ନୂଆଦିଲ୍ଲୀ: ଭାରତର ‘ଅପରେସନ ସିନ୍ଦୂର’ ପରେ ପାଗଳ ପରି ହେଉଛି ପାକିସ୍ତାନ । କୁହାଯାଉଛି, ଶହବାଜ ସରକାର ଏୟାର ଷ୍ଟ୍ରାଇକ୍ର ବଦ୍ଲା ନେବା ଲକ୍ଷ୍ୟରେ ରହିଛନ୍ତି । ପାକ୍ ସେନା ପ୍ରତିଶୋଧ ନେବାକୁ ଯୋଜନା ପ୍ରସ୍ତୁତି । କିଛି ବଡ଼ ଧରଣର ହମଲା ହୋଇପାରେ । ପାକିସ୍ତାନ ତା’ର ଏୟାରସ୍ପେସ୍କୁ ୪୮ ଘଣ୍ଟା ପାଇଁ ବନ୍ଦ ରଖିଥିବାରୁ ଏଭଳି ଆଶଙ୍କାକୁ ଏଡ଼ାଇ ଦିଆଯାଇନପାରେ । ସେପଟେ ଭାରତୀୟ ସେନା ମଧ୍ୟ ଏହାର ଜବାବ ଦେବାକୁ ପ୍ରସ୍ତୁତ ହୋଇଛି । ‘ଅପରେସନ ସିନ୍ଦୂର ୨.O’ ହୋଇପାରେ ବୋଲି କୁହାଯାଉଛି ।
ପାକିସ୍ତାନ ତା’ର ଏୟାରସ୍ପେସ ୪୮ ଘଣ୍ଟା ପାଇଁ ବନ୍ଦ କରିଦେଇଛି । ଯାହା ଫଳରେ ଏୟାର ଫ୍ରାନ୍ସ, ଲୁଫଥାନସା, ଏମିରେଟସ ଓ କତାର ଏୟାରୱେଜ ଭଳି ଅନେକ ଆନ୍ତର୍ଜାତୀୟ ଏୟାରଲାଇନ୍ସ ପାକିସ୍ତାନ ବାୟୁସୀମାକୁ ଏଡାଇ ଅନ୍ୟ ରୁଟରେ ଯାଉଛନ୍ତି । ସେପଟେ ପାକିସ୍ତାନ ପଟୁ ହମଲା ଆଶଙ୍କା ଥିବାରୁ ଭାରତ ମଧ୍ୟ ଉତ୍ତର ଭାରତର ୧୭ଟି ଏୟାରପୋର୍ଟକୁ ବନ୍ଦ କରିଛି । ଏଥିରେ ଶ୍ରୀନଗର, ଜାମ୍ମୁ, ଅମୃତସର ଓ ଲେହ ଆଦିରେ ବିମନବନ୍ଦର ରହିଛି ।
ଅପରେସନ ସିନ୍ଦୂର 2.0 ରେ କ'ଣ ହେବ !
ପାକିସ୍ତାନ ପ୍ରତିଶୋଧ ନେବା ଲକ୍ଷ୍ୟରେ ହମଲା କଲେ, ଏହା ଦୃଢ଼ ଜବାବ ଦିଆଯିବ ବୋଲି ଏନଏସଏ ଅଜିତ୍ ଡୋଭାଲ୍ କହିସାରିଛନ୍ତି । ଏଥର ଯୁଦ୍ଧ ହେଲେ ଭାରତ ମନବଳାଇଛି, ପାକିସ୍ତାନକୁ ବଡ଼ ଜଖମ ଦିଆଯିବ । ବଂଲାଦେଶ ଭଳି ବଲୁଚିସ୍ତାନକୁ ପାକିସ୍ତାନ ଠାରୁ ଅଲଗା କରି ଦିଆଯିବ । ବର୍ତ୍ତମାନ ସମୟରେ ବଲୁଚିସ୍ତାନରେ ଅଶାନ୍ତି ଜାରି ରହିଛି । ଶହବାଜ ସରକାରଙ୍କ ବିରୋଧରେ ଖୁଲମଖୁଲା ପ୍ରଦର୍ଶନ ହେଉଛି । ପାକିସ୍ତାନ ସୁରକ୍ଷାବାହିନୀକୁ ଟାର୍ଗେଟ୍ କରୁଛି ବଲୁଚି ଲିବରେସନ ଆର୍ମି । ତେଣୁ ଏଥର ଟିକିଏ ବି ଉଲମବିଲମ୍ ହେଲେ ଭାରତୀୟ ସେନା ‘ଅପରେସନ ସିନ୍ଦୂର ୨.O’ କରି ପାକିସ୍ତାନ ଦୁଇଖଣ୍ଡ କରିବାକୁ ପ୍ରସ୍ତୁତ ହେଉଛି ।
ପହଲଗାମ୍ ଆକ୍ରମଣ ବଦ୍ଲା:
ପହଲଗାମରେ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେଇଛି ଭାରତୀୟ ସେନା । ମଙ୍ଗଳବାର ମଧ୍ୟରାତ୍ରିରେ ଭାରତୀୟ ସେନା, ନୌସେନା ଓ ବାୟୁସେନା ମିଳିତ ଭାବେ ୨୪ଟି ମିସାଇଲ ନିକ୍ଷେପ କରି ବାହାଓାଲପୁର, ସିଆଲକୋଟ ଓ ପୋକରେ ଥିବା ଲସ୍କର-ଏ-ତୈବା, ଜୈଶ-ଏ-ମହମ୍ମଦ ଓ ହିଜବୁଲ ମୁଜାହିଦ୍ଦୀନର ଶିବିରଗୁଡିକୁ ଧ୍ୱଂସ କରିଛି । ଏହି ଆକ୍ରମଣରେ ୭୦ରୁ ଅଧିକ ଆତଙ୍କବାଦୀ ନିହତ ହୋଇଥିବା ବେଳେ ୬୦ରୁ ଅଧିକ ଆହତ ହୋଇଥିବା ସୂଚନା ରହିଛି ।
