ମାଲକାନଗିରି ୨୩।୦୬ : ସୁରକ୍ଷାକର୍ମୀଙ୍କୁ ସଫଳତା । ମାଓବାଦୀଙ୍କ କ୍ୟାମ୍ପରୁ ମିଳିଲା ନକଲି ଟଙ୍କା ଛାପା ମେସିନ । ମାଲକାନଗିରି ସୀମାନ୍ତ ଛତିଶଗଡ଼ କୋରାଜଗୁଡ଼ା ଜଙ୍ଗଲରୁ ବହୁ ପରିମାଣର ନୋଟ ମଧ୍ୟ ଜବତ ହୋଇଛି ।
ଖବର ଅନୁଯାୟୀ, କୋରାଜଗୁଡ଼ା ଜଙ୍ଗଲରେ ସୁକୁମା ପୋଲିସ ଏବଂ ସୁରକ୍ଷାକର୍ମୀଙ୍କ ପକ୍ଷରୁ ଚାଲିଥିଲା ସର୍ଚ୍ଚ ଅପରେସନ । ଏହି ସମୟରେ ହଠାତ୍ ଏକ ମାଓ କ୍ୟାମ୍ପକୁ ଠାବ କରିଥିଲେ ସୁରକ୍ଷାକର୍ମୀ । ପରେ ସର୍ଚ୍ଚ ଅପରେସନର ସୁକମା ପୋଲିସକୁ ଏକ ମାଓ କ୍ୟାମ୍ପରୁ ନକଲି ଟଙ୍କା ଛାପା ମେସିନ ମିଳିଛି ।ପ୍ରଥମ ଥର ପାଇଁ ମାଓବାଦୀଙ୍କ କ୍ୟାମ୍ପରୁ ମିଳିଛି ନକଲି ଛାପା ମେସିନ । ଏହାସହ ୫୦୦, ୧୦୦, ୨୦୦, ୫୦ ଟଙ୍କିଆ ନକଲି ନୋଟର ନମୁନା ମଧ୍ୟ ମିଳିଛି ।
ସେପଟେ ସୁକମା ପୋଲିସର ତଥ୍ୟ ଅନୁସାରେ, ଯେଉଁ ମାଓବାଦୀମାନେ ଅର୍ଥ ଅଭାବରେ ପୀଡିତ ଥିଲେ । ସେମାନଙ୍କୁ ଏହି ନକଲି ନୋଟ ଦିଆଯାଉଥିଲା । ଯାହାଫଳରେ ସେମାନ ନିଜ କାମରେ ଲଗାଇବା ସହ ବଜାରରେ ପ୍ରବେଶ କରାଉଥିଲେ । ହେଲେ ଏବେ ଏହି ନକଲି ମେସିନ ଜବତ ହେବା ପରେ କିଛି କ୍ଷଣ ପାଇଁ ନକଲି ନୋଟ କାରବାରରେ ରୋକ ଲାଗିଛି ବୋଲି ଅନୁମାନ କରାଯାଉଛି । ସେହିପରି ଏହିପରି କେତେ ଆଉ ନକଲି ନୋଟ ଛାପା ମେସିନ ଅଛି । ସେନେଇ ତଦନ୍ତ ଜାରି ରଖିଛନ୍ତି ପୋଲିସ ଏବଂ ସୁରକ୍ଷାକର୍ମୀ ।
