ମୁମ୍ଵାଇ ୧୬।୧୦: ଏନସିପି ନେତା ବାବା ସିଦ୍ଦିକିଙ୍କ ହତ୍ୟା ମାମଲା ଚର୍ଚ୍ଚାରେ ଅଛି । ଅନ୍ୟ ପଟେ ସଲମାନଙ୍କ ସୁରକ୍ଷାକୁ ମଧ୍ୟ ବୃଦ୍ଧି କରାଯାଇଛି। ଏଭଳି ପରିସ୍ଥିତିରେ ଦେଶ ବାହାରୁ ଆଉ ଏକ ଆଶ୍ଚର୍ଯ୍ୟଜନକ ଖବର ଆସୁଛି । ଦେଶୀ ଗର୍ଲ ପ୍ରିୟଙ୍କା ଚୋପ୍ରାଙ୍କ ସ୍ୱାମୀ ତଥା ହଲିଉଡ୍ ଗାୟକ ନିକ ଜୋନାସଙ୍କୁ ଶାର୍ପ ସୁଟର ଆକ୍ରମଣ କରିବାକୁ ଚେଷ୍ଟା କରିଛନ୍ତି। ଯେତେବେଳେ ସେ ଏକ ଷ୍ଟେଜ୍ ସୋ କରୁଥିଲେ ଏହି ଘଟଣା ଘଟିଥିଲା।
ନିକ୍ ଜୋନାସ୍ ଉପରେ ଲେଜର ଲାଇଟ୍
ଜୋନାସ୍ ବ୍ରଦର୍ସଙ୍କ ପ୍ରାଗ୍ କନସର୍ଟ ସମୟରେ ନିକ ଜୋନାସଙ୍କ ଉପରେ ଏକ ଲେଜର ଲାଇଟ ପଡିଥିଲା । ଏହା ପରେ ଗାୟକ ଶୀଘ୍ର ମଞ୍ଚ ଛାଡିଥିଲେ । ସୋସିଆଲ ମିଡିଆରେ ଭାଇରାଲ ହେଉଥିବା କ୍ଲିପ୍ରେ ନିକ ଜୋନାସ ଦର୍ଶକଙ୍କ ଆଡକୁ ଚାହୁଁଥିଲେ । ହଠାତ୍ ଦୌଡ଼ିବାକୁ ଲାଗିଲେ । ମଞ୍ଚରୁ ଓହ୍ଲାଇବାବେଳେ ସେ ପାଖରେ ଠିଆ ହୋଇଥିବା ସୁରକ୍ଷା କର୍ମୀଙ୍କୁ ମଧ୍ୟ ଇଙ୍ଗିତ କରିଥିଲେ। ପରେ ଦୁହେଁ ମଞ୍ଚରୁ ପଳାଇ ଯାଇଥିଲେ।
ଅନ୍ୟ ଏକ କ୍ଲିପ୍ରେ ନିକଙ୍କ ମୁଣ୍ଡକୁ ଲକ୍ଷ୍ୟ କରି ଏକ ଲାଲ ଲେଜର ଲାଇଟ୍ ଦେଖାଯାଇଥିଲା। ନିକ ପଳାଇବା ସମୟରେ କେଭିନ ଜୋନାସ ଏବଂ ଜୋ ଜୋନାସ ମଞ୍ଚରେ ଥିଲେ। ବର୍ତ୍ତମାନ ସୋସିଆଲ ମିଡିଆରେ ନିକଙ୍କ ମଞ୍ଚରୁ ଦୌଡ଼ି ପଳାଇବାର ଏକ ଭିଡିଓ ସାମ୍ନାକୁ ଆସିଛି। ଯେଉଁ କାରଣରୁ ପ୍ରଶଂସକମାନେ ଅସନ୍ତୋଷ ପ୍ରକାଶ କରୁଛନ୍ତି। ଏଭଳି ପରିସ୍ଥିତିରେ ସେ ଭିଡିଓରେ ମନ୍ତବ୍ୟ ଦେଇ ଲେଖିଛନ୍ତି ଯେ ଭଗବାନଙ୍କୁ ଧନ୍ୟବାଦ ଯେ ସେ ଭଲ ଅଛନ୍ତି।
