ନୂଆଦିଲ୍ଲୀ ୩୦।୦୧: ଚାଲିଛି ରଣଜୀ ଟ୍ରଫିର ୨ୟ ରାଉଣ୍ଡ । ଏହି ୨ୟ ପର୍ଯ୍ୟାୟରେ ମୁହାଁମୁହିଁ ହୋଇଛନ୍ତି ଦିଲ୍ଲୀ ଏବଂ ରେଲଓ୍ବେ ଟିମ୍। ଦିଲ୍ଲୀ ଟିମ୍ରୁ ଖେଳୁଛନ୍ତି ବିରାଟ କୋହଲି । ୧୨ ବର୍ଷରୁ ଅଧିକ ସମୟ ପରେ ବିରାଟ କୋହଲି ତାଙ୍କ ଦିଲ୍ଲୀ ଟିମ୍ ସହିତ ରଣଜୀ ଟ୍ରଫି ମ୍ୟାଚ୍ ଖେଳୁଛନ୍ତି । ଯେଉଁଥିପାଇଁ ସମସ୍ତଙ୍କ ନଜର ଦିଲ୍ଲୀ ଟିମ୍ ଉପରେ ରହିଛି । କେବଳ ଯେ ରଣଜୀ ଖେଳୁଛନ୍ତି ବିରାଟ କୋହଲି ତା ନୁହେଁ, ଟିମ୍ ଇଣ୍ଡିଆର ୫ ମହାରଥୀ ଖେଳୁଛନ୍ତି ୨୦୨୫ ରଣଜୀ ଟ୍ରଫି ।
ତାଙ୍କ ବ୍ୟତୀତ ଟିମ୍ ଇଣ୍ଡିଆର ଅନ୍ୟ ୪ ଖେଳାଳି ନିଜ ନିଜ ଟିମ୍ ପାଇଁ ଖେଳୁଥିବା ଆସିଛନ୍ତି ନଜର । ଟିମ୍ ଇଣ୍ଡିଆର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଗତ ମ୍ୟାଚ୍ରେ ୧୨ ୱିକେଟ୍ ନେଇଥିଲେ । ଏଥର ମଧ୍ୟ ସେ ସୌରାଷ୍ଟ୍ର ପାଇଁ ଖେଳୁଛନ୍ତି ।
ଷ୍ଟାର ଦ୍ରୁତ ବୋଲର ମହମ୍ମଦ ସିରାଜ ଏଥର ବିଦର୍ଭ ବିପକ୍ଷ ମ୍ୟାଚ୍ରେ ହାଇଦ୍ରାବାଦ ପକ୍ଷରୁ ଖେଳିିଛନ୍ତି । ସେ ବିଦର୍ଭ ସହିତ ମୁହାଁମୁହିଁ ହେଉଛନ୍ତି । ଆହାତ ଯୋଗୁଁ ଗତ ମ୍ୟାଚରୁ ବାହାରେ ଥିବା ଷ୍ଟାର ବ୍ୟାଟ୍ସମ୍ୟାନ୍ କେଏଲ ରାହୁଲ ଏଥର ହରିୟାଣା ବିପକ୍ଷରେ କର୍ଣ୍ଣାଟକ ପାଇଁ ଖେଳୁଛନ୍ତି ।
ଷ୍ଟାର ସ୍ପିନର କୁଲଦୀପ ଯାଦବ ମଧ୍ୟପ୍ରଦେଶ ବିପକ୍ଷ ମୁକାବିଲାରେ ନିଜ ଦଳ ଉ ତ୍ତର ପ୍ରଦେଶ ପକ୍ଷରୁ ପ୍ରତିନିଧିତ୍ବ କରିଛନ୍ତି ଖେଳିଛନ୍ତି । ସେ ମଧ୍ୟପ୍ରଦେଶ ସହିତ ମୁକାବିଲା କରିଛନ୍ତି । ଅକ୍ଟୋବରରେ ଆହାତ ପରେ ଏହା ହୋଇଛି କୁଲଦୀପଙ୍କ ପ୍ରଥମ ମ୍ୟାଚ୍। ତେବେ ଦେଖିବାକୁ ବାକି ରହିଲା ଏହି ଦିଗ୍ଗଜ ପ୍ଲେୟର ରଣଜୀରେ କେମିତି କରୁଛନ୍ତି ପ୍ରଦର୍ଶନ...