ଜର୍ମାନୀରେ ଏକ ନୂତନ ପୋଲିଓ ଭାଇରସ ଚିହ୍ନଟ, ଜାଣନ୍ତୁ ଏହା କେତେ ଘାତକ ?

ନୂଆଦିଲ୍ଲୀ: ଜର୍ମାନୀର ହାମବର୍ଗର ପୋଲିଓ ଭାଇରସର ଜଙ୍ଗଲୀ ରୂପ ଚିହ୍ନଟ ହୋଇଛି । ଜର୍ମାନୀର ହୋଇଥିବା ବର୍ଜ୍ୟଜଳ ପରୀକ୍ଷଣରେ ଜଙ୍ଗଲୀ ପୋଲିଓ ଭାଇରସ ଟାଇପ-୧ (WPV1) ର ଉପସ୍ଥିତି ସ୍ପଷ୍ଟ ହୋଇଛି । ନଭେମ୍ବର ୧୦ରେ ଗ୍ଲୋବାଲ୍ ପୋଲିଓ ନିରାକରଣ ପଦକ୍ଷେପ (GPEI)କୁ ଏହା ବିଷୟରେ ସୂଚନା ଦିଆଯାଇଥିଲା ।

ତେବେ ବର୍ଜ୍ୟଜଳରେ ମିଳୁଥିବା ଏହି ଭାଇରସ ଚିନ୍ତାର କାରଣ ନୁହେଁ, କାରଣ ଜର୍ମାନୀରେ ଏପର୍ଯ୍ୟନ୍ତ ଏହା ଦ୍ୱାରା ପୀଡ଼ିତ ହେବାର କୌଣସି ମାମଲା ଚିହ୍ନଟ ହୋଇନାହିଁ । ବିଶ୍ୱ ସ୍ୱାସ୍ଥ୍ୟ ସଂଗଠନର ୱେବସାଇଟ୍ ଅନୁଯାୟୀ, WPV1 ଶେଷ ଥର ପାଇଁ ୨୦୨୫ ଅଗଷ୍ଟ ୨୪ରେ ଆଫଗାନିସ୍ତାନର କାନ୍ଦାହାରରେ ସଂଗୃହୀତ ନମୁନାରୁ ଚିହ୍ନଟ କରାଯାଇଥିଲା ।

ଜର୍ମାନୀରେ ଏହି ପୋଲିଓ ଭାଇରସ୍ ସଂକ୍ରମଣର ଶେଷ ମାମଲା ୩୦ ବର୍ଷ ପୂର୍ବେ ଚିହ୍ନଟ ହୋଇଥିଲା । ୨୦୨୧ରେ ଏହି ପ୍ରକାରର ନିୟମିତ ମନିଟରିଂ ଆରମ୍ଭ ହେବା ପରଠାରୁ ଏହା ପ୍ରଥମ ଥର ପାଇଁ ଦେଶରେ ନମୁନା ପରୀକ୍ଷାରୁ ଭାଇରସ୍ ଚିହ୍ନଟ ହୋଇଛି । ଭାଇରସ୍ ଚିହ୍ନଟ ହେବା ପରେ ହାମବର୍ଗ ଅଧିକାରୀ ଏହାକୁ ନିୟନ୍ତ୍ରଣ ପାଇଁ ଏକ ବିଶେଷଜ୍ଞ ଟାସ୍କ ଫୋର୍ସ ଗଠନ କରିଛନ୍ତି । ଏହି ଟାସ୍କ ଫୋର୍ସ ଦେଶର ପ୍ରମୁଖ ସାର୍ବଜନୀନ ସ୍ୱାସ୍ଥ୍ୟ ସଂସ୍ଥା ରବର୍ଟ କଚ୍ ଇନଷ୍ଟିଚ୍ୟୁଟ୍ (RKI) ସହିତ ସମନ୍ୱୟ ସ୍ଥାପନ କରିବ ଏବଂ ଭାଇରସ୍ ସହିତ ଜଡିତ ବିପଦଗୁଡ଼ିକର ଅଧ୍ୟୟନ କରିବ ।

ବିଶେଷଜ୍ଞମାନେ କହିଛନ୍ତି ଯେ ଜର୍ମାନୀରେ ପୋଲିଓ ଟୀକାକରଣ ବ୍ୟାପକ ହୋଇଥିବାରୁ ସଂକ୍ରମଣର ଆଶଙ୍କା ସୀମିତ । ପ୍ରଥମରୁ ଭାଇରସ ଚିହ୍ନଟ ଯୋଗୁ ଉପଯୁକ୍ତ ପଦକ୍ଷେପ ଶୀଘ୍ର କାର୍ଯ୍ୟକାରୀ କରିବାରେ ସହାୟକ ହେବ । ଏହି ଘଟଣା ପୋଲିଓ ମୁକ୍ତ ବିଶ୍ୱ ହାସଲ କରିବା ପାଇଁ ନିରନ୍ତର ଟୀକାକରଣ କଭରେଜ୍ ଏବଂ ଅନ୍ତର୍ଜାତୀୟ ସଂହତିର ଆବଶ୍ୟକତାକୁ ଗୁରୁତ୍ୱ ଦେଉଛି ।