ଗଡ଼ୁଛି ସମୟ, ବଢୁଛି ବିବାଦ... ଖଣ୍ଡଗିରି ଥାନାରେ ପୁଣି ହାଜର ହେଲେ ତୁଳସୀ ଯାତ୍ରା ପାର୍ଟି ମାଲିକ

ଭୁବନେଶ୍ୱର ୦୭।୦୨ : ଗଡ଼ୁଛି ସମୟ, ବଢୁଛି ବିବାଦ । ଖଣ୍ଡଗିରି ଥାନାରେ ଚାଲିଥିଲା ଏତଲାର ଲମ୍ବା ଲିଷ୍ଟ । ପ୍ରଥମ ଯାତ୍ରା ଅଭିନେତା ସାଇ ସତ୍ୟଜିତଙ୍କ ମାଆ ତୁଳସୀ ମାଲିକଙ୍କ ନାଁରେ ଏତଲା ଦେଇଥିଲେ । ତାପରେ ପୁଣି ଖଣ୍ଡଗିରି ଥାନାରେ ଏତଲା ଦେଇଥିଲେ ଯାତ୍ରା କମିଟି । ଏହିକ୍ରମରେ ଖଣ୍ଡଗିରି ପୋଲିସ ଥାନାରେ ପୁଣି ଥରେ ହାଜର ହୋଇଛନ୍ତି ତୁଳସୀ ଗଣନାଟ୍ୟର ମାଲିକ ଅନନ୍ତ ନାରାୟଣ ଧଳ ଓରଫ ନାଣ୍ଡୁ ବାବୁ । ଶୁକ୍ରବାର ରାତିରେ ଥାନାରେ ହାଜର ହୋଇଥିଲେ ତୁଳସୀ ଯାତ୍ରା ପାର୍ଟିର ମାଲିକ । ଦୁଇ ଦିନ ମଧ୍ୟରେ ଦୁଇ ଥର ଖଣ୍ଡଗିରି ଥାନାରେ ହାଜର ହୋଇସାରିଲେଣି ନାଣ୍ଡୁ ବାବୁ ।