ତେଲେଙ୍ଗାନା : ପତ୍ନୀର ପରକୀୟା ପ୍ରୀତି ପୁଣି ନେଲା ଜୀବନ। ତେଲେଙ୍ଗାନାର ହାଇଦ୍ରାବାଦରେ ଜଣେ ମହିଳା ତାଙ୍କ ପ୍ରେମିକଙ୍କ ସହ ମିଶି ତାଙ୍କ ସ୍ୱାମୀଙ୍କୁ ହତ୍ୟା କଲେ। ତେଲେଙ୍ଗାନାର ହାଇଦ୍ରାବାଦରୁ ଏକ ହତ୍ୟା ମାମଲା ସାମ୍ନାକୁ ଆସିଛି। ହାଇଦ୍ରାବାଦରେ ଜଣେ ମହିଳା ତାଙ୍କ ସ୍ୱାମୀଙ୍କୁ ହତ୍ୟା କରିଛନ୍ତି। ମହିଳା ତାଙ୍କ ପ୍ରେମିକଙ୍କ ସହ ମିଶି ତାଙ୍କ ସ୍ୱାମୀଙ୍କୁ ହତ୍ୟା କରିଛନ୍ତି। ପରେ ହତ୍ୟାକୁ ହୃଦଘାତ ଭଳି ଦେଖାଇବାକୁ ଚେଷ୍ଟା କରାଯାଇଥିଲା। ଅଭିଯୁକ୍ତ ମହିଳାଙ୍କୁ ପୋଲିସ ଗିରଫ କରିଛି, କିନ୍ତୁ ମହିଳାଙ୍କ ପ୍ରେମିକ ଏପର୍ଯ୍ୟନ୍ତ ଫେରାର୍ ଅଛନ୍ତି। ପୋଲିସ ଅଭିଯୁକ୍ତ ମହିଳା ଏବଂ ତାଙ୍କ ପ୍ରେମିକଙ୍କ ବିରୋଧରେ ମାମଲା ରୁଜୁ କରିଛି। ଏହି ଘଟଣା ଏବେ ସାରା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି।

ମୃତକଙ୍କ ନାମ ଜେଲେଲା ଶେଖର। ସେ ଓ ତାଙ୍କ ପତ୍ନୀ ଚିତ୍ତି ହାଇଦ୍ରାବାଦର ସାରୁରନଗରର କୋଦଣ୍ଡରାମ ନଗରରେ ରହୁଥିଲେ। ଉଭୟ ୧୬ ବର୍ଷ ପୂର୍ବେ ବିବାହ କରିଥିଲେ, ସେମାନଙ୍କର ଦୁଇଟି ସନ୍ତାନ । ଶେଖର ଜଣେ କ୍ୟାବ୍ ଡ୍ରାଇଭର ଥିଲେ। ସେ କ୍ୟାବ୍ ଚଲାଇ ତାଙ୍କ ପରିବାର ପ୍ରତିପୋଷଣ କରୁଥିଲେ। ଜେଲେଲା ଶେଖର ନିଜ କାମ ପାଇଁ ଅନେକ ସମୟ ବାହାରେ ରହୁଥିଲେ। ଏହାରି ମଧ୍ୟରେ ଶେଖରଙ୍କ ପତ୍ନୀ  ଚିତ୍ତି ହରିଶ ନାମକ ଜଣେ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିଲେ। ଏହାପରେ, ଉଭୟଙ୍କ ମଧ୍ୟରେ ଘନିଷ୍ଠତା ବଢ଼ିଲା ପରେ ପରେ ପ୍ରେମ ପଡ଼ିଲେ। ଅନେକ ଦିନ ପର୍ଯ୍ୟନ୍ତ ସେମାନେ ନିଜ ସଂପର୍କକୁ ଲୁଚେଇ ରଖିଥିଲେ। କିନ୍ତୁ ଶେଖରଙ୍କ ସନ୍ଦେହ କରି ତାଙ୍କ ସ୍ତ୍ରୀଙ୍କ ଉପରେ ନଜର ରଖିବାକୁ ଲାଗିଲେ। ତା’ପରେ ସେ ତାଙ୍କ ସ୍ତ୍ରୀଙ୍କ ସମ୍ପର୍କ ବିଷୟରେ ଜାଣିବାକୁ ପାଇଲେ।

ଶେଖର ଏଥିପାଇଁ ଚିତ୍ତିଙ୍କୁ ଗାଳି କରି ତାଗିଦ୍ କରିଥିଲେ। ଚିତ୍ତି ଏବଂ ତାଙ୍କ ପ୍ରେମିକ ହରିଶ ନିଜ ପ୍ରେମରେ ଜେଲେଲା ଶେଖରଙ୍କୁ କଣ୍ଟା ବୋଲି ବାବି ତାଙ୍କୁ ରାସ୍ତାରୁ ହଟାଇବାକୁ ଯୋଜନା କଲେ। ଦିନ ଶେଖର ଘରକୁ ଆସିବା ପରେ ତାଙ୍କୁ  ଖାଇବାରେ ନିଦ ବଟିକା ଦେଇ ଶୁଆଇ ପକାଇଲେ। ପରେ ଚିତ୍ତି ଚିତ୍ତି ହରିଶଙ୍କୁ ଡାକି ଘରକୁ ଡାକିଥିଲେ ଲେ। ଜଣେ ତାଙ୍କୁ ଗଳାକାଟି ହତ୍ୟା କରିଥିଲେ ଏବଂ ଅନ୍ୟ ଜଣେ ତାଙ୍କ ମୁଣ୍ଡରେ ଆଘାତ ଦେଇଥିଲେ। ସନ୍ଦେହ ଏଡାଇବା ପାଇଁ, ଚିତ୍ତି 100 ନଂ କୁ ଫୋନ୍ କରି ସୂଚନା ଦେଇଥିଲେ। ସାରୁରନଗର ପୋଲିସ ଘଟଣାସ୍ଥଳରେ ପହଞ୍ଚି ଜେଲେଲା ଶେଖରଙ୍କୁ ହସ୍ପିଟାଲକୁ ନେଇଥିଲା। ଡାକ୍ତରମାନେ ତାଙ୍କୁ ପରୀକ୍ଷା କରି ନିଶ୍ଚିତ କରିଥିଲେ ଯେ ତାଙ୍କ ମୁଣ୍ଡରେ ଆଘାତ ଯୋଗୁଁ ତାଙ୍କର ମୃତ୍ୟୁ ହୋଇଛି। 

ଏହା ପରେ, ପତ୍ନୀ ଚିତ୍ତିଙ୍କୁ ହେପାଜତକୁ ନେଇ ପଚରାଉଚରା କରାଯାଇଥିଲା। ପ୍ରଥମେ ସେ ସଂକୋଚ କରି କହିଥିଲେ ଯେ ତାଙ୍କ ସ୍ୱାମୀଙ୍କର ହୃଦଘାତ ହୋଇଥିଲା ଏବଂ ଗଭୀର ନିଦରେ ଶୋଇଥିବା ସମୟରେ ତାଙ୍କର ମୃତ୍ୟୁ ହୋଇଥିଲା। ପରେ, ଯେତେବେଳେ ତାଙ୍କୁ ଟିକିଏ କଠୋର ଭାବରେ ପଚରାଉଚରା କରାଯାଇଥିଲା, ସେତେବେଳେ ସେ ତାଙ୍କ ପ୍ରେମିକ ସହିତ ତାଙ୍କ ସ୍ୱାମୀଙ୍କୁ ହତ୍ୟା କରିଥିବା ସ୍ୱୀକାର କରିଥିଲେ।