ମୁମ୍ଵାଇ ୦୮।୦୫; ଏପ୍ରିଲ ୨୨ରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ଜବାବ ଦିଆଯାଇଛି । ‘ଅପରେସନ୍ ସିନ୍ଦୂର’ ପାକିସ୍ତାନ ଥରହର ହୋଇଯାଇଛି । ଏହା ଭାରତ ଏବଂ ପାକିସ୍ତାନ ମଧ୍ୟରେ ଦୀର୍ଘକାଳୀନ ସାମରିକ ଉତ୍ତେଜନାର ଆଉ ଏକ ଅଧ୍ୟାୟ । ବର୍ତ୍ତମାନ ‘ଅପରେସନ୍ ସିନ୍ଦୂର’ ନାମରେ କରାଯାଇଥିବା ଏହି ଅପରେସନ୍ ଉପରେ ପ୍ରତିକ୍ରିୟା ଦେଇଛନ୍ତି ଭାରତର ମହାନ କ୍ରିକେଟର ସଚିନ୍ ତେନ୍ଦୁଲକର । ପୋଷ୍ଟଟି ସେୟାର କରି ସଚିନ ଭାରତୀୟ ସେନା ପ୍ରତି ଗର୍ବ ପ୍ରକାଶ କରିଛନ୍ତି ।
Fearless in unity. Boundless in strength. India’s shield is her people. There’s no room for terrorism in this world. We’re ONE TEAM!
— Sachin Tendulkar (@sachin_rt) May 7, 2025
Jai Hind 🇮🇳#OperationSindoor
ସଚିନ ତେନ୍ଦୁଲକର ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଲେଖିଛନ୍ତି, “ଏକତାରେ ନିର୍ଭୟତା ଶକ୍ତି ଅସୀମ । ଭାରତର ଢାଲ ହେଉଛି ଏହାର ଲୋକମାନେ । ଆମେ ସଭିଏଁ ଏକାଠି ଅଛୁ … ଏହି ବିଶ୍ୱରେ ଆତଙ୍କବାଦର କୌଣସି ସ୍ଥାନ ନାହିଁ । ।” ଗୌତମ ଗମ୍ଭୀର ମଧ୍ୟ କହିଛନ୍ତି ଯେ “ଏବେ ଭାରତ ଏବଂ ପାକିସ୍ତାନ ମଧ୍ୟରେ କୌଣସି ମ୍ୟାଚ୍ ହୋଇପାରିବ ନାହିଁ ।
ମଙ୍ଗଳବାର ବିଳମ୍ବିତ ରାତିରେ ଭାରତୀୟ ସଶସ୍ତ୍ର ବାହିନୀ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀର (ପିଓକେ)ରେ ନଅଟି ଆତଙ୍କବାଦୀ ସ୍ଥାନକୁ ଟାର୍ଗେଟ୍ କରିଥିଲେ । ଯେଉଁଥିରେ ଜୈଶ-ଏ-ମହମ୍ମଦ ଆତଙ୍କବାଦୀ ଗୋଷ୍ଠୀର ପ୍ରମୁଖ ଗଡ଼ ବାହାବଲପୁର ମଧ୍ୟ ସାମିଲ ।
