ମୁମ୍ଵାଇ ୨୨।୦୪: ମନୋରଞ୍ଜନ ଶିଳ୍ପରୁ ବର୍ତ୍ତମାନ ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି। ଜଣେ ପ୍ରସିଦ୍ଧ କଳାକାରଙ୍କର ଦେହାନ୍ତ ହୋଇଛି। ଜଣେ ରାପର୍ ବହୁତ କମ ବୟସରେ ଏହି ଦୁନିଆକୁ ବିଦାୟ ଦେଇଥିଲେ । କାଲିଫର୍ନିଆର ପ୍ରସିଦ୍ଧ ରାପର୍ କ୍ରିସ୍ କିଙ୍ଗ ଆମ ସହିତ ଆଉ ନାହାଁନ୍ତି । ଏହି ଖବର ଶୁଣିବା ମାତ୍ରେ ପ୍ରଶଂସକଙ୍କ ହୃଦୟ ଭାଙ୍ଗି ଦେଇଛି।
କ୍ରିସ୍ କିଙ୍ଗଙ୍କ ମୃତ୍ୟୁ ସଙ୍ଗୀତ ଶିଳ୍ପକୁ ସ୍ତବ୍ଧ କରିଛି। ସର୍ବପ୍ରଥମେ, ରାପର କ୍ରିସ୍ କିଙ୍ଗଙ୍କ ସର୍ବୋତ୍ତମ ବନ୍ଧୁ ଏକ ପୋଷ୍ଟ ସେୟାର କରି ପ୍ରଶଂସକମାନଙ୍କୁ ଜଣାଇଲେ ଯେ କ୍ରିସ୍ କିଙ୍ଗ ଆଉ ଆମ ମଧ୍ୟରେ ନାହାଁନ୍ତି । ଏହି ପୋଷ୍ଟ ସାମ୍ନାକୁ ଆସିବା ପରେ ଖୁବ୍ ଭାଇରାଲ ହୋଇଥିଲା । ଜଷ୍ଟିନ ବିବର ମଧ୍ୟ ତାଙ୍କ ରାପର ବନ୍ଧୁଙ୍କୁ ଏକ ବିଶେଷ ଢଙ୍ଗରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ଗାୟକ ତାଙ୍କ ଏବଂ କ୍ରିସ୍ କିଙ୍ଗଙ୍କ ସାକ୍ଷାତର ଏକ ଭିଡିଓ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି। ଏଥିରେ ଦୁହେଁ ପରସ୍ପରକୁ ଆଲିଙ୍ଗନ କରୁଥିବା ଦେଖିବାକୁ ମିଳିଛି । ଏହାକୁ ମନେ ପକାଇ ଜଷ୍ଟିନ ଏକ ଭାବପ୍ରବଣ ନୋଟ୍ ମଧ୍ୟ ଲେଖିଛନ୍ତି । ଜଷ୍ଟିନଙ୍କ ଏହି ପୋଷ୍ଟ ଦେଖିବା ପରେ ସମସ୍ତ ପ୍ରଶଂସକମାନେ ଭାବପ୍ରବଣ ହେଉଛନ୍ତି।
କ୍ରିସ୍ କିଙ୍ଗଙ୍କ ମୃତ୍ୟୁ କିପରି ହେଲା ତାହାର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡି ନାହିଁ । କିନ୍ତୁ ବୁଲେଟ୍ ଆଘାତ ଅର୍ଥାତ୍ ଗୁଳି ବିନିମୟ ହେତୁ ତାଙ୍କର ମୃତ୍ୟୁ ହୋଇଥିବା ନେଇ କୁହାଯାଉଛି। ତେବେ ଏହି ଖବର ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। କିନ୍ତୁ ଏହି ଖବର ଶୁଣି ପ୍ରଶଂସକମାନଙ୍କ ହୃଦୟ ଭାଙ୍ଗିଯାଇଛି ଏବଂ ତାଙ୍କ ଆତ୍ମାର ଶାନ୍ତି ପାଇଁ ପ୍ରାର୍ଥନା କରୁଛନ୍ତି ଏବଂ ସୋସିଆଲ ମିଡିଆରେ ରାପରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି।
