କେନ୍ଦ୍ର ବଜେଟର ଲାଭାର୍ଥୀ ହେବ ଓଡ଼ିଶା, ଅରେଞ୍ଜ ଇକୋନୋମିକୁ ନେଇ ପ୍ରମେୟର ସମ୍ପାଦକୀୟକୁ ପ୍ରଶଂସା କଲେ ଧର୍ମେନ୍ଦ୍ର

ଭୁବନେଶ୍ଵର: କେନ୍ଦ୍ର ବଜେଟର ଲାଭାର୍ଥୀ ହେବ ଓଡ଼ିଶା । ସମୃଦ୍ଧ ରାଜ୍ୟଗୁଡ଼ିକରେ ସମର୍ପିତ ଅର୍ଥ କରିଡର ଓଡ଼ିଶା ପାଇଁ ନୂଆ ସମ୍ଭାବନା ସୃଷ୍ଟି କରିବ । ଏଥି ସହ ମୋଦି ସରକାରଙ୍କ ବଜେଟ୍ରେ କିଭିଳ ସବକା ସାଥ ସବ ବିକାଶକୁ ଗୁରୁତ୍ବ ଦିଆଯାଇଛି ସେ ସମ୍ପର୍କରେ ଆଜି ବିସ୍ତୃତ ଭାବେ ବାଖ୍ୟା କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ବିଜେପି ପକ୍ଷରୁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ରାଜ୍ୟ ବିଜେପି ସଭାପତି ମନମୋହନ ସାମଲ ଏକାଠି ଏକ ସାମ୍ବାଦିକ ସମ୍ମିଳନୀ କରିଥିବା ବେଳେ ରାଜ୍ୟ ତଥା ଦେଶର ହିତ ପାଇଁ କିଭଳି ମୋଦି ସରକାର ବିଭିନ୍ନ ପଦକ୍ଷେପ ନେଇଛନ୍ତି, କିଭଳି ଆଗାମୀ ଦିନରେ ଭାରତ ବିଶ୍ବ ଅର୍ଥନୀତିରେ ନିଜର ଦବଦବା ଜାହିର କରିବାକୁ ଯାଉଛି ସେ ସମ୍ପର୍କରେ ସୂଚନା ଦେଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ବିଶ୍ବରର ଚତୁର୍ଥ ବୃହତ୍ ଅର୍ଥନୀତିରେ ପରିଣତ ହୋଇଛି ଭାରତ । କେନ୍ଦ୍ର ବଜେଟର ଲାଭାର୍ଥୀ ହେବ ଓଡ଼ିଶା । ସମୃଦ୍ଧ ରାଜ୍ୟଗୁଡ଼ିକରେ ସମର୍ପିତ ଅର୍ଥ କରିଡର ଓଡ଼ିଶା ପାଇଁ ନୂଆ ସମ୍ଭାବନା ସୃଷ୍ଟି କରିବ । ଏଥି ସହ ମୋଦି ସରକାରଙ୍କ ବଜେଟ୍ରେ କିଭିଳ ସବ୍କା ସାଥ ସବ୍କା ବିକାଶକୁ ଗୁରୁତ୍ବ ଦିଆଯାଇଛି ସେ ସମ୍ପର୍କରେ ଆଜି ବିସ୍ତୃତ ଭାବେ ବାଖ୍ୟା କରିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ର କହିଛନ୍ତି ଯେ, ଭାରତ ଏବେ ବିଶ୍ଵର ଚତୁର୍ଥ ବୃହତ୍ ଅର୍ଥନୀତିରେ ପରିଣତ ହୋଇଛି | ମୋଦି ସରକାରଙ୍କ ଚଳିତ ବଜେଟ ଯୁବ ଆଧାରିତ ବଜେଟ ହୋଇଛି | ଭାରତର ଅର୍ଥନୀତି ୨ ଟ୍ରିଲିଅନ ଡଲାର ହେବା ପାଇଁ ୬୭ ବର୍ଷ ଲାଗିଥିଲା | ହେଲେ ମୋଦିଙ୍କ ଶାସନରେ ୧୦ ବର୍ଷରେ ଭାରତର ଅର୍ଥନୀତି ୨.୧୮ ଟ୍ରିଲିଅନ ହୋଇଛି | ଏବେ ଭାରତର ଅର୍ଥନୀତି ୪.୧୮ ଟ୍ରିଲିଅନ ହୋଇଛି ।

୨୦୪୭ ସୁଦ୍ଧା ଭାରତର ଅର୍ଥନୀତି ୩୦ ଟ୍ରିଲିଅନ ଡଲାର ଛୁଇଁବାକୁ ଲକ୍ଷ୍ୟ ରଖାଯାଇଛି । ଏବେ ୬.୮ରୁ ୭.୨ ଆମର ଅଭିବୃଦ୍ଧି ହାର ରହିଛି | ୨୦୧୬ ଆର୍ଥିକ ବର୍ଷକୁ ଛାଡ଼ି ଦେଲେ ବାକି ପୂରା ସମୟ ଅର୍ଥନୀତି ଅଭିବୃଦ୍ଧି ହାର ୬.୨ ରହିଛି | ଭାରତ ବିଶ୍ଵର ସପ୍ତମ ବୃହତ୍ତମ ସର୍ଭିସ୍ ଏକ୍ସପୋର୍ଟ ପାଲଟିଛି | ଆମ ଦେଶରେ ୨୦୧୩-୧୪ରେ ବିଦେଶୀ ପୁଞ୍ଜି ନିବେଶ ୩୬ ବିଲିଅନ ଡଲାର ଥିଲା | ୨୦୨୪-୨୫ରେ ଏହା ୮୧ ବିଲିଅନ ଡଲାର ହୋଇଛି | ମୁଦ୍ରାସ୍ପିତି ନିୟନ୍ତ୍ରଣ ଭିତରେ ଅଛି | ଭାରତ ସରକାରଙ୍କ ବାର୍ଷିକ ଖର୍ଚ୍ଚ ୨ ଲକ୍ଷ କୋଟି ଟଙ୍କା ହେଉଥିଲା | GST ସଂଗ୍ରହ ଦୁଇ ଗୁଣା ହୋଇଛି । ଆମ ଦେଶରେ ଉତ୍ପାଦନରେ ଅଭିବୃଦ୍ଧି ଘଟିଛି | ୨୦୧୬ରେ ଭାରତରେ ମାତ୍ର ୫ଶହ ଷ୍ଟାର୍ଟଅପ୍ ଥିଲା | ଏବେ ୨ ଲକ୍ଷ ଷ୍ଟାର୍ଟଅପ୍ କାମ କରୁଛନ୍ତି ବୋଲି କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ସେହିଭଳି କେନ୍ଦ୍ର ବଜେଟରେ ଓଡିଶା କିଭଳି ଲାଭାର୍ଥୀ ହୋଇଛି ତାର ମଧ୍ୟ ସୂଚନା ଦେଇଥିଲେ କେନ୍ଦ୍ରମନ୍ତ୍ରୀ । କହିଥିଲେ, ଫ୍ରେଟ କରିଡର, ଜାତୀୟ ଜଳପଥ, ଇକୋନୋମିକ୍ କରିଡର, AI ଡାଟା ସେଣ୍ଟର ଓଡ଼ିଶା ପାଇଁ ବଡ଼ ଉପଲବ୍ଧି | ସମୃଦ୍ଧ ରାଜ୍ୟଗୁଡ଼ିକରେ ସମର୍ପିତ ଅର୍ଥ କରିଡର ଓଡିଶା ପାଇଁ ନୂଆ ସମ୍ଭାବନା ସୃଷ୍ଟି କରିବ | ଏଥିରେ କେରଳ, ଆନ୍ଧ୍ର ପ୍ରଦେଶ ଏବଂ ତାମିଲନାଡୁ ସହିତ ଓଡ଼ିଶା ମଧ୍ୟ ଲାଭାର୍ଥୀ ହେବ | ଓଡ଼ିଶାରେ ଜାତୀୟ ଜଳପଥ- ୫ ଆରମ୍ଭ ହେବ | ଏହି ଜଳପଥ ତାଳଚେର ଏବଂ ଅନୁଗୋଳ ଭଳି ଖଣିଜ ସମୃଦ୍ଧ ଅଞ୍ଚଳକୁ କଳିଙ୍ଗ ନଗର ଭଳି ଶିଳ୍ପ କେନ୍ଦ୍ର ସହିତ ସଂଯୋଗ କରିବ । ସେଗୁଡ଼ିକୁ ପାରାଦୀପ ଏବଂ ଧାମରା ବନ୍ଦର ସହିତ ସଂଯୋଗ କରିବ |

କେନ୍ଦ୍ର ବଜେଟରେ ପ୍ରତିରକ୍ଷା ବିଭାଗକୁ ସଶକ୍ତ କରାଯାଇଛି, ସ୍ବାସ୍ଥ୍ୟ ପାଇଁ, ଶିକ୍ଷା କ୍ଷେତ୍ର, କୃଷି କ୍ଷେତ୍ର, ଗ୍ରାମୀଣ ବିକାଶ, ଶକ୍ତି କ୍ଷେତ୍ର ଭଳି ସାମଗ୍ରିକ ବିକାଶକୁ ଗୁରୁତ୍ବ ଦିଆଯାଇଛି | ବାଇଓ ଫାର୍ମା କ୍ଷେତ୍ରରେ ଅଧିକ ଗୁରୁତ୍ବ ଦିଆଯାଇଛି | ଓଡ଼ିଶାରେ ୩ଟି ଆୟୁର୍ବେଦିକ ଅନୁଷ୍ଠାନ କରିବା ପାଇଁ ଘୋଷଣା ହୋଇଛି | ଔଷଧ ଉତ୍ପାଦନ କ୍ଷେତ୍ରରେ ଆମେ କିଭଳି ଏକ ନମ୍ବର ହୋଇପାରିବୁ ସେଥି ପାଇଁ ବଜେଟରେ ଗୁରୁତ୍ବ ଦିଆଯାଇଛି | ଚଳିତ ବଜେଟ୍ ଦେଶର ଆର୍ଥିକ ବିକାଶରେ ସହାୟକ ହେବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।

ସେହିଭଳି ଆଜିର ସାମ୍ବାଦିକ ସମ୍ମିଳନୀରେ ପ୍ରମେୟ ଖବର କାଗଜର ଏଡିଟୋରିଆଲ୍ ଲେଖାର ଉଦାହରଣ ଦେଇଥିଲେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କେନ୍ଦ୍ରମନ୍ତ୍ରୀ କହିଥିଲେ ଯେ, ବଜେଟକୁ ନେଇ ପ୍ରମେୟ ଖବର କାଗଜରେ ପ୍ରକାଶିତ ଖବର ପ୍ରଶଂସାଯୋଗ୍ୟ । ଅରେଞ୍ଜ ଇକୋନୋମିକୁ ନେଇ ପ୍ରମେୟରେ ପ୍ରକାଶିତ ସମ୍ପାଦକୀୟ ବେଶ୍ ଉଚ୍ଚକୋଟୀର ହୋଇଛି । ଗତ ୨ ତାରିଖରେ ଓଡ଼ିଶାର ଅଗ୍ରଣୀ ଦୈନିକ ଖବର କାଗଜ ପ୍ରମେୟରେ ବଜେଟ୍ର ସମ୍ପୂର୍ଣ୍ଣ ରୂପରେଖକୁ ନେଇ ଖବର ପ୍ରକାଶ ପାଇଥିବା ବେଳେ ଗତକାଲି ଅରେଞ୍ଜ ଇକୋନୋମି, ଓଡ଼ିଶା ପାଇଁ ଏକ ସୁବର୍ଣ୍ଣ ଯୁଗର ଆରମ୍ଭକୁ ନେଇ ଏକ ଆଲେଖ୍ୟ ପ୍ରକାଶ ପାଇଥିଲା । ଯାହାକୁ ବେଶ୍ ପ୍ରଶଂସା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।