ଅପରେସନ ସିନ୍ଦୂର ପରେ ,ଗୁରୁ ନାନକ ଜୟନ୍ତୀ ପାଇଁ ୨ହଜାରରୁ ଅଧିକ ଭାରତୀୟ ଶିଖ୍‌ ତୀର୍ଥଯାତ୍ରୀଙ୍କୁ ଭିସା ଦେଲା ପାକିସ୍ତାନ

ନୂଆଦିଲ୍ଲୀ – ପାକିସ୍ତାନ ଶିଖ ଧର୍ମର ପ୍ରତିଷ୍ଠାତା ଗୁରୁ ନାନକ ଦେବଙ୍କ ଆଗାମୀ ଜନ୍ମବାର୍ଷିକୀ ପାଳନ ପାଇଁ ୨,୧୦୦ ରୁ ଅଧିକ ଭାରତୀୟ ଶିଖ ତୀର୍ଥଯାତ୍ରୀଙ୍କୁ ଭିସା ପ୍ରଦାନ କରିଛି। ପହଲଗାମ ଆତଙ୍କବାଦୀ ଆକ୍ରମଣ ଏବଂ ଏହାପରେ ମେ’ ମାସରେ ଭାରତ ଦ୍ୱାରା ଚଲାଯାଇ ଥିବା ଆତଙ୍କବାଦ-ବିରୋଧୀ ଅପରେସନ ସିନ୍ଦୂର ପରେ ଏହା ପ୍ରଥମ ବଡ଼ ସୀମାପାର ଯାତ୍ରା।

ରିପୋର୍ଟ ଅନୁସାରେ, ନୂଆଦିଲ୍ଲୀ ସ୍ଥିତ ପାକିସ୍ତାନ ହାଇକମିଶନ ଭିସାଗୁଡ଼ିକୁ ସ୍ପଷ୍ଟ କରି କହିଛି ଯେ, ତୀର୍ଥଯାତ୍ରୀମାନେ ନଭେମ୍ବର ୪ ରୁ ୧୩ ତାରିଖ ପର୍ଯ୍ୟନ୍ତ ଅନୁଷ୍ଠିତ ଗୁରୁପର୍ବ ଉତ୍ସବରେ ଅଂଶଗ୍ରହଣ କରିବେ। ଭାରତ-ପାକିସ୍ତାନ ସୀମାର ପ୍ରାୟ ୮୫ କିଲୋମିଟର ପଶ୍ଚିମରେ ଅବସ୍ଥିତ ଗୁରୁ ନାନକଙ୍କ ଜନ୍ମସ୍ଥାନ ନନକାନା ସାହିବରେ ହଜାର ହଜାର ଶ୍ରଦ୍ଧାଳୁ ଏକତ୍ରିତ ହେବାର ଆଶା କରାଯାଉଛି। ଏହି ତୀର୍ଥଯାତ୍ରା ୧୯୭୪ ମସିହାର ଭାରତ-ପାକିସ୍ତାନ ଧାର୍ମିକ ସ୍ଥଳ ଗୁଡ଼ିକର ଯାତ୍ରା ସମ୍ୱନ୍ଧୀୟ ପ୍ରୋଟୋକଲର ଅଧୀନରେ ଆସେ, ଯାହା ରାଜନୈତିକ ଉତ୍ତେଜନା ସତ୍ତ୍ୱେ ଉଭୟ ପକ୍ଷର ଶ୍ରଦ୍ଧାଳୁମାନଙ୍କୁ ପ୍ରମୁଖ ଧାର୍ମିକ କାର୍ଯ୍ୟକ୍ରମ ପାଇଁ ଯାତ୍ରା କରିବାକୁ ଅନୁମତି ଦେଇଥାଏ। ଶିରୋମଣି ଗୁରୁଦ୍ୱାରା ପ୍ରବନ୍ଧକ କମିଟି (SGPC) ଏବଂ ଭାରତର ବୈଦେଶିକ ମନ୍ତ୍ରଣାଳୟ ଦ୍ୱାରା ସମନ୍ୱିତ ଏହା  ଜାଥା ହାସନ ଅବଦାଲ ସ୍ଥିତ ନନକାନା ସାହିବ ଏବଂ ପଞ୍ଜା ସାହିବ ସମେତ ଅନେକ ପବିତ୍ର ଗୁରୁଦ୍ୱାରା ପରିଦର୍ଶନ କରିବେ।

ଆରବ ନ୍ୟୁଜ୍ ଅନୁସାରେ, ଭାରତରେ ପାକିସ୍ତାନର ପ୍ରଭାରୀ ରାଜଦୂତ ସାଦ ଅହମ୍ମଦ ଭରାଇଚ ଆସିଥିବା ତୀର୍ଥଯାତ୍ରୀଙ୍କୁ ଶୁଭକାମନା ଦେଇ ଏହି ଯାତ୍ରାକୁ ସନ୍ତୋଷ ଜନକ ଓ ଆଧ୍ୟାତ୍ମିକ ଭାବେ ଫଳଦାୟୀ ଯାତ୍ରା ବୋଲି କହିଛନ୍ତି। ସେ କହିଛନ୍ତି ଯେ ପାକିସ୍ତାନ " ଆନ୍ତଃ ଧାର୍ମିକ ଏବଂ ଆନ୍ତଃ-ସାଂସ୍କୃତିକ ସଦଭାବ ଏବଂ ବୁଝାମଣାକୁ ପ୍ରୋତ୍ସାହିତ କରିବା ପାଇଁ ନିଜର ଦୃଢ ପ୍ରତିବଦ୍ଧତା ଅନୁସାରେ ଏମିତି ଯାତ୍ରା ଗୁଡ଼ିକୁ ସୁବିଧାଜନକ କରିବା ପାଇଁ ପ୍ରତିବଦ୍ଧ। କହି ରଖୁଛୁ କି, ଭାରତ -ପାକିସ୍ତାନ ମଧ୍ୟରେ ମାସ ମାସ ଧରି ଲାଗି ରହିଥିବା ଉତ୍ତେଜନା ପରେ ଏହି ଭିସା ଘୋଷଣା ଏକ ବିରଳ ସଦ୍ଭାବନାର ସୂଚକ।

ମେ ମାସରେ, ପରମାଣୁ ଅସ୍ତ୍ରଶସ୍ତ୍ର ଯୁକ୍ତ ଏହି ପଡୋଶୀ ମଧ୍ୟରେ ଚାରି ଦିନ ଯାଏ ଭୟଙ୍କର ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଯାହା କାଶ୍ମୀରରେ ଏକ ଆତଙ୍କବାଦୀ ଆକ୍ରମଣରୁ ଆରମ୍ଭ ହୋଇଥିଲା। ଯାହା ଫଳରେ କ୍ଷେପଣାସ୍ତ୍ର ଏବଂ ଡ୍ରୋନ୍ ଆକ୍ରମଣର ବର୍ଷା ହୋଇଥିଲା , ଯେଉଁଥିରେ ସମସ୍ତ ସାଧାରଣ ନାଗରିକ ଯାତାୟାତ ବନ୍ଦ ହୋଇଯାଇଥିଲା।