ଯଦି ଭାରତ ଋଷରୁ ତେଲ କିଣିବା ଜାରି ରଖେ, ତେବେ ଲାଗୁ ହେବ ଅତିରିକ୍ତ ଟାରିଫ୍

ନୂଆଦିଲ୍ଲୀ ୨୦/୧୦: ଭାରତକୁ ପୁଣି ଲାଗିବ ଟାରିଫ୍ ଝଟ୍‌କା । "ଭାରୀ" ଶୁଳ୍କ ଦେବାକୁ ଧମକ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ବିଶେଷ କରି ଯଦି ଭାରତ ଯଦି ଋଷ ଠାରୁ ତେଲ କିଣିବା ବନ୍ଦ୍ ନକରେ ତେବେ ଲାଗୁ ହେବ ଡବଲ ଟାରିଫ୍ । ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ବ୍ୟକ୍ତିଗତ ଭାବରେ ଆଶ୍ୱାସନା ଦେଇଥିଲେ ଯେ ନୂଆଦିଲ୍ଲୀ ଏପରି ଆମଦାନୀ ବନ୍ଦ କରିବ । ଏୟାର ଫୋର୍ସ ୱାନରେ ସାମ୍ବାଦିକଙ୍କ ସହ କଥାବାର୍ତ୍ତା କରି ଟ୍ରମ୍ପ କହିଥିଲେ, ପ୍ରଧାନମନ୍ତ୍ରୀ ମୋଦି ମୋତେ କହିଥିଲେ, 'ଭାରତ ରୁଷିଆରୁ ତେଲ କିଣିବ ନାହିଁ।' କିନ୍ତୁ ଯଦି ସେମାନେ ଏପରି ଜାରି ରଖନ୍ତି, ତେବେ ସେମାନଙ୍କୁ ଭାରୀ ଶୁଳ୍କ ଦେବାକୁ ପଡିବ। 

ଯେତେବେଳେ ଟ୍ରମ୍ପଙ୍କୁ ଭାରତ ସରକାରଙ୍କ ପ୍ରତିକ୍ରିୟା ବିଷୟରେ ପଚରାଗଲା । ଯେ ଟ୍ରମ୍ପ-ପ୍ରଧାନମନ୍ତ୍ରୀ ମୋଦିଙ୍କ ଆଲୋଚନା ବିଷୟରେ । ତେବେ ସେ କହିଥିଲେ ଯେ, ମୋତେ ଏ ବିଷୟରେ ଜଣାନାହିଁ । "କିନ୍ତୁ ଯଦି ସେମାନେ ଏହା କରୁଛନ୍ତି ତେବେ ସେମାନେ ଭାରୀ ଶୁଳ୍କ ଦେବାକୁ ବାଧ୍ୟ ହେବେ । ବୁଧବାର ଦିନ ଓଭାଲ ଅଫିସରେ ଟ୍ରମ୍ପଙ୍କ ଅପ୍ରତ୍ୟାଶିତ ଘୋଷଣା ପରେ ଏହି ବିବୃତ୍ତି ଆସିଛି ଯେ ପ୍ରଧାନମନ୍ତ୍ରୀ ମୋଦି ତାଙ୍କୁ ପ୍ରତିଶ୍ରୁତି ଦେଇଥିଲେ ଯେ ଭାରତ ରୁଷରୁ ତେଲ କିଣିବା ବନ୍ଦ କରିବ।

"ଭାରତର ପ୍ରାୟ ଏକ ତୃତୀୟାଂଶ ତେଲ ରୁଷରୁ ଆସେ," ଟ୍ରମ୍ପ କହିଛନ୍ତି। ସେ ଆହୁରି କହିଛନ୍ତି ଯେ ତାଙ୍କ ପ୍ରଶାସନ ଏହି କ୍ରୟଗୁଡ଼ିକୁ ୟୁକ୍ରେନ ଯୁଦ୍ଧ ପାଇଁ ମସ୍କୋର ଆର୍ଥିକ ସହାୟତା ଭାବରେ ଦେଖେ। ତଥାପି, ଭାରତର ବୈଦେଶିକ ବ୍ୟାପାର ମନ୍ତ୍ରଣାଳୟ (MEA) ଟ୍ରମ୍ପଙ୍କ ଦାବିକୁ ପ୍ରତ୍ୟାଖ୍ୟାନ କରିଛି। ଗୁରୁବାର ଏକ ସାମ୍ବାଦିକ ସମ୍ମିଳନୀରେ, ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ କହିଛନ୍ତି ଯେ ସେ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ମୋଦିଙ୍କ ମଧ୍ୟରେ କୌଣସି ସମ୍ପ୍ରତିକ ଆଲୋଚନା ବିଷୟରେ ଅଜ୍ଞ।  

ଜୟସ୍ୱାଲ ଆହୁରି କହିଛନ୍ତି ଯେ ଭାରତ ଓ ଆମେରିକା ମଧ୍ୟରେ ଶକ୍ତି ସହଯୋଗ ଉପରେ ଆଲୋଚନା ଚାଲିଛି । କିନ୍ତୁ ସେ ଟ୍ରମ୍ପଙ୍କ ଦାବିକୁ ନିଶ୍ଚିତ କରିନାହାଁନ୍ତି ଯେ ନୂଆଦିଲ୍ଲୀ ଋଷ ତେଲ କିଣିବା ବନ୍ଦ କରିବାକୁ ରାଜି ହୋଇଛି । ସେ ଆହୁରି କହିଛନ୍ତି, "ଆମେରିକା ସହିତ ଶକ୍ତି ସମ୍ପର୍କକୁ ଆହୁରି ଘନିଷ୍ଠ କରିବା ପାଇଁ ନିରନ୍ତର ଆଲୋଚନା ଚାଲିଛି।  

ଟ୍ରମ୍ପଙ୍କ ଚେତାବନୀ ଏପରି ଏକ ସମୟରେ ଆସିଛି ଯେତେବେଳେ ଭାରତ ଆମେରିକାରୁ ଭାରୀ ଆମଦାନୀ ଶୁଳ୍କର ସମ୍ମୁଖୀନ ହେଉଛି। ଏହି ବର୍ଷ ଆରମ୍ଭରେ, ସେ ବୟନଶିଳ୍ପ ଏବଂ ଔଷଧ ସମେତ ଅନେକ ପ୍ରମୁଖ ରପ୍ତାନି ଉପରେ ଆମଦାନୀ ଶୁଳ୍କକୁ ୫୦ ପ୍ରତିଶତକୁ ବୃଦ୍ଧି କରିଥିଲେ। ରାଷ୍ଟ୍ରପତି କହିଛନ୍ତି ଯେ ଯଦି ଭାରତ ରୁଷୀୟ ଅଶୋଧିତ ତୈଳ ଆମଦାନୀ ଜାରି ରଖେ । ତେବେ ଏହି ଶୁଳ୍କ ବଜାୟ ରହିବ କିମ୍ବା ଆହୁରି ବଢ଼ିପାରେ। ସେ ପୁଣି କହିଛନ୍ତି, "ଯଦି ସେମାନେ ଏପରି ଜାରି ରଖନ୍ତି, ତେବେ ସେମାନଙ୍କୁ ଭାରୀ ଶୁଳ୍କ ଦେବାକୁ ପଡିବ।