କଟକ: ଚଳିତବର୍ଷ ରଥଯାତ୍ରା ପାଇଁ ପୁରୀକୁ ଗଡିବ ଏକ ହଜାର ବସ। ରେଗୁଲାର ବସ ସହ ଅନ୍ୟ ବସ ଗୁଡିକୁ ସ୍ୱତନ୍ତ୍ର ପରମିଟ ଦିଆଯିବ । ଏହିପରି ପୁରୀକୁ ସାରା ରାଜ୍ୟରୁ ଗଡିବ ବସ। ପୁରୀ ତାଳବଣିଆ ଓ ମାଳତିପାଟପୁରରେ ହେବ ବସ ପାର୍କିଂ। ଯାତ୍ରୀଙ୍କୁ ବସ ରହଣି ସ୍ଥଳରୁ ବଡଦାଣ୍ଡ ନେବା ପାଇଁ ଚାଲିବ ଶହେଟି  ବ୍ୟାଟେରୀ ଚଳିତ ଗାଡ଼ି। ଧାର୍ଯ୍ୟ ଭଡ଼ା ଠାରୁ ଅଧିକ ଭଡ଼ା ନେଇ ପାରିବେନି ଗାଡ଼ି ମାଲିକ। ଏସଟିଏ କମିଶନର ଅମିତାଭ ଠାକୁର ଶୁକ୍ରବାର ଏହି ସୂଚନା ଦେଇଛନ୍ତି।

ପୁରୀ ରଥଯାତ୍ରା ପାଇଁ ଏସ ଟି ଏ ତଥା ରାଜ୍ୟ ସଡକ ପରିବହନ ବିଭାଗ ପକ୍ଷରୁ ଆଜି ବସିଥିଲା ଉଚ୍ଚସ୍ତରୀୟ ବୈଠକ। ଏସଟିଏ କମିଶନର ଅମିତାଭ ଠାକୁରଙ୍କ ଅଧ୍ୟକ୍ଷତାରେ ଏହି ବୈଠକ ବସିଥିଲା।ଘରାଇ ବସ ମାଲିକ ସଂଘ ସହ ପୁରୀ, କଟକ, ଭୁବନେଶ୍ବର ବସ ମାଲିକ ସଂଘ, କଟକ ଡିସିପି, ପୁରୀ ଏସ ପି, କଟକ, ଭୁବନେଶ୍ୱର, ପୁରୀ  ଜିଲ୍ଲାର ପରିବହନ ଅଧିକାରୀ, ଏନଏଚଆଇ କର୍ତ୍ତୃପକ୍ଷ ବୈଠକରେ ଯୋଗ ଦେଇଥିଲେ। ରଥଯାତ୍ରାରେ କେମିତି ସୁରୁଖୁରୁରେ ଭକ୍ତ ପୁରୀ ଯାଇ ପାରିବେ ସେ ନେଇ ହୋଇଥିଲା ଆଲୋଚନା। 

Also read: ବିଜେଡି ଛାଡିବେ କି ପ୍ରସନ୍ନ ଆଚାର୍ଯ୍ୟ? ପରୋକ୍ଷରେ ଦେଲେ ଏମିତି ଇସାରା

ତେବେ ତଲବଣିଆ ବସ ଷ୍ଟପେଜରେ ଯାତ୍ରୀଙ୍କୁ ୧୦ ଟଙ୍କାରେ ଖାଦ୍ୟ ଦିଆଯିବ। ସୁରକ୍ଷିତ ଯାତ୍ରୀ ପରିବହନ ପାଇଁ ୩୦ଜଣ STA  ଅଧିକରୀ ଦାୟିତ୍ବରେ ରହିବେ।ବେପରୁଆ ଗାଡି ଚାଳନା ଉପରେ ରହିବ ନଜର। ପୋଲିସ ପକ୍ଷରୁ ଏନଫୋର୍ସମେଣ୍ଟ ସ୍କ୍ଵାର୍ଡ ସହ ଟ୍ରାଫିକ ବ୍ୟବସ୍ଥାକୁ କଡାକଡି କରାଯିବ ବୋଲି କହିଛନ୍ତି STA କମିଶନର ଅମିତାଭ ଠାକୁର।ତେବେ ସମସ୍ତଙ୍କ ସହଯୋଗରେ ପୁରି କୁ ଯାତ୍ରୀ ପରିବହନ ସୁରୁଖୁରୁରେ ହେବ ବୋଲି ଆଶା ରଖିଛି ରାଜ୍ୟ ଘରୋଇ ବସ ମାଲିକ ସଂଘ।