RCB ନା ଆପିଏଲ୍ ଛାଡ଼ିବେ ବିରାଟ କୋହିଲ ? କନଟ୍ରାକ୍ଟ ରିନ୍ୟୁ ଉପରେ କାହିଁକି ଏତେ ଆଲୋଚନା

ନୂଆଦିଲ୍ଲୀ: ଟିମ୍ ଇଣ୍ଡିଆର ଷ୍ଟାର୍ ବ୍ୟାଟର ବିରାଟ କୋହଲିଙ୍କ କ୍ରିକେଟ୍ ଭବିଷ୍ୟତକୁ କଳ୍ପନାଜଳ୍ପନା ଜାରି ରହିଛି । କୋହଲି ବିଶ୍ୱକପ୍ ୨୦୨୭ ଖେଳିବେ ନାଁ ନାହିଁ ତାକୁ ନେଇ ମଧ୍ୟ ଅଲଗା ଅଲଗା ତର୍କ ଦିଆଯାଉଛି । ଏସବୁ ଭିତରେ ତାଙ୍କର ଆଇପିଏଲ୍ କ୍ୟାରିୟରକୁ ନେଇ ହଠାତ୍ ଆଲୋଚନା ବଢିଯାଇଛି । ଆଉ ଏହା ପଛର କାରଣ ହେଉଛି ଏକ କନଟ୍ରାକ୍ଟ । ଏକ ରିପୋର୍ଟ ଅନୁସାରେ କୋହଲି ଆଇପିଏଲ୍ ୨୦୨୬ ପୂର୍ବରୁ ନିଜ ଫ୍ରାଞ୍ଚଇଜି ଆରସିବି ସହ ଜଡ଼ିତ ଏକ କନଟ୍ରାକ୍ଟ ସାଇନ୍ କରିବାକୁ ମନା କରି ଦେଇଛନ୍ତି । ଏହି କାରଣରୁ କୋହଲିଙ୍କ ଆଇପିଏଲ୍ ରିଟାୟରମେଣ୍ଟ କଥା ନିଆଁ ପରି ବ୍ୟାପିବାରେ ଲାଗିଛି । ତେବେ ଏଥିରେ କେତେ ସତ୍ୟତା ରହିଛି ।

RevSportz ରିପୋର୍ଟର ରୋହିତ ଜୁଗଲାନ ଏକ ଭିଡିଓରେ ଦାବି କରିଥିଲେ ଯେ ଆଇପିଏଲ୍ ନୂଆ ସିଜିନ୍ ପୂର୍ବରୁ ବିରାଟ କୋହଲି ଏକ କମର୍ସିଆଲ୍ କନଟ୍ରାକ୍ଟ ରିନ୍ୟୁ କରିବାର ଥିଲା । ତେବେ ଏହି କନଟ୍ରାକ୍ଟ ତାଙ୍କର ଆଇପିଏଲ୍ ଖେଳିବା ସହିତ ଜଡିତ ନୁହେଁ, ବରଂ ତାଙ୍କ ଫ୍ରାଞ୍ଚାଇଜ୍ ଆରସିବି ସହିତ ଜଡିତ ରହିଛି । ଯଦି ବିରାଟ ଏହାକୁ ଆଗକୁ ନବଢାଇବା ପାଇଁ ନିଷ୍ପତ୍ତି ନିଅନ୍ତି, ତେବେ ଏହା ନିଶ୍ଚିତ ଭାବରେ ତାଙ୍କର ଭବିଷ୍ୟତ ଆଇପିଏଲ୍ ଖେଳିବା ଉପରେ ନାଁ ନାଁ ପ୍ରଶ୍ନ ସୃଷ୍ଟି କରିବାର ଥିଲା, ଏବଂ ଠିକ୍ ସେୟା ଘଟିଲା ।

ଟିମ୍ ଇଣ୍ଡିଆର ଷ୍ଟାର ବ୍ୟାଟର ବିରାଟ କୋହଲିଙ୍କ କ୍ରିକେଟ୍ ଭବିଷ୍ୟତକୁ ନେଇ କଳ୍ପନାଜଳ୍ପନା, ଗୁଜବ ଏବଂ ବିତର୍କ ଚାଲିଛି । କୋହଲି ୨୦୨୭ ବିଶ୍ୱକପ୍ ଖେଳିବେ କି ନାହିଁ ସେ ବିଷୟରେ ବିଭିନ୍ନ କଥା କୁହାଯାଉଛି । ଏସବୁ ମଧ୍ୟରେ, ତାଙ୍କ ଆଇପିଏଲ୍ କ୍ୟାରିୟରକୁ ନେଇ ହଠାତ୍ ଗୁଜବ ଉଠିଛି, ଏବଂ ଏହାର କାରଣ ହେଉଛି ଏକ ଚୁକ୍ତି। ଏକ ରିପୋର୍ଟରେ କୁହାଯାଇଛି ଯେ କୋହଲି ଆଇପିଏଲ୍ ୨୦୨୬ ପୂର୍ବରୁ ତାଙ୍କ ଫ୍ରାଞ୍ଚାଇଜ୍ ଆରସିବି ସହିତ ଚୁକ୍ତି ସ୍ୱାକ୍ଷର କରିବାକୁ ମନା କରିଦେଇଥିଲେ । ଏହା IPLରୁ ତାଙ୍କର ଅବସର ନେଇ ଗୁଜବ ସୃଷ୍ଟି କରିଛି । କିନ୍ତୁ ଏହାର ପ୍ରକୃତ ଅର୍ଥ କ’ଣ?

ଚୁକ୍ତି ସ୍ୱାକ୍ଷର ନକରିବାର ଅର୍ଥ କ’ଣ କୋହଲି ଆରସିବି ସହିତ ତାଙ୍କର ସମ୍ପର୍କ ଶେଷ କରୁଛନ୍ତି ? ନା କୋହଲି ଆଇପିଏଲରୁ ଅବସର ନେଉଛନ୍ତି ? ବର୍ତ୍ତମାନ ପାଇଁ, କେବଳ ବିରାଟ କୋହଲି ଏହି ଦୁଇଟି ପ୍ରଶ୍ନର ଉତ୍ତର ଜାଣନ୍ତି । କିନ୍ତୁ ଏହି ଚୁକ୍ତିକୁ ନେଇ ଥିବା ଭୁଲ ବୁଝାମଣାକୁ ବୁଝିବାର ଆବଶ୍ୟକ ରହିଛି । ପୂର୍ବତନ କ୍ରିକେଟର ଆକାଶ ଚୋପ୍ରା ଏହାକୁ ପ୍ରାଞ୍ଜଳ ଭାବରେ ବୁଝାଇଛନ୍ତି ।

ଆକାଶ ଚୋପ୍ରା ତାଙ୍କ ୟୁଟ୍ୟୁବ ଚ୍ୟାନେଲରେ ଏକ ଭିଡିଓ ପୋଷ୍ଟ କରି ଏହା ଉପରେ ଆଲୋଚନା କରିଛନ୍ତି । ସେ ସ୍ପଷ୍ଟ କରିଛନ୍ତି ଯେ କେବଳ କନଟ୍ରାକ୍ଟ ରିନ୍ୟୁ ନକରିବା ଅର୍ଥ ନୁହେଁ ଯେ କୋହଲି ଆଇପିଏଲରେ ଖେଳିବେ ନାହିଁ । ଏହି ଚୁକ୍ତି ଜଣେ ଖେଳାଳିଙ୍କ ଖେଳ ଚୁକ୍ତିଠାରୁ ଭିନ୍ନ । ସେ କହିଛନ୍ତି ଯେ ଏହା ଭିନ୍ନ ଚୁକ୍ତି ହୋଇପାରେ, ଯାହାକୁ କୋହଲି ବଢାଇବାକୁ ଚାହାନ୍ତି ନାହିଁ । ଆକାଶ କହିଛନ୍ତି ଯେ କୋହଲିଙ୍କ ବାରମ୍ବାର ପ୍ରତିଶ୍ରୁତି ଦେଇସାରିଛନ୍ତି ସେ ଆଇପିଏଲରେ ଖେଳିବା ପର୍ଯ୍ୟନ୍ତ କେବଳ ଆରସିବି ପାଇଁ ଖେଳିବେ । ତେଣୁ କୋହଲି ଅନ୍ୟ ଫ୍ରାଞ୍ଚାଇଜିରେ ଯୋଗଦେବାର କୌଣସି ପ୍ରଶ୍ନ ଉଠୁନାହିଁ ।

What do the Virat Kohli reports suggest? Does it mean he won’t play for RCB? Or is he retiring from the IPL?

Let’s cut through the headlines to try and lay out the situation in today’s #AakashVani: https://t.co/z9nge0lMk6 pic.twitter.com/9u70DizUUq

— Aakash Chopra (@cricketaakash) October 12, 2025

ସୂଚନାଯୋଗ୍ୟ ଆରସିବି ଜର୍ସିଗୁଡ଼ିକ Puma ଦ୍ୱାରା ପ୍ରସ୍ତୁତ କରାଯାଏ । କିଛି ମାସ ପୂର୍ବ ପର୍ଯ୍ୟନ୍ତ କୋହଲି ଏହି କମ୍ପାନିର ବ୍ରାଣ୍ଡ ଆମ୍ବାସାଡର ଥିଲେ । ତେଣୁ, ସେ ଫ୍ରାଞ୍ଚାଇଜ୍ ସହିତ କମ୍ପାନିର ବିଜ୍ଞାପନରେ ଅଂଶଗ୍ରହଣ କରିଥିଲେ । କିନ୍ତୁ ବର୍ତ୍ତମାନ ସେ ଅନ୍ୟ ଏକ କମ୍ପାନିରେ ଯୋଗ ଦେଇଛନ୍ତି । କିନ୍ତୁ ଆରସିବିର ଚୁକ୍ତି ଏବେ ବି Puma ସହିତ ଅଛି । ଏପରି ପରିସ୍ଥିତିରେ, କୋହଲି ଏହି କମ୍ପାନି ସହିତ ତାଙ୍କର କନଟ୍ରାକ୍ଟ ରିନ୍ୟୁ କରିବାକୁ ମନା କରିପାରନ୍ତି । ତାଙ୍କର ଭବିଷ୍ୟତର ଆଇପିଏଲ୍ ଖେଳିବା ସହିତ ଏହାର କୌଣସି ସମ୍ପର୍କ ନାହିଁ ।