ବାହାରକୁ ଚାଲାଣ ପାଇଁ ଜଙ୍ଗଲରେ ଲୁଚାଇଥିଲେ, ଚଢାଉ କରି ଜବତ କଲା ପୋଲିସ

Published By : Prameya-News7 Bureau | February 02, 2025 IST

କୋରାପୁଟ ୨/୨: ଅପରାଧୀ ଡାଳେ ଡାଳେ ଗଲେ ପତ୍ରେ ପତ୍ରେ ଯାଉଛି ପୋଲିସ । ଫେଲ୍‌ ମାରିଛି ଗଞ୍ଜେଇ ମାଫିଆଙ୍କ ସବୁ ଚାଲ୍‌ ।ଜଙ୍ଗଲରେ ୩୮ ବସ୍ତା ଗଞ୍ଜେଇ ଦେଖି ତାଜୁବ ପୋଲିସ । ବାହାର ରାଜ୍ୟକୁ ଚାଲାଣ କରିବାକୁ ଚାଲିଥିଲା ପ୍ଲାନ । ହେଲେ ଜଙ୍ଗଲରେ ପହଞ୍ଚି ଭଣ୍ଡୁର କରିଦେଲା ପୋଲିସ । 

କୋରାପୁଟ ଜିଲ୍ଲା ବୈପାରୀଗୁଡା ମାଝୀଗୁଡା ପଞ୍ଚାୟତର ଟିକରପଡା ଜଙ୍ଗଲରେ ଅଚାନକ ଚଢାଉ କରି ୧୦ କ୍ବିଣ୍ଟାଲ ଗଞ୍ଜେଇ ଜବତ କରିଛି ପୋଲିସ । ଗଞ୍ଜେଇ ମାଫିଆମାନେ ବାହାର ରାଜ୍ୟକୁ ଚାଲାଣ କରିବା ପାଇଁ ଜଙ୍ଗଲରେ ଲୁଚାଇ ରଖିଥିଲେ ଗଞ୍ଜେଇ ।

 

ବିଶେଷ ସୂତ୍ରରୁ ଖବର ପାଇ ବୈପାରୀଗୁଡା ଥାନା ଆଇଆଇସି ଦୀପାଞ୍ଜଳି ପ୍ରଧାନଙ୍କ ନେତୃତ୍ବରେ ଏକ ସ୍ବତନ୍ତ୍ର ଟିମ୍‌ ଜଙ୍ଗଲରେ ଚଢାଉ କରିଥିଲେ । ଚଡାଉ ବେଳେ ଏତେ ପରିମାଣର ଗଞ୍ଜେଇ ବସ୍ତା ଦେଖି ପୋଲିସର ଆଖି ଟେରା ହୋଇଯାଇଥିଲା । ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ଓଜନ କରାଯାଇଥିଲା । ଜବତ ଗଞ୍ଜେଇ ୧୦ କ୍ବିଣ୍ଟାଲ ହେବ । ଘଟଣାସ୍ଥଳରୁ ଗଞ୍ଜେଇ ମାଫିଆ ଚଂପଟ ମାରିଛନ୍ତି । ସେମାନଙ୍କୁ ଖୁବ ଶୀଘ୍ର ଗିରଫ କରାଯିବା ନେଇ ସୂଚନା ଦେଇଛନ୍ତି ବୈପାରୀଗୁଡା ଆଇଆଇସି । 

 

  • OdishaNews
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.