ଜୟପୁର: ସଓ୍ବାଇ ମାନସିଂହ ଷ୍ଟାଡିୟମରେ ଚମକିଲେ ଯଶସ୍ବୀ ଜୈସ୍ବାଲ୍ । ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିରୋଧରେ ଜବରଦସ୍ତ ଇନିଂସ ଖେଳିଛନ୍ତି । ସେ ମାତ୍ର ୪୭ଟି ବଲ୍ ଖେଳି ୭୫ ରନ୍ ମାରିଛନ୍ତି । ଏଥିରେ ୧୦ଟି ଚୌକା ଓ ୨ ଛକା ରହିଛି । ସେହିପରି ରିୟାନ ପରାଗ ଓ ଓ୍ବିକେଟ୍ କିପର ବ୍ୟାଟର ଧ୍ରୁବ ଜୁରେଲ୍ ମଧ୍ୟ ଦମଦାର୍ ପାଳି ଖେଳିଥିଲେ । ପରାଗ ୨୨ ବଲରୁ ୩୦ ରନ୍ ଏବଂ ଜୁରେଲ୍ ୨୩ ବଲରୁ ୩୫ ରନ୍ ସଂଗ୍ରହ କରି ଦଳୀୟ ସ୍କୋରକୁ ୧୭୩ରେ ପହଞ୍ଚାଇଥିଲେ । ଫଳରେ ଆରସିବି ସାମ୍ନାରେ ୧୭୪ ରନ୍ର ଟାର୍ଗେଟ୍ ରହିଛି ।
ଇଣ୍ଡିଆନ ପ୍ରିମିୟର ଲିଗରେ ରବିବାର ଦୁଇଟି ମ୍ୟାଚ୍ ରହିଛି । ପ୍ରଥମ ତଥା ୨୮ତମ ମ୍ୟାଚ୍ ରାଜସ୍ଥାନ ରୟାଲ୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଜୟପୁରର ସୱାଇ ମାନସିଂହ ଷ୍ଟାଡିୟମରେ ଖେଳାଯାଉଛି । ଆରସିବି ଅଧିନାୟକ ରଜତ୍ ପାଟିଦାର ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ତେଣୁ ରାଜସ୍ଥାନ ରୟାଲସ୍ ପ୍ରଥମେ ବ୍ୟାଟିଂ କରିଥିଲା । ଦଳ ପାୱାର-ପ୍ଲେରେ କୌଣସି ୱିକେଟ୍ ନହରାଇ ୪୫ ରନ୍ କରିଥିଲା । ଅଧିନାୟକ ସଞ୍ଜୁ ସାମସନ ସପ୍ତମ ଓଭରରେ ଆଉଟ୍ ହୋଇଥିଲେ । ସେହିପରି ୭୫ ରନ୍ କରିବା ପରେ ଯଶସ୍ୱୀ ଜୈସ୍ବାଲ ଆଉଟ୍ ହୋଇଥିଲେ । ରୟାନ ପରାଗ ଓ ଓ୍ବିକେଟ୍ କିପର ବ୍ୟାଟର ଧ୍ରୁବ ଜୁରେଲଙ ଦମଦାର୍ ପାଳି ବଳରେ ରାଜସ୍ଥାନ ରୟାଲ୍ସ କୋଡିଏ ଓଭରରେ ୧୭୩ ରନ୍ ସଂଗ୍ରହ କରିଛି । ଫଳରେ ଆରସିବି ଆଗରେ ୧୭୪ ରନ୍ର ଲକ୍ଷ୍ୟ ରହିଛି । ଆରବିସି ପକ୍ଷରୁ ଭୁବନେଶ୍ବର କୁମାର, ୟସ୍ ଦୟାଲ, ହେଜଲଉଡ୍ ଓ କ୍ରୁନାଲ୍ ପାଣ୍ଡ୍ୟା ଗୋଟିଏ ଲେଖାଏଁ ଓ୍ବିକେଟ୍ ନେଇଛନ୍ତି ।
