ନୂଆଦିଲ୍ଲୀ ୧୦।୦୫ : ଘଡ଼ିକେ ଘୋଡ଼ା ଛୁଟୁଛି । କେତେବେଳେ କହୁଛି ଆମେ ଲଢେଇ କରିବୁ, ତ ଆଉ କହୁଥିଲେ ଆମେ ଆମ ରକ୍ତର ଜବାବ ଦେବୁ । ପଡ଼ୋଶୀ ବିରୋଧରେ ଜୋରଦାର ନେବୁ ଆକ୍ସନ, ହେଲେ କିଛି ଘଣ୍ଟା ପରେ ବଦଳିଲା ପାକିସ୍ତାନର ସ୍ୱର । ଭାରତର ଆକ୍ରମଣ ଭୟରେ ଛାନିଆ କାଙ୍ଗାଳିସ୍ତାନ । ଏବେ କହିଲାଣି ଆମେ ଶାନ୍ତି ଚାହୁଁଛୁ । କଥାବାର୍ତ୍ତା ପାଇଁ ଆମେ ପ୍ରସ୍ତୁତ ଅଛୁ ବୋଲି କହିଛନ୍ତି ପାକିସ୍ତାନ ବୈଦେଶିକ ମନ୍ତ୍ରୀ ଇଶାକ ଡାର୍।
ପହଲଗାମ୍ ଆତଙ୍କୀ ଆକ୍ରମଣର ଜବାବରେ ଭାରତୀୟ ସେନା ଏୟାର ଷ୍ଟ୍ରାଇକ୍ କରିଥିଲା । ଯେଉଁଥିରେ ଅନେକ ଆତଙ୍କୀ ଆଡ୍ଡାକୁ ଧ୍ୱଂସ କରିଥିଲା । ଏହାର ଜବାବରେ ପାକିସ୍ତାନୀ ସେନା ମଧ୍ୟ ଆଟାକ କରିଥିଲା । ଭାରତୀୟ ସୀମାରେ ଅନେକ ପାକିସ୍ତାନୀ ଡ୍ରୋନ୍ ପ୍ରବେଶ କରିବାକୁ ଉଦ୍ୟମ କରିଥିଲା । ହେଲେ ଭାରତର ଏୟାର ଡିଫେନ୍ସ ସିଷ୍ଟମ S-400 ଏହାକୁ ନଷ୍ଟ କରିଦେଇଥିଲା । ତାପରେ ବି ଉଭୟ ଦେଶଙ୍କ ମଧ୍ୟରେ ଉତ୍ତେଜନା ଲାଗି ରହିଛି । ଏହାରି ଭିତରେ ପାକିସ୍ତାନର ଏକ ଘରୋଇ ଟିଭି ଚ୍ୟାନେଲକୁ ସାକ୍ଷାତକାର ଦେବା ଅବସରରେ ପାକିସ୍ତାନ ବୈଦେଶିକ ମନ୍ତ୍ରୀ ଇଶାକ ଡାର୍ କହିଛନ୍ତି ଯେ, ଭାରତ ଆମ ଉପରେ ଆକ୍ରମଣ କରିଥିଲା । ଯାହାର ଜବାବ ଆମେ ଦେଇଥିଲୁ । ବର୍ତ୍ତମାନ ଯେଉଁଭଳି ସ୍ଥିତି ଲାଗିରହିଛି । ଭାରତ ଯଦି ଏହିଠାରେ ଅଟକି ଯାଏ । ତେବେ ଆମେ ବି ଅଟକି ଯିବୁ । ପାକିସ୍ତାନ ସବୁବେଳେ ଶାନ୍ତି ଚାହେଁ । ଆମର ଉଦ୍ଦେଶ୍ୟ ବିନାଶ କିମ୍ବା ଧନସଂପତ୍ତି ନଷ୍ଟ ନୁହେଁ । ଶାନ୍ତି ପାଇଁ ଆମେ ବିଭିନ୍ନ ଦେଶ ସହିତ କଥା ହେଉଛୁ । ସେହିପରି ଏହି ସଂପର୍କରେ ଆମେରିକାର ବିଦେଶ ମନ୍ତ୍ରୀଙ୍କ ସହିତ ମୋର ଆଲୋଚନା ହୋଇଛି । ଏହାର କିଛି ସମୟରେ ସେ ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ସହିତ କଥା ହୋଇଛନ୍ତି ।
ସୂଚନାଯୋଗ୍ୟ ଯେ, ଅପରେସନ ସିନ୍ଦୂର ବିରୋଧରେ ପାକିସ୍ତାନୀ ସରକାର ଆରମ୍ଭ କରିଥିଲେ ଅପରେସନ । ଯାହାକୁ ପାକିସ୍ତାନ ଆର୍ମ ନାଁ ଦେଇଥିଲା ‘ବୁନୟାନ ଉଲ ମାର୍ସୁସ’ ନାଁ ଦେଇଛି। ପାକିସ୍ତାନ ଏହି ଅପରେସନ ଜରିଆରେ ଭାରତର ଉଧମପୁର, ପଠାନକୋଟ, ଭତିଣ୍ଡା, ଭୁଜ୍ ଏୟାରଫୋର୍ସ ଷ୍ଟେସନ୍ରେ ଆଟାକ ପାଇଁ ଉଦ୍ୟମ କରିଥିଲା । ହେଲେ ଭାରତୀୟ ଏୟାର ଡିପେନ୍ସ ସିଷ୍ଟମ ସବୁ ଆଟାକକୁ ନିଷ୍ଟ୍ରିୟ କରିଦେଇଥିଲା । ତେବେ ପାକିସ୍ତାନୀ ଆଟାକର କଡ଼ା ଜବାବ ଦେଇଥିଲା ଭାରତୀୟ ସେନା । ପାକିସ୍ତାନର ୪ରୁ ଅଧିକ ଏୟାରବେସ୍କୁ ମିଜାଇଲ୍ ମାରି ନଷ୍ଟ କରିଛି ଇଣ୍ଡିଆନ୍ ଆର୍ମି ।
