ହ୍ୟାଟ୍ରିକ୍ ଡକ୍ : ଅଭିଷେକଙ୍କୁ ନେଇ ରିସ୍କ ନେବନି ଭାରତ, ସୁପର ୮ରେ ସଞ୍ଜୁଙ୍କୁ ମିଳିପାରେ ସୁଯୋଗ

ନୂଆଦିଲ୍ଲୀ, ୧୯/୦୨ : ଚାଲୁନି ବ୍ୟାଟ୍ । ବାହାରୁନି ରନ୍ । ବାଉଣ୍ଡରୀ ଲାଇନ୍ ଡେଉଁନି ବଲ୍ । କ୍ରିଜରେ କିଛି ମିନିଟ୍ ରହି ଫେରୁଛନ୍ତି ଫ୍ୟାଭିଲିୟନ । ଯେଉଁ ବ୍ୟାଟରୁ ଦିନେ ବର୍ଷା ହେଉଥିଲା ଛକା ଏବଂ ଚଉକା । ଏବେ ତାହା ନିରବ । ଚିନ୍ତାରେ ଫ୍ୟାନ୍ସ ଏବଂ ବିସିସିଆଇ । ଭାରତୀୟ ଦଳର ଷ୍ଟାର୍ ଓପନର ଅଭିଷକ ଶର୍ମାଙ୍କୁ ନେଇ ଚର୍ଚ୍ଚା-ଆଲୋଚନା । ପୁରା ଶାନ୍ତ ପଡିଯାଇଛନ୍ତି ନମ୍ବର୍ ଓ୍ୱାନ୍ ଟି୨୦ ବ୍ୟାଟସମ୍ୟାନ୍ । ଯେମିତି ଲାଗିଛି ଗ୍ରହଣ । ଫଳରେ ତାଙ୍କୁ ସୁପର  ମ୍ୟାଚରେ ଭାରତ ଦଳରେ ସାମିଲ ନକରିବାକୁ ଚିନ୍ତା କରୁଛି । ତାଙ୍କ ଜାଗାରେ ସଞ୍ଜୁଙ୍କୁ ସୁଯୋଗ ଦେବାକୁ ଦାବି ହେଲାଣି । 

ଟିମ୍ ଇଣ୍ଡିଆର ଷ୍ଟାର୍ ଅଭିଷେକ ଶର୍ମା । ଟି୨୦ ଫର୍ମାଟରେ ଦଳର ସବୁଠୁ ବେଷ୍ଟ୍ ବ୍ୟାଟର୍ । ଆଇସିସି ରାଙ୍କିଂରେ ନମ୍ବର ଓ୍ୱାନ୍ । ବୋଲିଂ କରିବାକୁ ଡରନ୍ତି ବୋଲର । ଏସିଆ କପରେ ପାକିସ୍ତାନୀ ପ୍ରିମିୟମ ବୋଲରଙ୍କୁ କ୍ୟାରିଅର ଖରାପ କରିଛନ୍ତି ଅଭିଷେକ । ଖାତାରେ ଅନେକ ରେକର୍ଡ । କମ୍ ବୟସରେ ସବୁଠୁ ଚର୍ଚ୍ଚିତ ଖେଳାଳି । ଅନେକ ଆଶା ରଖନ୍ତି ପ୍ୟାନ୍ସ୍ - ଫଲୋଅର୍ସ । ଟିମ୍ କୁ ଭଲ ଷ୍ଟାର୍ଟ୍ ଦେବାରେ ସେ ମାହିର । ଆରମ୍ଭରୁ କରନ୍ତି ରନ୍ ବର୍ଷା । ବଡ ସ୍କୋର କରିବାରେ ତାଙ୍କର ଭୂମିକା ଅଧିକ । ଏବେ କିନ୍ତୁ ବଦଳି ଯାଇଛି ଅନ୍ଦାଜ । ଖେଳିପାରୁ ନାହାଁନ୍ତି ଅଭିଷେକ । ଟି୨୦ ବିଶ୍ୱକପରେ ଗର୍ଜନ କରୁନି ବ୍ୟାଟ୍ । ହାଟ୍ରିକ୍ ଗୋଲଡେନ୍ ଡକ୍ । ଅର୍ଥାତ ଲଗାତାର ତିନି ମ୍ୟାଚରେ ଜିରୋରେ ଆଉଟ୍ ।

ଏସିଆ କପ୍ ରୁ ନ୍ୟୁଜିଲାଣ୍ଡ ବିପକ୍ଷ ଟି୨୦ ସିରିଜ୍ । ସବୁ ଟୁର୍ଣ୍ଣାମେଣ୍ଟରେ ସେ ଫେଭରେଟ୍ । ବିଶ୍ୱକପରେ ତାଙ୍କର ବ୍ୟାଟିଂ ଦେଖିବାକୁ ଫ୍ୟାନ୍ସ ଉତ୍ସାହିତ । ଭାରତ କରିବ ୩୦୦ ପ୍ଲସ୍ ରନ୍ । ଅଭିଷେକ ମାରିବେ ସେଞ୍ଚୁରି । କିଛି ଏମିତି ଆଶା । ହେଲେ ଏବେ ଏସବୁ ସାତ ସପନ ପାଲଟିଗଲାଣି । ଆମେରିକା ହେଉ କି ପାକିସ୍ତାନ । କିମ୍ବା ଦୁର୍ବଳ ନେଦରଲ୍ୟାଣ୍ଡ୍ । ସବୁ ଟିମ୍ ବିପକ୍ଷରେ ଶର୍ମା ଫେଲ୍ ହେଉଛନ୍ତି । ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ଜିରୋରେ ଫେରିଥିଲେ ପ୍ୟାଭିଲୟନ୍ । ତା ପରେ ପେଟରେ ଦେଖାଦେଲା ସମସ୍ୟା । ବ୍ରେକ୍ ପରେ ପଡିଆକୁ ରିଟର୍ଣ୍ଣ । ହେଲେ ହଜିଯାଇଚି ଫର୍ମ୍ । ଦୁଇରୁ ଅଧିକ ବଲ୍ ଖେଳିପାରୁ ନାହାଁନ୍ତି । ତେଣୁ ସୁପର୍ ୮ ମୁକାବିଲା ପୂର୍ବରୁ ଚିନ୍ତାରେ ବିସିସିଆଇ-କୋଚ୍ ଏବଂ କ୍ୟାପ୍ଟେନ୍ । ତାଙ୍କ ଜାଗାରେ ସଞ୍ଜୁ ସାମସନ୍ ଙ୍କୁ ଖେଳାଇବାକୁ ମନେ ମନେ ବିଚାର କରୁଛନ୍ତି ମ୍ୟାନେଜମେଣ୍ଟ୍ ।

ସରିଛି ଲିଗ୍ ମୁକାବିଲା । ଲଗାତାର ବିଜୟ ଲକ୍ଷ୍ୟରେ ଡିଫେଣ୍ଡିଂ ଚାମ୍ପିଅନ୍ ମେନ୍ ଇନ୍ ବ୍ଲୁ । ଫେବ୍ରୁଆରୀ ୨୨ରେ ଦକ୍ଷିଣ ଆଫ୍ରିକା ବିପକ୍ଷରେ ମ୍ୟାଚ୍ । ଭାରତର ପ୍ରଥମ ସୁପର୍ ୮ ଫାଇଟ୍ । ତା ପୂର୍ବରୁ ଘଟିପାରେ ପରିବର୍ତ୍ତନ । ଅଭିଷେକଙ୍କ ଜାଗାରେ ସଞ୍ଜୁଙ୍କୁ ଆଉ ଥରେ ମିଳିବ ଚାନ୍ସ । ଚିନ୍ତା କରୁଛନ୍ତି କୋଚ୍ । ସରପ୍ରାଇଜ୍ ଡିସିସନ୍ ନେଇପାରନ୍ତି ଗୌତମ ଗମ୍ଭୀର । ଯାହାକୁ ଖୋରାଜ ଯୋଗାଇଛି ସୁନୀଲ ଗାଭାସ୍କରଙ୍କ ବୟାନ । ଅଭିଷେକଙ୍କ ସବୁ ଭୁଲ ବାହାର କରିଛନ୍ତି ଲିଟିଲ୍ ମାଷ୍ଟର୍ । କେଉଁଥି ପାଇଁ ଚାଲୁନି ବ୍ୟାଟ୍ । ରିପୋର୍ଟ କାର୍ଡ ଦେଇଛନ୍ତି ଗାଭାସ୍କର ।

ଆରମ୍ଭରୁ ବଡ ସଟ୍ ଖେଳନ୍ତି ଅଭିଷେକ । ଫାଷ୍ଟ୍ ବଲରେ ଛକା ମାରିବାକୁ ଟାର୍ଗେଟ୍ । ଯାହା ଆଗରୁ ଦେଉଥିଲା ସକସେସ୍ । ଏବେ କିନ୍ତୁ ଆଉଟ୍ କରିଦେଉଛି ବଡ ସଟ୍ ନିଶା । ବିପକ୍ଷ ବୋଲର ବୁଝିଗଲେଣି ଚାଲ୍ । ବଦଳାଇ ଦେଇଛନ୍ତି ରଣନୀତି । ବିଛାଉଛନ୍ତି ଜାଲ । ଯେଉଁଥିରେ ବାରମ୍ବାର ଫସୁଛନ୍ତି ମିଷ୍ଟର୍ ଶର୍ମା । ସୁଧାରୁ ନାହାଁନ୍ତି ଭୁଲ୍ । ରିପିଟ୍ ହେଉଛି ମିସଟେକ୍ । ଗାଭାସ୍କରଙ୍କ କଥା ବି ସତ । ଅନେକ ଭେଟେରାନ୍ ଦୋହରାଇଛନ୍ତି ସମାନ ବୟାନ । ତେଣୁ ଦକ୍ଷିଣ ଆଫ୍ରିକା ବିପକ୍ଷ ମୁକିବାଲାରେ ଭାରତ ଅଭିଷେକଙ୍କୁ ଖେଳାଇବ ନା ସଞ୍ଜୁ ପୁଣି ସୁଯୋଗ ପାଇବେ ତାକୁ ନେଇ ତାହା ଦିନେ ଦୁଇ ଦିନରେ ସ୍ପଷ୍ଟ ହୋଇଯିବ ।