ବାଲିପାଟଣା: ପୁରୀ ଦଳାଚକଟାରେ ପ୍ରାଣ ହରାଇଥିବା ରାଜଧାନୀ ଉପକଣ୍ଠ ବାଲିପାଟଣା ଥାନା ଅଠାନ୍ତର ଗ୍ରାମର ପ୍ରଭାତୀ ଦାସଙ୍କ ଘରକୁ ଯାଇ ପରିବାରଙ୍କୁ ଭେଟିଛନ୍ତି ଉପମୁଖ୍ୟମନ୍ତ୍ରୀ। ପ୍ରାୟ ଅଧଘଣ୍ଟା ଧରି ଶୋକସନ୍ତପ୍ତ ପରିବାର ସହ ସମୟ ବିତାଇଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା।

ଏହା ସହ ମୃତ ପ୍ରଭାତୀଙ୍କ ଝିଅ ଶିର୍ଷା ଦାସଙ୍କୁ ୨୫ ଲକ୍ଷ ଟଙ୍କାର ଅନୁକମ୍ପା ମୂଳକ ରାଶି ଚେକ୍ ଆକାରରେ ପ୍ରଦାନ କରିଛନ୍ତି। ଏହି ସମୟରେ ପରିବାର ପକ୍ଷରୁ ଝିଅ ଶିର୍ଷା ଦାସଙ୍କୁ ଏକ ସରକାରୀ ଚାକିରୀ ପାଇଁ ପରିବାର ଲୋକ ଉପ ମୁଖ୍ୟମନ୍ତ୍ରୀଙ୍କ ନିକଟରେ ନିବେଦନ କରିଛନ୍ତି। 

Also read: ବିଏମସି ଅତିରିକ୍ତ କମିସନରଙ୍କୁ ମାଡ଼ ଘଟଣା, ଆଉ ୨ ଜଣଙ୍କୁ ଗିରଫ କଲା ପୋଲିସ

ସୂଚନାଥାଉକି, ପୁରୀରେ ରବିବାର ଭୋର ସମୟରେ ହୋଇଥିବା ଦଳାଚକଟାରେ ବାଲିପାଟଣାର ପ୍ରଭାତୀ ଦାସଙ୍କ ସମେତ ତିନି ଜଣକ ଜୀବନ ଯାଇଥିଲା। ଘଟଣାରେ ପୋଲିସ ଓ ପ୍ରଶାସନର ଅବହେଳାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଥିବାବେଳେ, ସରକାର କାର୍ଯ୍ୟାନୁଷ୍ଠାନ ନେଇ ଜିଲ୍ଲାପାଳ ଏସପିଙ୍କୁ ବଦଳି ସହ ଦୁଇ ପୋଲିସ ଅଧିକାରୀଙ୍କୁ ମଧ୍ୟ ସସପେଣ୍ଡ କରିଛନ୍ତି। ଘଟଣାକୁ ନେଇ ରାଜନୈତିକ ମହଲ ମଧ୍ୟ ବେଶ ସରଗରମ ରହିଛି।

ଏହିପରି ଶରଧାବାଲିରେ ଗୁଣ୍ଡିଚା ମନ୍ଦିର ସାମ୍ନାରେ ଦଳାଚକଟା ଘଟଣାରେ ଅନ୍ୟ ଜଣେ ମୃତକ ପ୍ରେମକାନ୍ଦ ମହାନ୍ତିଙ୍କ ପରିଜନଙ୍କୁ ଭେଟିଛନ୍ତି ରାଜସ୍ଵ ମନ୍ତ୍ରୀ ସୁରେଶ ପୂଜାରୀ । ଏହି ସମୟରେ ଶୋକସନ୍ତପ ପରିବାରକୁ ଆଶ୍ଵସନା ଦେବା ସହ ସହାୟତାରାଶି ସ୍ଵରୂପ ୨୫ ଲକ୍ଷ ଟଙ୍କାର ଚେକ୍ ପ୍ରଦାନ କରିଛନ୍ତି।