ସାଲେପୁର ୧୬।୭: ଡିଜିଟାଲ ପେମେଣ୍ଟ ଠକକୁ ଧରି ପୋଲିସର ଜିମା ଦେଲେ ଲୋକେ । ସାଲେପୁର ଅଞ୍ଚଳରୁ ଆସିଛି ଏଭଳି ଠକେଇ ଅଭିଯୋଗ । ଆଖି ସାମ୍ନାରେ ଆପଣକୁ ବି ଠକି ପାରନ୍ତି ଡିଜିଟାଲ ପେମେଣ୍ଟ ଠକ । ସାଲେପୁର ବଜାରରୁ ଏକ ଡିଜିଟାଲ ଠକକୁ ଧରିବା ସହ ପୋଲିସର ଜିମା ଦେଇଛନ୍ତି ଦୋକାନୀ ଓ ଲୋକେ । ସାଲେପୁର ଭଳି ଅଞ୍ଚଳରେ ଲୋକଙ୍କୁ ଭୂଆଁ ବୁଲେଇବା ପାଇଁ କିଛି ଡିଜିଟାଲ ପେମେଣ୍ଟ ଠକ ପ୍ଲାନ୍ କରି ଠକେଇ ଆରମ୍ଭ କରିଥିବା ବେଳେ ଦୋକାନୀ ଓ ସ୍ଥାନୀୟ ଲୋକେ ଧରି ପୋଲିସକୁ ଜିମା ଦେଇଥିଲେ । ଘଟଣାସ୍ଥଳରେ ସାଲେପୁର ପୋଲିସ ଠକକୁ ଥାନାକୁ ଆଣି ପଚରା ଉଚରା କରୁଥିବା ପରେ ପୋଲିସ ଛାଡ଼ି ଦେଇଥିବା ସୂଚନା ମିଳିଛି ।