ନୂଆଦିଲ୍ଲୀ: 'ଅପରେସନ୍ ସିନ୍ଦୂର' ସମ୍ପର୍କିତ ଏକ ରିପୋର୍ଟ ସହିତ ଜଡିତ ମାମଲାରେ 'ଦି ୱାୟାର'ର ସମ୍ପାଦକ ସିଦ୍ଧାର୍ଥ ଭରଦରାଜନଙ୍କୁ ଆଶ୍ୱସ୍ତି। ମଧ୍ୟବର୍ତ୍ତୀକାଳୀନ ସୁରକ୍ଷା ପ୍ରଦାନ କରିଛନ୍ତି ସୁପ୍ରିମକୋର୍ଟ। ଜଷ୍ଟିସ ସୂର୍ଯ୍ୟକାନ୍ତ ଏବଂ ଜୟମାଲ୍ୟ ବାଗଚିଙ୍କ ଖଣ୍ଡପୀଠ ଏହି ମାମଲାର ଶୁଣାଣି କରିଛନ୍ତି। ଭାରତୀୟ ନ୍ୟାୟ ସଂହିତା (BNS)ର ଧାରା ୧୫୨ର ବୈଧତା, ଦେଶଦ୍ରୋହ ଆଇନର ଦଣ୍ଡନୀୟ ବ୍ୟବସ୍ଥାକୁ ଚ୍ୟାଲେଞ୍ଜ କରି ଫାଉଣ୍ଡେସନ୍ ଫର ଇଣ୍ଡିପେଣ୍ଡେଣ୍ଟ ଜର୍ଣ୍ଣାଲିଜିମ୍ ଏବଂ ଭରଦରାଜନଙ୍କ ଦ୍ୱାରା ଦାୟର ଏକ ଆବେଦନର ଶୁଣାଣି କରିଛନ୍ତି ଖଣ୍ଡପୀଠ।
ଶୁଣାଣି ସମୟରେ, ଆବେଦନକାରୀଙ୍କ ପକ୍ଷରୁ ଉପସ୍ଥିତ ବରିଷ୍ଠ ଓକିଲ ନିତ୍ୟ ରାମକୃଷ୍ଣନ୍ ଯୁକ୍ତି ଥିଲା ଯେ ନୂଆ ବ୍ୟବସ୍ଥା ଅସ୍ପଷ୍ଟ ଏବଂ ବ୍ୟାପକ। ସେ ଜୋର ଦେଇ କହିଥିଲେ ଯେ ଏହା ଗଣମାଧ୍ୟମର ରିପୋର୍ଟ କରିବାର ଅଧିକାର ଉପରେ ନକରାତ୍ମକ ପ୍ରଭାବ ପକାଇପାରେ। ଏଥିରେ ଖଣ୍ଡପୀଠ କହିଥିଲେ ଯେ ଦଣ୍ଡନୀୟ ଆଇନର ଯେକୌଣସି ବ୍ୟବସ୍ଥାର ଅପବ୍ୟବହାର କରାଯାଇପାରିବ ଏବଂ ଅପବ୍ୟବହାରର ସମ୍ଭାବନା କ'ଣ କୌଣସି ଆଇନକୁ ଅସାମ୍ବିଧାନିକ ଘୋଷଣା କରିବାର କାରଣ ହୋଇପାରେ?
ସଲିସିଟର ଜେନେରାଲ ତୁଷାର ମେହଟାଙ୍କ ଯୁକ୍ତି ଗଣମାଧ୍ୟମ ବ୍ୟକ୍ତିମାନଙ୍କୁ ଏକ ପୃଥକ ଶ୍ରେଣୀ ଭାବରେ ବିବେଚନା କରାଯାଇପାରିବ ନାହିଁ। ଖଣ୍ଡପୀଠ କହିଛନ୍ତି ଯେ ଏକ ଖବରକାଗଜ ଦ୍ୱାରା ପ୍ରକାଶିତ ଏକ ଲେଖା ସହିତ ଜଡିତ ଅପରାଧ ପାଇଁ ‘ହେପାଜତ ଜେରା’ ଆବଶ୍ୟକ ନ ହୋଇପାରେ। ଖଣ୍ଡପୀଠ ସ୍ପଷ୍ଟ କରିଛନ୍ତି ଯେ ଏଗୁଡ଼ିକ ଏପରି ମାମଲା ଯେଉଁଥିରେ ହେପାଜତ ଜେରା ଆବଶ୍ୟକ ନୁହେଁ। କିନ୍ତୁ ଆବେଦନକାରୀଙ୍କ ଓକିଲ ଜୋର ଦେଇଛନ୍ତି ଯେ ଏକ ବ୍ୟବସ୍ଥାକୁ ଖାରଜ କରିବା ପାଇଁ ଅସ୍ପଷ୍ଟତାକୁ ଏକ କାରଣ ଭାବରେ ସ୍ୱୀକୃତି ଦିଆଯାଇଛି।
ଖଣ୍ଡପୀଠ କହିଛନ୍ତି, "ସାର୍ବଭୌମତ୍ୱକୁ ବିପଦରେ ପକାଇବା କାର୍ଯ୍ୟ କ'ଣ ହେବ ତାହା ପରିସଂଖ୍ୟାନଗତ ଭାବରେ କିପରି ବିଶ୍ଲେଷଣ କରାଯାଇପାରିବ। ଏନେଇ ଆବେଦନକାରୀଙ୍କ ଓକିଲ କହିଛନ୍ତି ଯେ ମାମଲା ହେଉଛି ପ୍ରେସ୍ର ସ୍ୱାଧୀନତାକୁ ଦମନ କରିବା ଏବଂ ଆଇନଗତ ପ୍ରକ୍ରିୟାର ଅପବ୍ୟବହାର କରିବାର ଏକ ପ୍ରୟାସ। ଶୁଣାଣି ପରେ, ଖଣ୍ଡପୀଠ କେନ୍ଦ୍ର ସରକାରଙ୍କୁ ନୋଟିସ୍ ଜାରି କରିଛନ୍ତି ଏବଂ ଏହି ମାମଲାକୁ ଅବସରପ୍ରାପ୍ତ ମେଜର ଜେନେରାଲ ଏସଜି ଭୋମ୍ବାଟକେରେଙ୍କ ଅନ୍ୟ ଏକ ଆବେଦନ ସହିତ ଯୋଡିଛନ୍ତି, ଯାହା BNSର ଧାରା-୧୫୨ର ବୈଧତାକୁ ଚ୍ୟାଲେଞ୍ଜ କରୁଛି।
ଗତ ସପ୍ତାହରେ, ସୁପ୍ରିମକୋର୍ଟ ଦେଶଦ୍ରୋହ ସହିତ ଜଡିତ ଭାରତୀୟ ନ୍ୟାୟ ସଂହିତାର ଧାରା 152ର ସାମ୍ବିଧାନିକ ବୈଧତା ଯାଞ୍ଚ କରିବାକୁ ରାଜି ହୋଇଥିଲେ। ତତ୍କାଳୀନ ମୁଖ୍ୟ ବିଚାରପତି ଏନଭି ରମଣାଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଖଣ୍ଡପୀଠ ଜୁଲାଇ ୨୦୨୨ରେ ଆଇପିସିର ଦେଶଦ୍ରୋହ ବ୍ୟବସ୍ଥା ଉପରେ ସ୍ଥଗିତ ରଖିଥିଲେ। କେନ୍ଦ୍ର ଏବଂ ରାଜ୍ୟଗୁଡ଼ିକୁ ଏପରି ଅପରାଧରେ ଆଉ କୌଣସି ଏଫଆଇଆର ପଞ୍ଜିକୃତ ନକରିବାକୁ ନିର୍ଦ୍ଦେଶ ଦେଇଥିଲେ।
