ବ୍ୟବସାୟୀଙ୍କ ଘରେ ପଶି କରିଥିଲେ ସଶସ୍ତ୍ର ଡକାୟତି, ୧୦ ଦିନ ପରେ ୧୦ ଡକାୟତ ଗିରଫ

ଝାରସୁଗୁଡ଼ା ୨୯।୧୧: ଝାରସୁଗୁଡ଼ାର ଜଣେ ବ୍ୟବସାୟୀଙ୍କ ଘରୁ ହୋଇଥିଲା ସଶସ୍ତ୍ର ଡକାୟତି । ୧୦ ଦିନ ପରେ ଧରାପଡିଗଲେ ଚୋର । ଦୁଇ ନାବାଳକ ସମେତ ୧୦ ଜଣଙ୍କୁ ଗିରଫ କରିଛି ପୋଲିସ । ନଗଦ ଲକ୍ଷାଧିକ ଟଙ୍କା ସହ ଲକ୍ଷାଧିକ ଟଙ୍କାର ସୁନା ଓ ରୁପା ଗହଣା ଜବତ କରିଛି ପୋଲିସ ।

ସୂଚନାଯୋଗ୍ୟ ଯେ, ଝାରସୁଗୁଡ଼ା ଜିଲ୍ଲା ଟାଉନ ଥାନା ଅନ୍ତର୍ଗତ ବିନାୟକ ପୁରମ ଲେନ୍ରେ ଗତ ୧୯ ତାରିଖ ଦିନ ହୋଇଥିବା ବଡ଼ ଧରଣର ସଶସ୍ତ୍ର ଡକାୟତି ଘଟଣାର ପର୍ଦ୍ଦାଫାଶ । ଏହି ମାମଲାରେ ଦୁଇ ନାବାଳକଙ୍କ ସହ ୧୦ ଜଣଙ୍କୁ ଗିରଫ କରିଛି ଝାରସୁଗୁଡା ପୋଲିସ । ଚୋରଙ୍କ ଠାରୁ ନଗଦ ୩୭ ଲକ୍ଷ ୨୭ ହଜାର ଟଙ୍କା ଉଦ୍ଧାର କରିଥିବା ବେଳେ, ପ୍ରାୟ ୬୬ ଲକ୍ଷ ୫୬ ହଜାର ଟଙ୍କାର ସୁନା ଗହଣା ଓ କଏନ, ୨୪ ଲକ୍ଷ ୭୭ ହଜାରରୁ ଅଧିକ ଟଙ୍କାର ରୁପା ଗହଣା ଓ କଏନ ଉଦ୍ଧାର କରିଛି ପୋଲିସ । ଏହି ମାମଲାରେ ୨ ନାବାଳକଙ୍କ ସହ ୧୦ ଜଣକୁ ଗିରଫ କରିଛି ଝାରସୁଗୁଡା ପୋଲିସ । ଏହି ଘଟଣାରେ ପୋଲିସ ତିନୋଟି ବନ୍ଧୁକ ସହିତ ୧୨ଟି ଜୀବନ୍ତ ଗୁଳି ଜବତ କରିଛି ପୋଲିସ । ଅଭିଯୁକ୍ତ ମାନେ ହେଲେ ସଞ୍ଜୟ ସିଂହ, ଆକାଶ ଓରଫ ରାଧାକାନ୍ତ କହ୍ନର, ଅଶୋକ କୁମାର ପଣ୍ଡା, ଜଗବନ୍ଧୁ ବେହେରା, କାହ୍ନା ଚରଣ ସ୍ୱାଇଁ, ସନତ ଓରଫ ଆନନ୍ଦ ରାୟ, ଜିତୁ ଓରଫ ଜିତେନ୍ଦ୍ର ସାହୁ, ପିଙ୍କି ଓରଫ ସୁଶୀଳା ମେହେର। ।

ଗତ ୧୯ ତାରିଖରେ ଟାଉନ ଥାନା ଅନ୍ତର୍ଗତ ବିନାୟକ ପୁରମ ଲେନରେ ବ୍ୟବସାୟୀ ମୁକେଶ ବୁଚବାନୀଙ୍କ ଘରୁ ସଶସ୍ତ୍ର ଡକାୟତି କରିଥିଲେ ଏହି ଅଭିଯୁକ୍ତ ।