ନୂଆଦିଲ୍ଲୀ ୩୧।୦୫: ଫିଲ୍ମ ନିର୍ଦ୍ଦେଶକ ସନୋଜ ମିଶ୍ରାଙ୍କୁ ମିଳିଲା ବଡ଼ ଆଶ୍ୱସ୍ତି । ଦିଲ୍ଲୀ ହାଇକୋର୍ଟ ଜାମିନରେ ମୁକ୍ତ କରିବାକୁ ଦେଇଛନ୍ତି ନିର୍ଦ୍ଦେଶ । ସନୋଜଙ୍କ ନାଁରେ ଜଣେ ମହିଳା ଦୁଷ୍କର୍ମ ଅଭିଯୋଗ ଆଣିଥିଲେ । ତେବେ ମହିଳା ଜଣକ ମିଥ୍ୟା ଅଭିଯୋଗ କରିଥିବା ନେଇ ଦିଲ୍ଲୀ ହାଇକୋର୍ଟ ସତ୍ୟପାଠ ଦାଖଲ କରିଛନ୍ତି । ସେ କହିଛନ୍ତି କି ସେ ପାରସ୍ପରିକ ସମ୍ମତିରେ ସନୋଜ ମିଶ୍ରାଙ୍କ ସହ ଲିଭ୍-ଇନ୍ ସମ୍ପର୍କରେ ରହୁଥିଲେ । ସନୋଜ ମିଶ୍ରାଙ୍କ ବିରୋଧରେ ଅଭିଯୋଗ ଆଣିଥିଲେ, ତାହା ପ୍ରରୋଚନାରେ ପଡି ରୁଜୁ କରିଥିଲି ମାମଲା ।
ଦିଲ୍ଲୀ ହାଇକୋର୍ଟରେ ଜଷ୍ଟିସ୍ ଗିରିଶ କାଠପାଲିୟା ଏକ ସ୍ୱତନ୍ତ୍ର ଖଣ୍ଡପୀଠ ଗଠନ କରି ଏହି ମାମଲାର ଗୁରୁତ୍ୱପୂର୍ଣ୍ଣ ଶୁଣାଣି କରିଥିଲେ । ସାଧାରଣତଃ ଦିଲ୍ଲୀ ହାଇକୋର୍ଟରେ ପୂର୍ଣ୍ଣ ଅଦାଲତ ରେଫରେନ୍ସ ପରେ କୌଣସି ନ୍ୟାୟିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ ନାହିଁ । କିନ୍ତୁ ଦିଲ୍ଲୀ ହାଇକୋର୍ଟରେ ଜଷ୍ଟିସ୍ ଗିରିଶ କାଠପାଲିୟାଙ୍କ ଖଣ୍ଡପୀଠ ଅଭିଯୁକ୍ତଙ୍କ ବ୍ୟକ୍ତିଗତ ସ୍ୱାଧୀନତାକୁ ଧ୍ୟାନରେ ରଖି ଏକ ସ୍ୱତନ୍ତ୍ର ଖଣ୍ଡପୀଠ ଗଠନ କରିଥିଲେ ଏବଂ ଏହି ମାମଲାର ଏକ ଗୁରୁତ୍ୱପୂର୍ଣ୍ଣ ଶୁଣାଣି କରିଥିଲେ।
ଖବର ଅନୁଯାୟୀ ଫିଲ୍ମ ନିର୍ଦ୍ଦେଶକ ସରୋଜ ମିଶ୍ରାଙ୍କୁ ମାର୍ଚ୍ଚ ୩୦ ତାରିଖରେ ଗିରଫ କରାଯାଇଥିଲା। ସନୋଜ ମିଶ୍ରଙ୍କ ବିରୋଧରେ ନାୟିକା ହେବାକୁ ଚାହୁଁଥିବା ଏକ ଛୋଟ ସହରର ଜଣେ ଝିଅକୁ ବାରମ୍ବାର ଯୌନ ଶୋଷଣ ଏବଂ ବ୍ଲାକମେଲ୍ କରିବାର ଅଭିଯୋଗ ଆସିଥିଲା । କିନ୍ତୁ ଫିଲ୍ମ ନିର୍ଦ୍ଦେଶକ ସନୋଜ ମିଶ୍ର ତାଙ୍କ ବିରୁଦ୍ଧରେ ସମସ୍ତ ଅଭିଯୋଗକୁ ଅସ୍ୱୀକାର କରିଥିଲେ ଏବଂ କହିଥିଲେ ଯେ ଉଭୟଙ୍କ ମଧ୍ୟରେ ସମ୍ପର୍କ ସହମତିରେ ରହିଥିଲା।
