ନୂଆଦିଲ୍ଲୀ: ଅପରେସନ୍ ସିନ୍ଦୁର ସମୟରେ ୫ଟି ପାକିସ୍ତାନୀ ଯୁଦ୍ଧ ବିମାନକୁ ଖସାଇ ଦେଇଛି ଭାରତ। ଏନେଇ ଭାରତୀୟ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ୍ ଏପି ସିଂହ। ବାୟୁସେନା ମୁଖ୍ୟ ମାର୍ଶାଲ ଏପି ସିଂହ କହିଥିଲେ ଯେ ଅପରେସନ ସିନ୍ଦୂରରେ ଭାରତର S-400 ବାୟୁ ପ୍ରତିରକ୍ଷା ପ୍ରଣାଳୀ ୫ଟି ପାକିସ୍ତାନୀ ଲଢ଼ୁଆ ବିମାନକୁ ଖସାଇ ଦେଇଛି। ଏହା ବ୍ୟତୀତ ଭାରତ ଦ୍ୱାରା ପାକିସ୍ତାନ ଏୟାରବର୍ଣ୍ଣ ପ୍ରାଇମେରୀ ଓ୍ୱାର୍ଣ୍ଣିଂ ଆଣ୍ଡ କଣ୍ଟ୍ରୋଲ ଆଣ୍ଡ୍ ଇଲେକ୍ଟ୍ରୋନିକ୍ ଇଣ୍ଟେଲିଜେନ୍ସ ବିମାନକୁ ମଧ୍ୟ ଖସାଇ ଦିଆଯାଇଛି। ଏହି ବିମାନ ଆକାଶ ନିରୀକ୍ଷଣ ଏବଂ ଗୁପ୍ତଚର ସଂଗ୍ରହ ସମ୍ବନ୍ଧୀୟ କାର୍ଯ୍ୟରେ ସାହାଯ୍ୟ କରେ। ବାୟୁସେନା ଅନୁଯାୟୀ, ପାକିସ୍ତାନୀ ସେନା ବିମାନଗୁଡ଼ିକୁ ପ୍ରାୟ ୩୦୦ କିଲୋମିଟର ଦୂରରୁ ଖସାଇ ଦିଆଯାଇଛି।
ସେ ଆହୁରି କହିଥିଲେ ଯେ ଭାରତୀୟ ସେନା ଅପରେସନ ସିନ୍ଦୂର ଅଧୀନରେ ଜମ୍ମୁ ଏବଂ କାଶ୍ମୀରର ପଶ୍ଚିମ ସୀମା ଏବଂ ନିୟନ୍ତ୍ରଣ ରେଖା (LoC) ରେ ପାକିସ୍ତାନ ଦ୍ୱାରା ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣର ଉପଯୁକ୍ତ ଜବାବ ଦେଇଛି। ଭାରତୀୟ ସେନା ଅନୁଯାୟୀ, ପାକିସ୍ତାନ ୮ ଏବଂ ୯ ମେ ରାତିରେ ଏକାଧିକ ଥର ଆକ୍ରମଣ କରିଥିଲା, ଯାହାକୁ ଭାରତୀୟ ସେନା ସଫଳତାର ସହ ପାକିସ୍ତାନର ଲଢ଼ୁଆ ବିମାନକୁ ଖସାଇ ଦେଇଥିଲା।
ପାକିସ୍ତାନରେ ମଧ୍ୟ ଆମେରିକାର F-16 ଯୁଦ୍ଧ ବିମାନ ଅଛି। ଯାହାର ସମ୍ପୂର୍ଣ୍ଣ ରକ୍ଷଣାବେକ୍ଷଣ ଏବଂ ବୈଷୟିକ ସହାୟତା ପାଇଁ, ଏକ ଆମେରିକୀୟ ଟିମ୍ ପାକିସ୍ତାନରେ ରହିଥାଏ। ଯେତେବେଳେ ଆମେରିକାକୁ ପଚରାଗଲା ଯେ ଅପରେସନ୍ ସିନ୍ଦୁର ସମୟରେ F-16 ଯୁଦ୍ଧ ବିମାନକୁ ଖସାଇ ଦିଆଯାଇଥିଲା, ସେମାନେ ଦେଇଥିଲେ ଏହାର ଉତ୍ତର।
ରିପୋର୍ଟ ଅନୁଯାୟୀ, ଆମେରିକାର ବିଦେଶ ବିଭାଗ କହିଛି, "ଆପଣ ପାକିସ୍ତାନ ସରକାରଙ୍କୁ ପଚାରନ୍ତୁ ଯେ ସେମାନଙ୍କର F-16 ଯୁଦ୍ଧ ବିମାନକୁ ଖସାଇ ଦିଆଯାଇଛି କି ନାହିଁ।" ପାକିସ୍ତାନ ପାଖରେ ଥିବା ସମସ୍ତ F-16 ଯୁଦ୍ଧ ବିମାନ ବିଷୟରେ ଆମେରିକାର ସମ୍ପୂର୍ଣ୍ଣ ସୂଚନା ଅଛି। ଆମେରିକାର ଦଳ ଏହା ଉପରେ ୨୪ ଘଣ୍ଟା ନଜର ରଖେ। ଆମେରିକା ଏବଂ ପାକିସ୍ତାନ ମଧ୍ୟରେ ଏକ ସ୍ୱତନ୍ତ୍ର ଚୁକ୍ତି ଅଛି, ଯାହା ଅନୁଯାୟୀ ଆମେରିକୀୟ ଟିମ୍ ଏଠାରେ ମୁତୟନ ଅଛନ୍ତି। ପାକିସ୍ତାନ ପାଖରେ ବର୍ତ୍ତମାନ ପ୍ରାୟ ୭୫ଟି F-16 ଯୁଦ୍ଧ ବିମାନ ଅଛି। 2019 ମସିହାରେ, ୱିଙ୍ଗ କମାଣ୍ଡର ଅଭିନନ୍ଦନ ତାଙ୍କ MiG-21 ସହିତ ଏକ F-16 ଖସାଇ ଦେଇଥିଲେ।
