ରାଉରକେଲା ୧୪।୦୯ : ରାଉରକେଲା ହୋଟେଲ୍ ମହାରାଜାରେ ଯୁବତୀ ପୋଡି ମୃତ୍ୟୁ ଘଟଣା । ପୁରୁଷ ବନ୍ଧୁ ନିତ୍ୟାନନ୍ଦ ସାଏକୁ ଗିରଫ କରିଛି ରାଉରକେଲା ପ୍ଲାଣ୍ଟ ସାଇଟ୍ ଥାନା ପୋଲିସ । ମୃତ ଯୁବତୀ ୧୯ ବର୍ଷୀୟ ସ୍ୱାଗତିକା ନାଏକ, ଘର ରାଉରକେଲା ପ୍ଲାଟ ସାଇଟ୍ ଥାନା ଅଞ୍ଚଳରେ ହୋଇଥିବା ବେଳେ ପୁରୁଷ ବନ୍ଧୁଙ୍କ ନିତ୍ୟାନନ୍ଦ ସାଏଙ୍କ ଘର ସେକ୍ଟର-୧୫ ଥାନା ବନପୋ। ଅଞ୍ଚଳରେ ବୋଲି ଜଣାପଡିଛି ।
ଖବର ଅନୁଯାୟୀସ ଗତ ୧୨ ତାରିଖରେ ଷ୍ଟେସନ ରୋଡ ହୋଟେଲ୍ ମହାରାଜ ରୁମ୍ ନମ୍ବର ୪୦୨ରେ ରହିଥିଲେ ଦୁଇ ଜଣ । କୌଣସି କାରଣକୁ ନେଇ ଦୁହିଁଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏପିରିକି ରୁମ୍ ଭିତରୁ ଧୁଆଁ ଦେଖି ହୋଟେଲ କର୍ମଚାରୀ ପହଞ୍ଚିଥିଲେ । ହେଲେ ସେତେବେଳକୁ ଯୁବତୀଙ୍କ ଦେହରେ ନିଆଁ ଲାଗିସାରିଥିଲା । ପରେ ଉଦ୍ଧାର କରି ପ୍ରଥମେ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଅବସ୍ଥାରେ ଗୁରୁତର ଥିବାରୁ ଆଇଜିଏଚ୍କୁ ସ୍ଥାନାନ୍ତରିତ କରାଯାଇଥିଲା । ହେଲେ ସେଠାରେ ଯୁବତୀଙ୍କ ମୃତ୍ୟୁ ହୋଇଥିଲା । ପ୍ଲାଣ୍ଟ ସାଇଟ୍ ଥାନା ପୋଲିସ ଖବର ପାଇ ହୋଟେଲ୍ରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଏପିରିକି ରୁମ୍ ଭିତରୁ କିରୋସିନର ଗନ୍ଧ ମଧ୍ୟ ଆସୁଥିଲା । ପରିବାର ଲୋକଙ୍କ ଅଭିଯୋଗ ପରେ ପୋଲିସ ପୁରୁଷ ବନ୍ଧୁ ନିତ୍ୟାନନ୍ଦ ସାଏକୁ ଗିରଫ କରିଛି । ଉଭୟଙ୍କ ମଧ୍ୟରେ କେତେ ଦିନର ସଂପର୍କ ଥିଲା , ତାହା ମଧ୍ୟ ତଦନ୍ତ କରୁଛି ପୋଲିସ ।
ସେପଟେ ହୋଟେଲ୍ ରୁମ୍ ଭିତରକୁ କରୋସିନି କିପରି ଗଲା । ତାକୁ ମଧ୍ୟ ତଦନ୍ତ କରୁଛି ପୋଲିସ । ପୋଲିସ ଏହ ମଧ୍ୟ କହିଛି ଯେ, ଦୁହେଁ ଗତ ୧୨ ତାରିଖ ପ୍ରଥମ ଥର ନୁହେଁ ବରଂ ବାରମ୍ବାର ଆସି ହୋଟେଲ ମହାରାଜାରେ ରୁହନ୍ତି । ପୋଲିସ ଶବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି , ଆଉ ଶବ ବ୍ୟବଛେଦ ରିର୍ପୋଟକୁ ଅପେକ୍ଷା କରିଛି।
