ମୁମ୍ବାଇ: ପ୍ରଧାନମନ୍ତ୍ରୀ ହେବା ପୂର୍ବରୁ ଦିନେ ନରେନ୍ଦ୍ର ମୋଦୀ ଭାରତୀୟ ମୁଦ୍ରାର ଅଧୋଗତିକୁ ନେଇ କଂଗ୍ରେସ ସରକାର ଊପରେ ବର୍ଷିଥିଲେ। ମୋଦୀ କହିଥିଲେ ମୁଁ ସରକାରର ଅଛି ମୁଁ ଜାଣିଛି ଯେ ମୁଦ୍ରା ଏମିତି ତଳକୁ ଖସେ ନାହିଁ। ହେଲେ ମୋଦୀଙ୍କ ୧୦ ବର୍ଷ ଶାସନ କାଳରେ ଭାରତୀୟ ମୁଦ୍ରାର ମୂଲ୍ୟ ଆମେରିକୀୟ ଡଲାର ତୁଳନାରେ ପାଖାପାଖି ୨୧ ଟଙ୍କାରୁ ଅଧିକ ହ୍ରାସ ପାଇଛି। ହେଲେ ଅର୍ଥମନ୍ତ୍ରୀ କହୁଛନ୍ତି ଡଲାର ମଜଭୁତ ଯୋଗୁ ଏପରି ହେଉଛି।
ମଙ୍ଗଳବାର ଭାରତୀୟ ରୁପୀ ସାମାନ୍ୟ ହ୍ରାସ ହେବା ସହ ରେକର୍ଡ ନିମ୍ନସ୍ତରକୁ ଖସି ଯାଇଛି। ଅନ୍ୟ ଏସିଆ ମୁଦ୍ରାର ଦୁର୍ବଳ ହେବା ଚାପରେ ଭାରତୀୟ ମୁଦ୍ରା ହ୍ରାସ ପାଇଛି। ସେଣ୍ଟ୍ରାଲ ବ୍ୟାଙ୍କର ଲେଟ୍ ଟ୍ରେଡିଂରେ ମଝିରେ ମଝିରେ ଡଲାର ସେଲିଂ ସତ୍ତ୍ୱେ ବି ଏଭଳି ହୋଇଛି। ତେବେ ଡଲାର ସେଲିଂ ଯୋଗୁ କାରବାର ଶେଷୟରେ ରୁପୀ ନିମ୍ନଗତିକୁ ରୋକିବାର ସଫଳ ହୋଇଥିଲା ବୋଲି ଟ୍ରେଡର୍ସ କହିଛନ୍ତି। ମଙ୍ଗଳବାର କାରବାର ଶେଷ ସୁଦ୍ଧା ଭାରତୀୟ ମୁଦ୍ରା ଆମେରିକୀୟ ଡଲାର ତୁଳନାରେ ୮୩.୫୬୫୦ରେ ବନ୍ଦ ହୋଇଥିଲା। ଯାହା ଗତ କାରବାରରେ ୮୩.୫୦୫୦ରୁ ୧ ପ୍ରତିଶତ କମ୍।
ଏହା ପୂର୍ବରୁ ଏପ୍ରିଲ୍ରେ ଭାରତୀୟ ମୁଦ୍ରା ସର୍ବକାଳନୀ ନିମ୍ନସ୍ଥରକୁ ୮୩.୫୭.୫୦କୁ ଖସିଯାଇଥିଲା। ବର୍ତ୍ତମାନ ଭାରତୀୟ ମୁଦ୍ରାର ସ୍ଥିତି ଏପ୍ରିଲ୍ ଭଳି ହେବାକୁ ଯାଉଥିବା ବେଳେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ହସ୍ତକ୍ଷେପ ଯୋଗୁ ହ୍ରାସକୁ ରୋକି ହେଉଛି ବୋଲି ଟ୍ରେଡରମାନେ କହିଛନ୍ତି।
ମଙ୍ଗଳବାର ଏକାଧିକ ଏସିଆ ଦେଶର ମୁଦ୍ରା ମୂଲ୍ୟରେ ହ୍ରାସ ହୋଇଥିଲା। କୋରିଆନ ମୁଦ୍ରା ଓନ ୦୨ ପ୍ରତିଶଥ ଡାଉନ୍ ହୋଇଥିଲା। ଅନ୍ୟପଟେ ଡଲାର ସୂଚକାଙ୍କ ସାମାନ୍ୟ ବଢ଼ି ୧୦୫.୨ ହୋଇଛି।
