କଟକ: କଟକ ବାଲିଯାତ୍ରାରେ ପୁଣି ଚାଲୁ ହେଲା ଦୋଳି। ଆଉ ଦର୍ଶକ ହେବେନି ନିରାଶ। ଜିଲ୍ଲାପାଳଙ୍କ ହସ୍ତକ୍ଷେପ ପରେ ଦୋଳି ଚଳାଇବାକୁ ଅନୁମତି ମିଳିଛି । ଅତିରିକ୍ତ ଜିଲ୍ଲାପାଳଙ୍କ ଯାଞ୍ଚ ପରେ ଚାଲିଲା ଦୋଳି।

ଆଜି ଐତିହାସିକ ବାଲିଯାତ୍ରାର ଶେଷ ଦିନ। ମଉଜର ଶେଷ ଦିନରେ ସୁରକ୍ଷାକୁ ଦୃଷ୍ଟିରେ ରଖି କମିଶନରେଟ୍ ପୋଲିସ୍ ଦୋଳିକୁ ବନ୍ଦ୍ କରିଦେଇଥିଲେ। ଦୋଳି ବ୍ୟବସାୟୀ ସଙ୍ଘର ନିଷ୍ପତ୍ତି ପରେ ପୁଣି ବଦଳିଛି ନିୟମ। ଜିଲ୍ଲାପାଳଙ୍କ ହସ୍ତକ୍ଷେପ ପରେ ଦୋଳି ଚଳାଇବାକୁ ମିଳିଛି ଅନୁମତି । ଅତିରିକ୍ତ ଜିଲ୍ଲାପାଳଙ୍କ ଯାଞ୍ଚ ପରେ ଚାଲିଲା ଦୋଳି। ଅନ୍ୟପଟେ ଶେଷ ଦିନରେ ବଲିଉଡ୍ କଣ୍ଠଶିଳ୍ପୀଙ୍କ ଗୀତରେ ଝୁମିଛନ୍ତି ଦର୍ଶକ। ଶ୍ରୀୟାଙ୍କ ସୁରିଲା କଣ୍ଠରେ ଦୁଲୁକୁଛି ବାଲିଯାତ୍ରା ପଡ଼ିଆ।