ଚଣ୍ଡିଗଡ଼: ହୋମ୍ ଗ୍ରାଉଣ୍ଡ୍ରେ ମାଟି କାମୁଡ଼ିଲା ପଞ୍ଜାବ କିଙ୍ଗସ୍ । କୋଲକାତା ନାଇଟ୍ ରାଇଡର୍ସ ସାମ୍ନାରେ ଆତ୍ମସମର୍ପଣ କଲେ ବ୍ୟାଟର । କେକେଆର ବୋଲରଙ୍କ ଘାତକ ବୋଲିଂ ସାମ୍ନାରେ ତାସ୍ର ଘର ପରି ଭୁଶୁଡ଼ି ପଡ଼ିଛି ପଞ୍ଜାବର ବ୍ୟାଟିଂ ଲାଇନ୍-ଅପ୍ । ସମ୍ପୂର୍ଣ୍ଣ କୋଡିଏ ଓଭର ଖେଳିବାରେ ସକ୍ଷମ ହୋଇନାହିଁ ଦଳ । ମାତ୍ର ୧୫.୩ ଓଭରର ଟିମ୍ ସମସ୍ତ ଓ୍ବିକେଟ୍ ହରାଇ ୧୧୧ ରନ୍ କରିଛି । ଫଳରେ କେକେଆର୍ ସାମ୍ନାରେ ୧୧୨ ରନ୍ର ଟାର୍ଗେଟ୍ ରହିଛି । ସେପଟେ ସହଜ ଲକ୍ଷ୍ୟକୁ ଦଳ ଶୀଘ୍ର ହାସଲ କରି ରନ୍ ରେଟ୍ ବଢ଼ାଇବାକୁ ଚେଷ୍ଟା କରିବ ।
ମଙ୍ଗଳବାର ଆଇପିଏଲ୍ ମହାସମରରେ ମୁହାଁମୁହିଁ ହୋଇଛନ୍ତି ପଞ୍ଜାବ କିଙ୍ଗ୍ସ ଓ କୋଲକାତା ନାଇଟ୍ ରାଇଡର୍ସ । ଟୁର୍ଣ୍ଣାମେଣ୍ଟର ୩୧ତମ ମ୍ୟାଚ୍ ମୁଲ୍ଲାନପୁର ଷ୍ଟାଡିୟମରେ ଖେଳାଯାଉଛି। ଏହି ମ୍ୟାଚରେ ପଞ୍ଜାବ କୋଲକାତାକୁ ମାତ୍ର ୧୧୨ ରନର ଟାର୍ଗେଟ ଦେଇଛି । ଟସ୍ ଜିତିବା ପରେ ପଞ୍ଜବ ପ୍ରଥମେ ବ୍ୟାଟିଂ ନେଇଥିଲା । ହେଲେ ଦଳ ୧୫.୩ ଓଭରରେ ୧୧୧ ରନ୍ କରି ଅଲଆଉଟ୍ ହୋଇଛି । ପଞ୍ଜାବ ପକ୍ଷରୁ ଓପନର ପ୍ରଭସିମରନ ସିଂହ ସର୍ବାଧିକ ୩୦ ରନ୍ କରିଛନ୍ତି । ପଞ୍ଜାବ ଦ୍ରୁତ ଆରମ୍ଭ କରିଥିଲା କିନ୍ତୁ ଚତୁର୍ଥ ଓଭର ପରେ ଦଳ ପରାସ୍ତ ହୋଇଥିଲା। ଏହି ଓଭରରେ ହର୍ଷିତ ରାଣା ପ୍ରିୟାଂଶ ଆର୍ଯ୍ୟ ଏବଂ ଅଧିନାୟକ ଶ୍ରେୟସ ଆୟରଙ୍କ ୱିକେଟ୍ ପଞ୍ଜବ ସ୍ପିଡ୍ରେ ବ୍ରେକ୍ ଦେଇଥିଲେ । ଏହାପରେ ଜୋଶ ଇଙ୍ଗଲିସ୍, ଏବଂ ନେହାଲ ବଧେରା କୌଣସି ପ୍ରଭାବ ପକାଇ ପାରିନଥିଲେ । ମାତ୍ର ୭୬ ରନ୍ରେ ପଞ୍ଜାବ ୬ ୱିକେଟ ହରାଇଥିଲା । ଅଷ୍ଟମ ନଂରେ ଖେଳିବାକୁ ଆସି ଶଶାଙ୍କ ସିଂହ ୧୮ ରନ୍ କରି ପଞ୍ଜାବକୁ ୧୦୦ ପାର୍ କରାଇଥିଲେ। ହର୍ଷିତ ରାଣା ତିନି ଓଭର ବୋଲିଂ କରି ୨୫ ରନ୍ ଦେଇ ତିନୋଟି ୱିକେଟ ନେଇଥିଲେ। ବରୁଣ ଚକ୍ରବର୍ତ୍ତୀ ଏବଂ ସୁନୀଲ ନାରିନ୍ ଦୁଇଟି ଲେଖାଏଁ ୱିକେଟ୍ ନେଇଥିବା ବେଳେ ବୈଭବ ଆରୋରା ଏବଂ ଆନ୍ରିକ୍ ନୋରଖିଆ ଗୋଟିଏ ଲେଖାଏଁ ୱିକେଟ୍ ନେଇଛନ୍ତି ।
