ଦିଲ୍ଲୀ ବ୍ଲାଷ୍ଟର ଦୋଷୀଙ୍କୁ କଠୋର ଦଣ୍ଡ ପାଇଁ ଦାବି, ଆତଙ୍କବାଦ ଉପରେ ମିଳିତ ବୟାନ ଜାରି କଲା କ୍ୱାଡ୍ ଦେଶ

ନୂଆଦିଲ୍ଲୀ: ଆମେରିକା, ଭାରତ, ଜାପାନ ଏବଂ ଅଷ୍ଟ୍ରେଲିଆକୁ ନେଇ ଗଠିତ କ୍ୱାଡ୍, ଲାଲକିଲ୍ଲା ବିସ୍ଫୋରଣର ଅପରାଧୀ, ଷଡ଼ଯନ୍ତ୍ରକାରୀକୁ କଠୋର ଦଣ୍ଡବିଧାନ ଉପରେ ଗୁରୁତ୍ୱାରୋପ କରିଛି । ଏଥିପାଇଁ ମିଳିତ ଜାତିସଂଘ ସଦସ୍ୟ ରାଷ୍ଟ୍ରଙ୍କୁ ଏହି ପ୍ରୟାସରେ ସହଯୋଗ କରିବାକୁ ଅନୁରୋଧ କରିଛି ।

କ୍ୱାଡ୍ କାଉଣ୍ଟର-ଟେରୋରିଜମ୍ ୱାର୍କିଂ ଗ୍ରୁପ୍ ବୈଠକରେ ଭାରତ ସ୍ପଷ୍ଟ କରିଛି ଯେ ଆତଙ୍କବାଦ ବିପଦର ମୁକାବିଲା ପାଇଁ କ୍ୱାଡ୍ ମଧ୍ୟରେ ଏକ ସହଭାଗୀ ସଂକଳ୍ପ ହେବା ଉଚିତ । ୨୦୨୩ ମସିହାରେ ଗଠିତ ଏହି ୱାର୍କିଂ ଗ୍ରୁପର ତୃତୀୟ ବୈଠକ । ବୈଠକରେ ସମସ୍ତ କ୍ୱାଡ୍ ଦେଶ ସର୍ବସମ୍ମତିକ୍ରମେ ଆତଙ୍କବାଦ ଏବଂ ସୀମାପାର ଆତଙ୍କବାଦକୁ କଡ଼ା ଶବ୍ଦରେ ନିନ୍ଦା କରିଛନ୍ତି ।

ବୈଠକରେ ନଭେମ୍ବର ୧୦ରେ ଦିଲ୍ଲୀର ଲାଲକିଲ୍ଲା ନିକଟରେ ହୋଇଥିବା ଜଘନ୍ୟ ଆତଙ୍କବାଦୀ ଆକ୍ରମଣ ପାଇଁ ଶୋକ ପ୍ରକାଶ କରାଯାଇଥିଲା । କ୍ୱାଡ୍ ଦେଶମାନେ ଆତଙ୍କବାଦ ସମ୍ବନ୍ଧୀୟ ବିପଦର ନିଜ ନିଜର ମୂଲ୍ୟାଙ୍କନ ପରସ୍ପର ସେୟାର କରିଥିଲେ । ବିଶେଷକରି ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ଆତଙ୍କବାଦ ଦ୍ୱାରା ସୃଷ୍ଟି ହୋଇଥିବା ବିପଦ ଉପରେ ଗୁରୁତ୍ୱାରୋପ କରିଥିଲେ । ସମସ୍ତ ଦେଶ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳକୁ ଆତଙ୍କବାଦର ବିପଦରୁ ମୁକ୍ତ ରଖିବା ପାଇଁ ଏକ ରଣନୀତି ଦିଗରେ କାର୍ଯ୍ୟ କରିବାକୁ ସହମତ ହୋଇଥିଲେ ।

ବୈଠକରେ ଆତଙ୍କବାଦ ବିରୋଧରେ ଲଢ଼େଇରେ ପାରସ୍ପରିକ ସହଯୋଗ ଏବଂ ବର୍ତ୍ତମାନର ଚ୍ୟାଲେଞ୍ଜଗୁଡ଼ିକର ମୁକାବିଲା ପାଇଁ ପଦକ୍ଷେପ ସମ୍ପର୍କରେ ଆଲୋଚନା କରାଯାଇଥିଲା । ବୈଠକ ସମୟରେ "ସହରାଞ୍ଚଳ ପରିବେଶରେ ଆତଙ୍କବାଦ ନିରୋଧୀ ଅଭିଯାନ" ଉପରେ ଏକ ଟେବୁଲଟାପ୍ ଅଭ୍ୟାସ ମଧ୍ୟ କରାଯାଇଥିଲା ।

କ୍ୱାଡ୍ ଦେଶଗୁଡ଼ିକ କ’ଣ ଉପରେ ସହମତ ହୋଇଥିଲେ ?

ଏହି ଅଭ୍ୟାସ ବିଶେଷଜ୍ଞମାନଙ୍କୁ ଆତଙ୍କବାଦ ନିରୋଧୀ ଅଭିଯାନରେ ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ । ଏହାକୁ ସର୍ବୋତ୍ତମ ପ୍ରକ୍ରିୟାରେ ସେୟାର କରିବା ଏବଂ ଭବିଷ୍ୟତରେ ଜଟିଳ ଆତଙ୍କବାଦୀ ପରିସ୍ଥିତିର ମୁକାବିଲା କରିବା ପାଇଁ ମିଳିତ କାର୍ଯ୍ୟକ୍ଷମ ପ୍ରସ୍ତୁତିକୁ ବୃଦ୍ଧି କରିବାର ଏକ ଉପାୟ ଭାବରେ ଦେଖାଯାଉଛି । ଆତଙ୍କବାଦୀ, ଆତଙ୍କବାଦୀ ସଂଗଠନ ଏବଂ ସେମାନଙ୍କର ପୃଷ୍ଠପୋଷକଙ୍କ ବିଷୟରେ ସୂଚନା ଆଦାନପ୍ରଦାନ ଜାରି ରଖିବା ଉପରେ କ୍ୱାଡ୍ ଦେଶଗୁଡ଼ିକ ସହମତ ହୋଇଥିଲେ ।