ମୁମ୍ଵାଇ ୧୧।୦୪: ୨୦୨୪ ଇଦ୍ ପାଇଁ ସଲମାନ ଖାନଙ୍କର କୌଣସି ଫିଲ୍ମର ରିଲିଜ୍ ହେବାର ନାହିଁ । ଏଥର ତାଙ୍କ ପ୍ରଶଂସକମାନେ ଅତ୍ୟନ୍ତ ନିରାଶ ହୋଇଛନ୍ତି। କିନ୍ତୁ ସଲମାନ ପ୍ରଶଂସକମାନଙ୍କୁ ଇଦ୍ ଭେଟି ଦେଇଛନ୍ତି। ହେଲେ ସେ ଚଳିତ ବର୍ଷ ପ୍ରେକ୍ଷାଳୟରେ ପ୍ରଶଂସକଙ୍କୁ ମନୋରଞ୍ଜନ କରିପାରିଲେ ନାହିଁ। କିନ୍ତୁ ଭାଇଜାନ ୨୦୨୫ର ଇଦ୍ ରିଲିଜକୁ ବୁକ୍ କରିଛନ୍ତି । ଅଭିନେତା ଆଗାମୀ ଇଦ୍ ରିଲିଜ୍ ଘୋଷଣା କରି ପ୍ରଶଂସକଙ୍କୁ ଖୁସି କରିଛନ୍ତି।
ଆସନ୍ତା ବର୍ଷ 'ସିକନ୍ଦର'
ସଲମାନ ଖାନ, ପ୍ରଖ୍ୟାତ ନିର୍ମାତା ସାଜିଦ ନାଦିଆୱାଲା ଏବଂ ଏ.ଆର ମୁର୍ଗଦାସ୍ଙ୍କ ସହ ମିଶି 'ସିକନ୍ଦର' ଆଣୁଛନ୍ତି । ନିର୍ମାତା ଇଦ୍ର ବିଶେଷ ଉତ୍ସବରେ ସଲମାନଙ୍କ ପରବର୍ତ୍ତୀ ଚଳଚ୍ଚିତ୍ରର ନାମ ଘୋଷଣା କରିଛନ୍ତି। ଚଳଚ୍ଚିତ୍ରର ଟାଇଟଲ୍ ହେଉଛି ସିକନ୍ଦର। ଏହି ଜବରଦସ୍ତ କୋଲାବରେଶନ ଖବର ସାମ୍ନାକୁ ଆସିବା ପରେ ପ୍ରଶଂସକଙ୍କ ଏକ୍ସସାଇମେଣ୍ଟ ଅଧିକ ହୋଇଯାଇଛି । ସିକନ୍ଦର ଫିଲ୍ମ ଏକ ସିନେମାଟିକ୍ ସ୍ପୋଟିକଲ ହେବାକୁ ଯାଉଛି।
ସଲମାନ ଦେଲେ ଗୁଡନ୍ୟୁଜ୍
ଫିଲ୍ମର ଟାଇଟଲ୍ ଘୋଷଣା କରି ସଲମାନ ଖାନ ଲେଖିଛନ୍ତି - ଏହି ଇଦ୍, ବଡେ ମିଆଁ ଛୋଟେ ମିଆଁ ଏବଂ ମଇଦାନ ଦେଖନ୍ତୁ ଏବଂ ପରବର୍ତ୍ତୀ ଇଦ୍ରେ ସିକନ୍ଦରଙ୍କୁ ଭେଟିବେ। ସମସ୍ତଙ୍କୁ ଇଦ୍ ମୁବାରକ। ରିପୋର୍ଟ ଅନୁଯାୟୀ, ସିକନ୍ଦର ଫିଲ୍ମ ଆକ୍ସନ୍ ସହିତ ପରିପୂର୍ଣ୍ଣ ହେବ। ଏଥିରେ ପାୱାରଫୁଲ୍ ସୋସିଆଲ ମେସେଜ୍ ଦିଆଯିବ।
ସଲମାନଙ୍କୁ ଦୀର୍ଘ ସମୟ ଧରି ସୁପରହିଟ୍ ଚଳଚ୍ଚିତ୍ର ମିଳିନାହିଁ । ସଲମାନଙ୍କ ଶେଷ ରିଲିଜ୍ ଫିଲ୍ମ ଥିଲା ଟାଇଗର। ଏହା ଦର୍ଶକଙ୍କ ଠାରୁ ଅଧିକ ପ୍ରତିକ୍ରିୟା ମିଳି ନଥିଲା। ସିକନ୍ଦରଙ୍କ ବ୍ୟତୀତ ତାଙ୍କ କିକ୍ ୨ ଅଛି। ଅଭିନେତାଙ୍କ ଆଗାମୀ ଚଳଚ୍ଚିତ୍ରରୁ ପ୍ରଶଂସକମାନେ ବହୁତ ଆଶା କରନିଛନ୍ତି । ଦେଖିବାକୁ ବାକି ରହିଲା କେଉଁ ଫିଲ୍ମ ସଲମାନଙ୍କୁ ବକ୍ସ ଅଫିସରେ ବିପୁଳ ରୋଜଗାର ଦେବ।
