ବେଙ୍ଗାଲୁରୁ: ହୋମ୍ ଗ୍ରାଉଣ୍ଡରେ ବେଙ୍ଗାଲୁରୁର ବ୍ୟାଟିଂ ବିସ୍ଫୋରଣ । ବିରାଟ, ବେଥେଲ୍ ଓ ସେଫର୍ଡ ଖେଳିଲେ ଦୁର୍ଦ୍ଦଶ ଇନିଂସ । କୋହଲି ୬୨ ରନ୍ ଓ ଜ୍ୟାକବ ବେଥେଲ ୫୫ ରନ୍ର ଅର୍ଦ୍ଧଶତକୀୟ ପାଳି ଖେଳିଛନ୍ତି । ଶେଷରେ ରୋମାରିଓ ସେଫର୍ଡ ଇନିଂସକୁ ଫିନିସ୍ କରିଥିଲେ । ସେ ମାତ୍ର ୧୪ଟି ବଲରେ ୫୩ ରନର ଇନିଂସ ଖେଳି ଚେନ୍ନାଇ ସୁପର କଙ୍ଗ୍ସକୁ ୨୧୪ ରନର ଟାର୍ଗେଟ୍ ଦେଇଛନ୍ତି । ସିଏସକେ ପକ୍ଷରୁ ମଥିସା ପଥିରନା ସର୍ବାଧିକ ୩ଟି ଓ୍ବିକେଟ୍ ନେଇଛନ୍ତି ।
ଆଇପିଏଲର ୫୨ତମ ମ୍ୟାଚ୍ ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯାଉଛି । ଶନିବାର ମୁହାଁମୁହିଁ ହୋଇଛନ୍ତି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଓ ଚେନ୍ନାଇ ସୁପର କିଙ୍ଗ୍ସ । ପ୍ରଥମେ ବ୍ୟାଟିଂ କରି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୨୦ ଓଭରରେ ପାଞ୍ଚ ୱିକେଟ୍ ହରାଇ ୨୧୩ ରନ୍ କରିଛି । ଜାକବ ବେଥେଲ ଓ ବିରାଟ କୋହଲି ପାଳି ଆରମ୍ଭ କରିଥିଲେ । ପ୍ରଥମ ୱିକେଟ ପାଇଁ ଦୁହିଁଙ୍କ ମଧ୍ୟରେ ୯୭ ରନର ଭାଗୀଦାରି ହୋଇଥିଲା । ଜାକବ ୩୩ ବଲ୍ରେ ୫୫ ରନ୍ କରି ଆଉଟ୍ ହୋଇଥିଲେ। ପରେ ବିରାଟ କୋହଲି ୩୩ ବଲ୍ରେ ୬୨ ରନ୍ କରିଥିଲେ । ଏଥିରେ ୫ଟି ଚୌକା ଓ ୫ ଛକା ରହିଛି । ଏହାପରେ ଦେବଦତ୍ତ ପାଡିକାଲଙ୍କୁ ପାଥିରାଣା ପାଭିଲିୟନ ପଠାଇଥିଲେ। ସେ ୧୫ ବଲ୍ରେ ୧୭ ରନ୍ କରିଥିଲେ। ଜିତେଶ ଶର୍ମା ୭ ରନ୍ କରି ଆଉଟ୍ ହୋଇଥିଲେ । ଅଧିନାୟକ ରଜତ୍ ପାଟିଦାର ୧୫ ବଲ୍ ରେ ୧୧ ରନ୍ କରି ପଥିରନାଙ୍କ ଶିକାର ହୋଇଥିଲେ ଶେଷରେ ରୋମାରିଓ ସେଫର୍ଡ ୧୪ ବଲ୍ରେ ୫୩ ରନ୍ର ଅପରାଜିତ ଇନିଂସ ଖେଳିଥିଲେ। ସେ ୬ଟି ଛକା ଓ ୪ଟି ଚୌକା ମାରିଥିଲେ।
