ମୁମ୍ଵାଇ ୧୫।୦୪; ବଲିଉଡରେ କମବ୍ୟାକ କରିବାକୁ ପ୍ରସ୍ତୁତ ମାଲାୟାଲମ୍ ଅଭିନେତା ପୃଥ୍ୱୀରାଜ ସୁକୁମାରନ । ଆଗାମୀ ଚଳଚ୍ଚିତ୍ର 'ଡାୟରା' ସହ ବଲିଉଡରେ ପ୍ରତ୍ୟାବର୍ତ୍ତନ କରିବାକୁ ଯାଉଛନ୍ତି । ମେଘନା ଗୁଲଜାରଙ୍କ ନିର୍ଦ୍ଦେଶିତ ତଥା ପ୍ରଡକ୍ସନ୍ ହାଉସ୍ ଜଙ୍ଗଲି ପିକ୍ଚର୍ସ ବ୍ୟାନରରେ ନିର୍ମାଣ ହେବ ଏହି ଫିଲ୍ମ। ସେ କରୀନା କପୁର ଖାନଙ୍କ ସହ ସ୍କ୍ରିନ୍ ସେୟାର କରୁଥିବା ନଜର ଆସିବେ । ଅଭିନେତା ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି।
Some stories stay with you from the moment you hear them.
— Prithviraj Sukumaran (@PrithviOfficial) April 14, 2025
DAAYRA is that for me.
Excited to work with @meghnagulzar, the incredible #KareenaKapoorKhan and @JungleePictures! Wish you all a very happy Vishu! 🙂#Daayra@vineetjaintimes #AmritaPandey #YashKeswani #SimaAgarwal… pic.twitter.com/vSHXSVh8vC
ଏପ୍ରିଲ୍ ୧୪, ୨୦୨୫ ଏକ୍ସରେ ପୃଥ୍ୱୀରାଜ ନିର୍ଦ୍ଦେଶକ ମେଘନା ଗୁଲଜାର ଏବଂ ସହ-ତାରକା କରୀନା କପୁର ଖାନଙ୍କ ସହ କିଛି ଫଟୋ ସେୟାର କରିଛନ୍ତି । ଗୋଟିଏ ଫଟୋରେ, ତିନିଜଣ କଥାବାର୍ତ୍ତା କରୁଥିବା ଦେଖିବାକୁ ମିଳିଛି । ଦ୍ୱିତୀୟଟିରେ ସେ କ୍ୟାମେରା ଆଗରେ ହସୁଥିବାର ନଜର ଆସିଛନ୍ତି। ଫଟୋ ସେୟାର କରି ଅଭିନେତା ଲେଖିଛନ୍ତି, 'କିଛି କାହାଣୀ ତୁମେ ଶୁଣିବା କ୍ଷଣି ତୁମ ସହିତ ରହିଥାଏ । ମୋ ପାଇଁ 'ଡାୟରା' ହେଉଛି ଏକ କାହାଣୀ । ମେଘନା ଗୁଲଜାର ଏବଂ କରୀନା କପୁର ଖାନଙ୍କ ସହ କାମ କରିବାକୁ ଉତ୍ସାହିତ । ଆପଣ ସମସ୍ତଙ୍କୁ ବହୁତ ଶୁଭ ବିଷୁର ଶୁଭକାମନା।'
କରୀନା ମଧ୍ୟ ଏହି ଫଟୋଗୁଡ଼ିକୁ ତାଙ୍କ ସୋସିଆଲ ମିଡିଆରେ ସେୟାର କରି ଲେଖିଛନ୍ତି, 'ମୁଁ ସର୍ବଦା କହିଛି ଯେ ମୁଁ ନିର୍ଦ୍ଦେଶକଙ୍କ ଅନୁଯାୟୀ କାମ କରେ ଏବଂ ଏଥର ମୁଁ ଆମର ଜଣେ ଶ୍ରେଷ୍ଠ ନିର୍ଦ୍ଦେଶକ ମେଘନା ଗୁଲଜାର ଏବଂ ଉଜ୍ଜ୍ୱଳ ପ୍ରୀତିରାଜଙ୍କ ସହ କାମ କରିବାକୁ ଉତ୍ସାହର ସହିତ ଅପେକ୍ଷା କରିଛି। ଯାହାର କାର୍ଯ୍ୟକୁ ମୁଁ ହୃଦୟରୁ ପ୍ରଶଂସା କରେ । ମୋର ଡ୍ରିମ ଟିମ 'ଡାୟରା' ମୁଁ ପ୍ରସ୍ତୁତ ଅଛି ।'ଏହାପୂର୍ବରୁ ଏପ୍ରିଲ ୭ରେ ପୃଥ୍ୱୀରାଜ ମୁମ୍ବାଇରେ କରୀନା କପୁର ଖାନଙ୍କ ସହ ନଜର ଆସିଥିଲେ । ସେବେଠାରୁ ପ୍ରୀତିରାଜ ଏବଂ କରୀନା ଏକାଠି କାମ କରିବା ବିଷୟରେ କଳ୍ପନାଜଳ୍ପନା ବୃଦ୍ଧି ପାଇଥିଲା ଏବଂ ବର୍ତ୍ତମାନ ଫିଲ୍ମ ନିଶ୍ଚିତ ହୋଇଛି ।
