ସାଉଥ୍ ସୁନ୍ଦରୀ ସାମନ୍ଥା ନା ସ୍ୱାମୀ ରାଜ ନିଦିମୋରୁ, ଦୁହିଁଙ୍କ ମଧ୍ୟରେ କିଏ ଅଧିକ ଧନୀ ?

ମୁମ୍ବାଇ : ସାଉଥ୍ ସୁନ୍ଦରୀ ସାମନ୍ଥା ରୁଥ ପ୍ରଭୁ ଛାଡପତ୍ରର ୪ବର୍ଷ ପରେ ଦ୍ଵିତୀୟ ବିବାହ କରି ସମସ୍ତଙ୍କୁ ଚମକାଇ ଦେଇଛନ୍ତି। "ଦ ଫ୍ୟାମିଲି ମ୍ୟାନ୍" ନିର୍ଦ୍ଦେଶକ ରାଜ ନିଦିମୋରୁଙ୍କ ହାତ ଧରିଛନ୍ତି। ପ୍ରାୟ ୩୦ଜଣ ପରିବାର ସଦସ୍ୟ ଓ ଅତିଥିଙ୍କ ଉପସ୍ଥିତିରେ ଉଭୟ ବିବାହ କରିଛନ୍ତି । ତେବେ ସାମନ୍ଥା ସାୱଉତ୍ର ସୁପରଷ୍ଟାର ହୋଇଥିବାବେଳେ ଫ୍ୟାନ୍ସ ଏବେ ରାଜ ବିଷୟରେ ଅଧିକ କିଛି ଜାଣିବାକୁ ବେଶ୍ ଉତ୍ସୁକତା ଦେଖାଇଛନ୍ତି। ଏମିତିକରେ ଆସନ୍ତୁ ଜାଣିବା ରାଜ ନିଦିମୋରୁ କିଏ, ସେ ସାମନ୍ଥାଙ୍କୁ ଠୁ କେତେ ଧନୀ।

ରାଜ ନିଦିମୋରୁ... ଆନ୍ଧ୍ରପ୍ରଦେଶର ତିରୁପତିର ବାସୀନ୍ଦା। ସେ କମ୍ପ୍ୟୁଟର ସାଇନ୍ସରେ ଇଞ୍ଜିନିୟରିଂ କରିଥିଲେ।ପରେ ବିଦେଶ ଯାଇ ସଫ୍ଟୱେର୍ ଇଞ୍ଜିନିୟର ଭାବେ କାମ କରିଥିଲେ। କିନ୍ତୁ କାହାଣୀ କହିବା ଏବଂ ସିନେମା ପ୍ରତି ତାଙ୍କର ଥିଲା ଆଗ୍ରହ। ଯାହା ତାଙ୍କୁ ପ୍ରଯୁକ୍ତିବିଦ୍ୟାରୁ ଚଳଚ୍ଚିତ୍ର ନିର୍ମାଣରେ ପାଦ ଦେବାକୁ ପ୍ରେରଣା ଦେଇଥିଲା। ଶେଷରେ ସେମିତି ହିଁ ହେଲା ଫିଲ୍ମ ଦୁନିଆରେ ପାଦ ରଖିଲେ। ସେ ତାଙ୍କର ସହଯୋଗୀ କୃଷ୍ଣା ଡିକେଙ୍କ ସହିତ, 2009 ମସିହାରେ କ୍ରାଇମ୍-କମେଡି ଚଳଚ୍ଚିତ୍ର ‘ 99’ ସହିତ ନିର୍ଦ୍ଦେଶନା କ୍ଷେତ୍ରରେ ଡେବ୍ୟୁ କରିଥିଲେ। ଧିରେ ଧିରେ ରାଜ୍ ଏବଂ ଡିକେ ସେମାନଙ୍କର ସ୍ୱତନ୍ତ୍ର ଶୈଳୀ ସହ ସିନେମା ଜଗତରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲେ। ଚଳଚ୍ଚିତ୍ର ଏବଂ ୱେବ୍ ସିରିଜ୍ ମଧ୍ୟରେ ସେମାନଙ୍କର କାମକୁ ଖୁବ୍ ପ୍ରଶଂସା କରାଗଲା। "ଶୋର୍ ଇନ୍ ଦି ସିଟି", "ସିନେମା ବନ୍ଦୀ" ଏବଂ "ଅନପଜ୍ଡ" ଭଳି ଚଳଚ୍ଚିତ୍ର ସହିତ "ଦି ଫ୍ୟାମିଲି ମ୍ୟାନ୍", "ସିଟାଡେଲ୍: ହନି ବନି" ଏବଂ "ଫର୍ଜି" ଭଳି ଲୋକପ୍ରିୟ ସିରିଜ ତାଙ୍କୁ ଦେଲା ପରିଚୟ। ନିକଟରେ "ଫ୍ୟାମିଲି ମ୍ୟାନ୍ -3" OTT ପ୍ଲାଟଫର୍ମରେ କରୁଛି ଟ୍ରେଣ୍ଡ୍।

2025ର ମିଡିଆ ରିପୋର୍ଟ ଅନୁଯାୟୀ, ରାଜ ଏବଂ ସାମନ୍ଥାଙ୍କ ନେଟୱର୍ଥ ₹83-85 କୋଟି ବୋଲି ଆକଳନ କରାଯାଇଛି। ଖାଲି ସେତିକି ନୁହେଁ, ରାଜ ମୁମ୍ବାଇରେ ଏକ ବିଳାସପୂର୍ଣ୍ଣ ଆପାର୍ଟମେଣ୍ଟରେ ରୁହନ୍ତି ଏବଂ ତାଙ୍କର ଦାମୀ କାର ଅଛି। ତାଙ୍କ ଙ୍କ ଆୟ ମୁଖ୍ୟତଃ ଫିଲ୍ମ, OTT ପ୍ରୋଜେକ୍ଟ ଏବଂ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ଆସିଥାଏ। ଅନ୍ୟପଟେ 15ବର୍ଷ କାମ କରିବା ପରେ, ସାମନ୍ଥାଙ୍କ ନେଟ୍ ୱର୍ଥ ପ୍ରାୟ 101କୋଟି ହେବ ବୋଲି ଆକଳନ କରାଯାଇଛି। ଟଙ୍କା ରୋଜଗାରର ମାଧ୍ୟମ ହେଉଛି ବ୍ରାଣ୍ଡ୍ ଏଣ୍ଡୋର୍ସମେଣ୍ଟ ଏବଂ ଫିଲ୍ମ । ସେ ଗୋଟିଏ ଫିଲ୍ମ ପାଇଁ ₹3 ରୁ ₹5 କୋଟି ଚାର୍ଜ କରନ୍ତି। ବ୍ରାଣ୍ଡ୍ ଏଣ୍ଡୋର୍ସମେଣ୍ଟରୁ ବାର୍ଷିକ ପ୍ରାୟ ₹8 କୋଟି ରୋଜଗାର କରନ୍ତି। ଏହା ବ୍ୟତୀତ, ଅଭିନେତ୍ରୀଙ୍କ ମୁମ୍ବାଇରେ ରହିଛି ₹10 ରୁ ₹15 କୋଟି ସମ୍ପତ୍ତି। ତାଙ୍କର ଅନେକ ଦାମୀ କାର୍ ମଧ୍ୟ ରହିଛି। ଏଠି କହିପାରିବା ରାଜଙ୍କ ଠୁ ଧନୀ ସାମନ୍ଥା।

ଅନ୍ୟପଟେ ରାଜଙ୍କ ବିବାହ ପରେ ପୂର୍ବତନ ପତ୍ନୀ ଏକ ସିକ୍ରେଟ୍ ପୋଷ୍ଟ କରି ଇନଷ୍ଟାଗ୍ରାମ ଷ୍ଟୋରୀରେ, ଲେଖିଛନ୍ତି, "ହତାଶ ଲୋକମାନେ ହତାଶ କାମ କରନ୍ତି।" ଯାହାକୁ ନେଇ ଖୁବ୍ ଚର୍ଚ୍ଚା । ସାମନ୍ଥା ପୂର୍ବରୁ ନାଗାର୍ଜୁନଙ୍କ ପୁଅ ନାଗା ଚୈତନ୍ୟଙ୍କୁ ବିବାହ କରିଥିଲେ । ସେମାନଙ୍କ ବୈବାହିକ ଜୀବନ କେବଳ ୪ ବର୍ଷ ଯାଏଁ ତିଷ୍ଠି ଥିଲା । ୨୦୨୧ରେ ଦୁହେଁ ଛାଡପତ୍ର ନେଇଥିଲେ। ପରେ ସାମନ୍ଥା ରାଜଙ୍କ ନିର୍ଦ୍ଦେଶିତ ପ୍ରୋଜେକ୍ଟ ଦି ଫ୍ୟାମିଲି ମ୍ୟାନ୍ ଏବଂ ସିଟାଡେଲ୍: ହନି ବନିରେ ନଜର ଆସିଥିଲେ। ଏକାଠି କାମ ସମୟରେ ୨୦୨୪ରେ ରାଜ ଏବଂ ସାମନ୍ଥାଙ୍କ ସମ୍ପର୍କକୁ ନେଇ ଗୁଜବ ଆରମ୍ଭ ହୋଇଥିଲା। ଧୀରେ ଧୀରେ, ସାର୍ବଜନୀନ ସ୍ଥାନରେ ଉଭୟଙ୍କୁ ଏକାଠି ଦେଖିବାକୁ ମିଳିଲା। ଯାହା ଚର୍ଚ୍ଚା ଦ ଫ୍ୟାମିଲି ମ୍ୟାନ ଶୁଟିଂ ସମୟରେ ରାଜ୍ ଓ ସାମନ୍ଥା ନିକଟତର ହୋଇଥିଲେ। ଡିସେମ୍ବର 1 ଉଭୟଙ୍କ ଆରମ୍ଭ ଦ୍ୱିତୀୟ ଇନିଂସ।