ଦେଢ଼ ବର୍ଷ ବିତିଲା, ପୋଲାଭରମ ନେଇ କ’ଣ କରିଛ ? ଜବାବ ମାଗିଲା ବିଜେଡି

ଭୁବନେଶ୍ୱର: ପୋଲାଭରମକୁ ପୁଣି ତେଜିଲା ରାଜନୀତି । ବିଜେଡି ପୋଲାଭରମ ଉପରେ ସମ୍ବାଦିକ ସମ୍ବାଦିକ ସମ୍ମିଳନୀ କରି ଏହି ପ୍ରସଙ୍ଗକୁ ତାଜା କରିଛି। ବିଜେପି ସରକାର ଦେଢ଼ ବର୍ଷ ହେଲାଣି। ଏହି ଦେଢ଼ ବର୍ଷୋ ଭିତରେ ସରକାର ଫୋଲାଭରମ ନେଇ କଣ ପଦକ୍ଷେପ ନେଇଛନ୍ତି । ଏ ନେଇ ସରକାର ସ୍ପଷ୍ଟୀକରଣ ରଖିବାକୁ ବିଜେଡି ଦାବି କରିଛି। ଏପଟେ ବିଜେପି ଓଲଟା ବିଜେଡି ଉପରେ ଦୋଷ ଲଦିଛି।

ପୁଣି ରାଜନୀତିକୁ ଫେରିଲା ପୋଲାଭରମ ପ୍ରକଳ୍ପ। ବୁଡିବେ ଆଦିବାସୀ। ଦେଢ଼ ବର୍ଷ ବିତିଲା ପୋଲାଭରମ ନେଇ କଣ ପଦକ୍ଷେପ ନେଇଛନ୍ତି ଏନେଇ ସ୍ପଷ୍ଟୀକରଣ ରଖନ୍ତୁ ସରକାର। । ଶୁକ୍ରବାର ସମ୍ବାଦିକ ସମ୍ମିଳନୀ କରି ଏଭଳି ଦାବି କରିଛି ବିଜେଡି। ବିଜେଡି କହିଛି ମାଲକାନଗିରିରେ ଆଦିବାସୀଙ୍କ ସ୍ୱାର୍ଥ ରଖିବାରେ ବିଫଳ। ଆନ୍ଧ୍ର ପ୍ରଦେଶ ସରକାରଙ୍କ ପକ୍ଷରୁ ପୋଲାଭରମରେ ୩୬ ଲକ୍ଷ କ୍ୟୁସେକ୍ ବନ୍ୟା ଜଳ ନିର୍ଗମନର କ୍ଷମତା ଥିଲା। ତାକୁ ୫୦ ଲକ୍ଷ କ୍ୟୁସେକକୁ ବଢ଼ାଇ ଦିଆଗଲା।ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବହୁ ସମୟରେ କେନ୍ଦ୍ରକୁ ଚିଠି ଲେଖିଛନ୍ତି। କିନ୍ତୁ ଏହାକୁ ଜାତୀୟ ପ୍ରକଳ୍ପ ଘୋଷଣା କରି କାମ କରାଗଲା। ଏବେବି ଏକପାଖିଆ ଭାବେ କାମ ଚାଲିଛି। କୁହାଗଲା ଯେ ଓଡିଶାର ଇଞ୍ଚେ ବି ଜମି ବୁଡ଼ିବ ନାହିଁ। କିନ୍ତୁ ଓଡିଶା ସ୍ଵାର୍ଥ ହାନି ହେଉଛି। ୨୦୨୭ ସୁଦ୍ଧା ପ୍ରକଳ୍ପ ସରିବ ବୋଲି ମିଡିଆ ରିପୋର୍ଟ ଆସିଛି। ଡବଲ ଇଞ୍ଜିନ୍ ସରକାର କାହିଁକି ଚୁପ୍? ଆନ୍ଧ୍ରପ୍ରଦେଶରେ ସହଯୋଗୀ ଦଳ ସରକାର ଅଛି। କାହିଁକି ଟ୍ରିପଲ ଇଞ୍ଜିନ୍ ସରକାର ଜଳ ବିବାଦ ସମାଧାନ କଲେନି? ସରକାର ଶୀଘ୍ର ପଦକ୍ଷେପ ନ ନେଲେ ଆଦିବାସୀଙ୍କ ସ୍ଵାର୍ଥ ଦୃଷ୍ଟିରୁ ବିରୋଧ ତୀବ୍ରତର ହେବ ବୋଲି ବିଜେଡି ଚେତାବନୀ ଦେଇଛି।

ପୋଲାଭରମ ପ୍ରକଳ୍ପ ନେଇ ଯାହା କରିବା କଥା ବିଜେଡି ୨୪ ବର୍ଷ ସରକାରରେ କଲେ ନାହିଁ। ଏବେ ସରକାର ଯିବା ପରେ ପୋଲାଭରମକୁ ନେଇ ତୁଚ୍ଛା ରାଜନୀତି କରୁଛନ୍ତି । ରାଜ୍ୟସରକାର ସଜାଗ ଅଛନ୍ତି ଓଡିଶା ବାସୀଙ୍କ ସ୍ବାର୍ଥ ପାଇଁ ଲଢ଼େଇ ହେବ ବୋଲି ବିଜେଡି କହିଛି। ଦୀର୍ଘ ଦିୀନ ପୋଲାଭରମକୁ ରାଜନୀତି ଲାଗି ରହିଛି। କିନ୍ତୁ ଆନ୍ଧ୍ର ସରକାର ପୋଲାଭରରମ ପ୍ରକଳ୍ପ ସମ୍ପୂଣ୍ଣ କରିବା ପାଇଁ ତାଙ୍କ କାର୍ଯ୍ୟ ଜାରି ରଖିଛନ୍ତି। ଆଉ ପ୍ରତିବର୍ଷ ବର୍ଷ ଋତୁରେ ମୋଟୁ ଅଞ୍ଚଳବାସୀ ବୁଡୁଛନ୍ତି।