୮୦ ବର୍ଷରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ, ବିପର୍ଯ୍ୟୟରୁ ପାଲଟିଥିଲେ ରୋଲ୍‌ ମଡେଲ

ଭୁବନେଶ୍ୱର ୧୬/୧୦: ଆଜି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଜନ୍ମଦିବସ । ୮୦ ବର୍ଷର ପାଦ ଥାପିଛନ୍ତି ଏହି ମହାନ ନେତା । ୧୯୪୬ ମସିହା ଆଜିର ଦିନରେ କଟକରେ ଜନ୍ମଗ୍ରହଣ କରିଥିଲେ ବିଜେଡି ସୁପ୍ରିମୋ । ନିଜର ଲୋକାଭିମୁଖୀ ଯୋଜନା, ସମାଜର ବହୁଳ ଭାଗ ଲୋକଙ୍କ ଲାଗି ଦରଦ, ରାଜ୍ୟର ପ୍ରଗତିର ଲାଗି ନିରବଚ୍ଛିନ୍ନ ସଂଗ୍ରାମ ଜାରି ରିଖିଥିଲେ ।

ସେ କ୍ରମାଗତ ପାଞ୍ଚ ଥର ଅର୍ଥାତ ୨୦୦୦ ମାର୍ଚ୍ଚ ୫ ତାରିଖରୁ ୨୦୨୪ ଜୁନ ୫ ଯାଏ ମୁଖ୍ୟମନ୍ତ୍ରୀ ଭାବେ ଦାୟିତ୍ବ ତୁଲାଇ ଦେଶରେ ସୃଷ୍ଟି କରିଛନ୍ତି ଇତିହାସ। ୨୪ ବର୍ଷ ଧରି ରାଜ୍ୟର ଶାସନ ଚଳାଇ ଆସୁଥିଲେ ସେ । ସ୍ବାସ୍ଥ୍ୟ ହେଉ ବା ଶିକ୍ଷା, କ୍ରୀଡ଼ା ହେଉ ବା ଗ୍ରାମୀଣ ବିକାଶ, ନାରୀ ସଶକ୍ତିକରଣ ହେଉ ବା ନିଷ୍ପେସିତ ବର୍ଗର ଉତଥାନ- ସବୁ କ୍ଷେତ୍ରରେ ନବୀନ ତୁଲାଇଥିଲେ । କେବଳ ରାଜନୀତି ନୁହେଁ ସାହିତ୍ୟ ରଚନା କରି ବିଶ୍ବରେ ଅର୍ଜନ କରିଛନ୍ତି ଖ୍ୟାତି।
ନିଜ ଶାସନ କାଳ ମଧ୍ୟରେ ସେ ବହୁ  ରେକର୍ଡ ଭାଙ୍ଗିଛନ୍ତି ।

ଅନେକ ଯୋଡ଼ିଛନ୍ତି ।  କେବଳ ୫ ପାଳିର ମୁଖ୍ୟମନ୍ତ୍ରୀ ଭାବେ ନୁହଁ,  ନିଜର ସରଳତା ଓ ନିରଳସ ଜୀବନ ଯାପନ  ପାଇଁ ଜାତୀୟ ରାଜନୀତିରେ ଭିନ୍ନ ପରିଚୟ ସୃଷ୍ଟି  କରିପାରିଛନ୍ତି ନବୀନ ପଟ୍ଟନାୟକ । ଗରିବୀର  ବିକଳ ଚିତ୍ର ବଦଳିଲା । ରୂପାନ୍ତରଣର ମଡେଲ  ପାଲଟିଲା । ରାଜ୍ୟର ଅର୍ଥନୀତିକୁ ସଶକ୍ତ ଓ ସୁଦୃଢ଼  କରି ଟ୍ରାକକୁ ଆଣିବାର ଶ୍ରେୟ ପାଇଁ ଇତିହାସ  ତାଙ୍କୁ ମନେ ରଖିବ ।

ତାଙ୍କରି ଅମଳରେ ରାଜ୍ୟ  ଦେଖିଛି ସରକାର ଓ ପ୍ରଶାସନରେ ବଡ଼ ସଂସ୍କାର । ଓଡ଼ିଶାର ମୁଖ୍ୟମନ୍ତ୍ରୀ ଭାବେ ୨୪ ବର୍ଷର ଏ ଲମ୍ବା  ଯାତ୍ରାରେ ସେ ପାଇଛନ୍ତି ଈର୍ଷଣୀୟ ସଫଳତା ।  ବିକାଶ ମାନଚିତ୍ରରେ ଓଡ଼ିଶା ଅନେକ ଉପରକୁ  ଉଠିଛି । ଦେଶରେ ସର୍ବାଧିକ ଦାରିଦ୍ର୍ୟ ହ୍ରାସ କରିବାରେ ଓଡ଼ିଶା ହିଁ ରହିଛି ଶୀର୍ଷରେ ।  ଏ ଜନନେତା  ୮୦ ବର୍ଷରେ ପଦାର୍ପଣ କରୁଛନ୍ତି । ତାଙ୍କ ଜନ୍ମଦିନରେ ଅଭିନନ୍ଦନ ଓ ଶୁଭେଛା ।