‘ମହଙ୍ଗା ହେଲେ ବ୍ୟବହାର କମିବ...’, କଣ୍ଡୋମ ଉପରେ ଅଧିକ ଟିକସ ଲଗାଇବ ଏହି ଦେଶ, କାରଣ ଜାଣି ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ: ଚୀନ ଏକ ବଡ଼ ନିଷ୍ପତ୍ତି ନେଇ ୩୦ ବର୍ଷରେ ପ୍ରଥମ ଥର ପାଇଁ କଣ୍ଡୋମ ଓ ଅନ୍ୟ ଗର୍ଭନିରୋଧକ ସାମଗ୍ରୀ ଉପରେ ଟ୍ୟାକ୍ସ ଲଗାଇବାକୁ ଯାଉଛି । ଚୀନର ଏହି ନିଷ୍ପତ୍ତି ପଛରେ ଗୋଟିଏ ବଡ଼ କାରଣ ସାମନାକୁ ଆସିଛି । ଚୀନର ନୂଆ ଟ୍ୟାକ୍ସ ଅପଡେଟ୍ ଅନୁସାରେ, ଯେଉଁ ଉତ୍ପାଦଗୁଡ଼ିକୁ ୧୯୯୩ରୁ ରହାତି ଦିଆଯାଇଥିଲା, ତାହା ଉପରେ ଏବେ ୧୩ ପ୍ରତିଶତ ଟିକସ ଲାଗିବ ।

ଚୀନରେ ୩୦ ବର୍ଷ ପୂର୍ବେ କଣ୍ଡୋମ ଓ ଅନ୍ୟ ଗର୍ଭନିରୋଧକ ଜିନିଷ ଉପରେ ଟିକସ ରିହାତି ଦିଆଯାଇଥିଲା । ସେତେବେଳେ ଗୋଟିଏ ସନ୍ତାନ ନୀତି ଲାଗୁ କରିଥିଲା ଓ ଚୀନ ଜନ୍ମ ନିୟନ୍ତ୍ରଣକୁ ବ୍ୟାପକ ରୂପେ ପ୍ରୋତ୍ସାହିତ କରିବାକୁ ଚାହୁଁଥିଲା । କିନ୍ତୁ ଏବେ ଏହି ସାମଗ୍ରୀ ଉପରେ ଟ୍ୟାକ୍ସ ଲାଗୁ କରାଯାଇଛି, କାରଣ ଚୀନ ନିଜ ପରିବାର ନିୟୋଜନ ନୀତିକୁ ବଦଳାଉଛି । ଏହା ସହ ଇକୋନମି ବୁଷ୍ଟ ପାଇଁ ଟ୍ୟାକ୍ସ ବକେଟକୁ ବି ଅପଡେଟ୍ କରୁଛି ।

ଏହି ଟ୍ୟାକ୍ସ ପରିବର୍ତ୍ତନ ସହ ଚୀନ ପିଲାଙ୍କ ଦେଖାଶୁଣା ଓ ପରିବାର ସହ ଜଡ଼ିତ ସେବାକୁ ଭାଟ୍ ଫ୍ରି କରି ଦେଇଛି । ଏହି ଲିଷ୍ଟରେ ନର୍ସରୀ, କିଣ୍ଡରଗାର୍ଡନ, ବୟସ୍କଙ୍କ ଯନ୍ତ୍ର ନେଉଥିବା ସଂସ୍ଥା, ଦିବ୍ୟାଙ୍ଗଙ୍କ ସେବା କରୁଥିବା ଓ ବିବାହ ସହ ଜଡିତ ସେବା ସାମିଲ ଅଛି । ଏହି ଛାଡ ଜାନୁଆରୀରୁ ଲାଗୁ ହେବ । ଚୀନର ଏହି ପଦକ୍ଷେପ ଦର୍ଶାଉଛି ଦେଉଛି ଯେ ଦେଶ ଏବେ ଜନ୍ମହାର ବୃଦ୍ଧି ଉପରେ ଧ୍ୟାନ ଦେଉଛି । ପୂର୍ବରୁ ଏହା ଜନସଂଖ୍ୟା ହ୍ରାସ କରିବା ପାଇଁ ଗୋଟିଏ ସନ୍ତାନ ନୀତି ଆପଣାଇଥିଲା । ତେବେ ଦଶ ବର୍ଷ ପୂର୍ବରୁ ଏହା ଅବଧି ଶେଷ ହୋଇଯାଇଥିଲା । ଗତ ତିନି ବର୍ଷ ଧରି ଚୀନର ଜନସଂଖ୍ୟା ଲଗାତାର ହ୍ରାସ ପାଉଛି । ୨୦୨୪ ମସିହାରେ, କେବଳ ୯.୫୪ ନିୟୁତ ଜନ୍ମ ହୋଇଥିଲା ।

ଚୀନ୍ ବର୍ତ୍ତମାନ ଶିଶୁ ଯତ୍ନ ବିକଳ୍ପଗୁଡ଼ିକୁ ବିସ୍ତାର କରିଛି । ମାତୃତ୍ୱ ଏବଂ ପିତୃତ୍ୱ ଛୁଟିକୁ ବଢାଇଛି । ଗର୍ଭପାତକୁ ହ୍ରାସ କରିବା ପାଇଁ କଡ଼ା ନିର୍ଦ୍ଦେଶ ମଧ୍ୟ ଜାରି କରିଛି । ଚୀନ୍ ପାଇଁ ଚିନ୍ତାର ଏକ ପ୍ରମୁଖ କାରଣ ରହିଛି । ଗବେଷଣା ଅନୁଯାୟୀ ୧୮ ବର୍ଷ ବୟସ ପର୍ଯ୍ୟନ୍ତ ପିଲାଙ୍କ ଲାଳନପାଳନ ପାଇଁ ୫,୩୮,୦୦୦ ୟୁଆନରୁ ଅଧିକ ଖର୍ଚ୍ଚ ହୁଏ । ଚାକିରି ଅସ୍ଥିରତା, ଧୀର ଆର୍ଥିକ ଅଭିବୃଦ୍ଧି ଏବଂ ପରିବର୍ତ୍ତନଶୀଳ ସାମାଜ ଯୋଗୁଁ ଅନେକ ଯୁବକ ଯୁବତୀ ଜନ୍ମ କରିବାକୁ ଚାହୁଁନାହାନ୍ତି ।