ଭୁବନେଶ୍ବର ୨୯।୭: ଭିଜିଲାନ୍ସ ହାବୁଡ଼ରେ ପଡ଼ିଛନ୍ତି R&B ଡିଭିଜନ୍ ସହକାରୀ ଯନ୍ତ୍ରୀ । ଭୁବନେଶ୍ବର R&B ଡିଭିଜନ୍ ୩ର ସହକାରୀ ଯନ୍ତ୍ରୀ ରାଜକିଶୋର ଜେନାଙ୍କ ଘରେ ଚାଲିଛି ଚଢ଼ାଉ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରେଡ୍ କରୁଛି ଭିଜିଲାନ୍ସ ଟିମ୍ । ସଂପୃକ୍ତ ଯନ୍ତ୍ରୀଙ୍କ ଘର ସମେତ ଏକକାଳୀନ ୧୦ଟି ସ୍ଥାନରେ ଭିଜିଲାନ୍ସ ଟିମ୍ ଚଢ଼ାଉ ଜାରି ରଖିଥିବା ଜଣାପଡିଛି । ଭୁବନେଶ୍ବରରେ ୮ଟି ସ୍ଥାନରେ ଭିଜିଲାନ୍ସ ଟିମ୍ ଛାନଭିନ୍ ଜାରି ରହିଛି । ସେହିଭଳି ନୟାଗଡ଼ର ୨ଟି ସ୍ଥାନ, ପୈତୃକ ଗାଁ ଓ ଶ୍ବଶୁର ଘରେ ରେଡ୍ ଚାଲିଛି । ଚଢାଉ ବେଳେ ତାଙ୍କ ଘରୁ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ପାଇଛି ଭିଜିଲାନ୍ସ ।
ସହକାରୀ ଯନ୍ତ୍ରୀଙ୍କ ସମ୍ପତ୍ତି ତାଲିକାରେ ରହିଛି ଗୋଟିଏ ବହୁତଳ କୋଠା, ୨ଟି ଫ୍ଲାଟ୍, ଭୁବନେଶ୍ବରରେ ୨ଟି କମର୍ସିଆଲ୍ ଆଉଟଲେଟ୍, ୧୩ଟି ମୂଲ୍ୟବାନ ପ୍ଲଟ୍ । ଭୁବନେଶ୍ବର ନୀଳାଦ୍ରି ବିହାରରେ ଗୋଟିଏ ୩ ମହଲା ଘର, ଭୁବନେଶ୍ବର କସମୋପଲିସରେ ୨ଟି ଫ୍ଲାଟ୍, ଭୁବନେଶ୍ବର ଉତ୍କଳ ଗ୍ୟାଲେରିଆ ମଲ୍ରେ ଗୋଟିଏ ସୋ'ରୁମ୍, ଭୁବନେଶ୍ବର ସିିମ୍ଫୋନି ମଲ୍ରେ ଗୋଟିଏ ଆଉଟ୍ଲେଟ୍ ଠାବ କରିଛି ଭିଜିଲାନ୍ସ । ୧୩ଟି ମୂଲ୍ୟବାନ ପ୍ଲଟ୍ ମଧ୍ୟରେ ଭୁବନେଶ୍ବରରେ ୯ଟି, ଖୋର୍ଦ୍ଧାରେ ଗୋଟିଏ, ନୟାଗଡରେ ୩ଟି ରହିଛି ।
ତେବେ ଏହି ଚଢାଉରେ ଭିଜିଲାନ୍ସ ବିଭାଗର ୭ ଜଣ ଡିଏସପି, ୫ ଜଣ ଇନ୍ସପେକ୍ଟର, ୧୧ ଜଣ ଏଏସଆଇଙ୍କ ସହ ଅନ୍ୟ ସହାୟକ କର୍ମଚାରୀ ସାମିଲ ହୋଇଥିବା ଜଣାପଡିଛି । ଏ ନେଇ ଭିଜିଲାନ୍ସ ପକ୍ଷରୁ ଅଧିକ ଖୋଳତାଡ଼ ଜାରି ରହିଛି ।
You Can Read:
ଭିଆଇପି ଦର୍ଶନ ଆଳରେ ଲୁଟୁଛି ହରି ଓମ୍ ଆପ ! ମହାପ୍ରସାଦ କହି ଧରାଇଦେଉଛି ଭାତ, ଡାଲି
