର୍ଷ କିମଙ୍କୁ ୨୫ ଜଣ ଯୁବତୀ ଦରକାର । ଯେଉଁମାନେ କୁଆଁରୀ ହୋଇଥିବେ ଅର୍ଥାତ ପୂର୍ବରୁ ଅନ୍ୟ କାହା ସହ ସେମାନଙ୍କ ଶାରୀରିକ ସମ୍ପର୍କ ନଥିବ । କିମଙ୍କ ପ୍ରତି ଆନୁଗତ୍ୟ ଏବଂ ସୁନ୍ଦରତା ଆଧାରରେ ଯୁବତୀଙ୍କୁ ଚୟନ କରାଯାଏ । ନିଜେ ପାର୍କଙ୍କୁ କିମ୍ ଙ୍କ ଦେହଶୁଖ ମେଣ୍ଟାଇବା ପାଇଁ ଦୁଇ ଥର ଚୟନ କରାଯାଇଥିଲା । କିନ୍ତୁ ପରିବାରର ପ୍ରତିଷ୍ଠା ପାଇଁ କିମ୍ ଙ୍କ ପାଖକୁ ପଠାଯାଇ ନଥିଲା ।

ପାର୍କ ଆହୁରି କହିଛନ୍ତି ଯେ, କିମ୍ ଙ୍କ ଅଧିକାରୀ କୋରିଆର ସବୁ ସ୍କୁଲ ପରିବର୍ଶନ କରନ୍ତି । ଯଦି ଶ୍ରେଣୀରେ କାହାକୁ ସେମାନେ ପାଉନଥିଲେ ତାହାଲେ ସ୍କୁଲ ହତା ଏବଂ ଖେଳ ପଡିଆ ବୁଲି ଦେଖୁଥିଲେ । ପ୍ରଥମେ ଅଧିକାରୀ ବାଛିଥିବା ଝିଅର ପରିବାର ଏବଂ ରାଜନୈତିକ ପ୍ରତିଷ୍ଠା ଦେଖୁଥିଲେ । ଯେଉଁ ଛାତ୍ରୀଙ୍କ ପରିବାରର କେହି ଦେଶ ଛାଡି ଦେଇଥିବେ କିମ୍ବା ସମ୍ପର୍କୀୟ ଦକ୍ଷିଣ କୋରିଆରେ ରହୁଥିଲେ ସେହି ଛାତ୍ରୀଙ୍କୁ ଚୟନ କରାଯାଉ ନଥିଲା ।

ଏତତ୍ ବ୍ୟତୀତ ପାର୍କ କହିଛନ୍ତି ଯେ, ଚୟନ କଲା ପରେ ସ୍କୁଲ ଝିଅଙ୍କୁ ହସ୍ପିଟାଲ ପଠାଯାଉଥିଲା । ସେଠାରେ ସେମାନଙ୍କର ସମସ୍ତ ପରୀକ୍ଷା ହେଉଥିଲା । ପ୍ରଥମେ ସେ କୁଆଁରୀ ନା ନାହିଁ ତାହାର ଟେଷ୍ଟ୍ କରାଯାଉଥିଲା । ଯଦି ସାମାନ୍ୟ କିଛି ତ୍ରୁଟି ଥାଏ ତାହାଲେ ସଂପୃକ୍ତ ସ୍କୁଲ ଝିଅଙ୍କୁ ବାଦ୍ ଦିଆଯାଉଥିଲା । ଶେଷରେ ବଛା ବଛା ଖୁବ୍ କମ୍ ଝିଅଙ୍କୁ କିମଙ୍କ ପାଖକୁ ପଠାଯାଉଥିଲା । ସେମାନେ କିମ୍ ଙ୍କ ବାସଭବନରେ ରାତି କାଟୁଥିଲେ ।

ତିନୋଟି ଗ୍ରୁପରେ କରାଯାଉଥିଲା ଭାଗ

ଛାତ୍ରୀଙ୍କୁ ଚୟନ କରାଯିବା ପରେ ସେମାନଙ୍କୁ ତିନୋଟି ଗ୍ରୁପରେ ଭାଗ କରି ଦିଆଯାଉଥିଲା । ସେମାନଙ୍କ ମଧ୍ୟରୁ କିଛି କିମ୍ ଙ୍କୁ ମସାଜ୍ କରୁଥିଲେ । ଆଉ କିଛି ଗୀତ ଗାଉଥିଲେ । ତୃତୀୟ ଗ୍ରୁପ୍ ର ଯୁବତୀ ଏବଂ ଛାତ୍ରୀଙ୍କ ସହ କିମ୍ ଶାରୀରିକ ସମ୍ପର୍କ ରକ୍ଷା କରୁଥିଲେ । କେବଳ କିମ୍ ନୁହେଁ ଅନ୍ୟ ବରିଷ୍ଠ ଅଧିକାରୀ ମଧ୍ୟ ସ୍କୁଲ ଛାତ୍ରୀଙ୍କୁ ଉପଭୋଗ କରୁଥିଲେ ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ୟେ ଛାତ୍ରୀମାନଙ୍କୁ ପ୍ଲେଜର୍ ସ୍କ୍ୱାଡ୍ କୁହାଯାଉଥିଲା । ଏହା କେବଳ କିମ୍ ଆରମ୍ଭ କରିନଥିଲେ । ତାଙ୍କର ବାପା ଏବଂ ଜେଜେ ବାପା ମଧ୍ୟ କାମୁକ ଥିଲେ । ସେମାନଙ୍କର ବିଶ୍ୱାସ ଥିଲେ ଯେ ଅଧିକରୁ ଅଧିକ ଶାରୀରିକ ସମ୍ପର୍କ ରକ୍ଷା କରିବା ଦ୍ୱାରା ସେମାନେ ଅମରତ୍ୱ ଲାଭ କରିବେ । କିନ୍ତୁ ସେପରି କିଛି ଘଟିନଥିଲା ।